GALATƏ 1:5 - Bibəl ta Sar̄

⁵ Kɔsə gɔn i tām̄ yān tə́ kə dɔ ɓāl̄ gə̄! Adə̄ i tītə̄ ń noō!

Bible sar

⁵ *Kɔsə gɔn i tām̄ yān tə́ kə dɔ ɓāl̄ gə̄! *Adə̄ i tītə̄ ń noō!

GALATƏ 1:5 Referans Kwoze

Makətūbə̄ ń Pol ndang adə̄ Rom gə̄ ní 11:36

Tɔdɔ̄ yá̰a̰ malang teē i rɔ̄n tə́ ō, ndin̄ i kə kūl̄neé ō, i tām̄ yān tə́ ō. Ādə̄ de gə̄ malang ɔsən̄ gɔnən ngándáńg! Adə̄ i tītə̄ ń noō.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! Adə̄ i tītə̄ ń noō, adə̄ i tītə̄ ń noō!

JEJU TEĒ KUM JA̰A̰ 14:7

Ni-əda kə tɔ́gəneé na: Ī-ɓōlíī Nə́ɓā ō, ɔ́siī gɔnən ō, tɔdɔ̄ kum mbang gān̄g sarya yān asə kɔ̄ɔ́. Ɔsiī nosí nang tə́ ī-rɔyīneé nge rāā dɔ rā̰ ō, dɔ nang ō, bā bo ō, ta kəɓa man̄ gə̄ ō.

JEJU TEĒ KUM JA̰A̰ 7:12

ədan̄ na: Adə̄ i tītə̄ ń noō! Tɔ̄ȳ ō, kɔsə gɔn ō, kum kedə̄ ō, ndadə̄ ō, rɔȳ ō, tɔ́gə ō, ngan̄g ō, i yá̰a̰ yā Nə́ɓā yājí, kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

JEJU TEĒ KUM JA̰A̰ 5:12

Nin̄-unən̄ ndūdə́ kə̄ dɔɔ́ ngá̰ý ədan̄neé na: Ngōn̄ batə̄ ń əjan̄ míndən ní, asə kənge tɔ́gə ō, yá̰a̰ kənge ō, kum kedə̄ ō, ngan̄g ō, rɔȳ ō, kɔsə gɔn ō, tɔ̄ȳ ō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

1 PIYER 5:11

Tɔ́gə i yān ni kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

PILIPƏ 4:20

Kɔsə gɔn i yā Nə́ɓā ń i Bɔbə̄jí ní ngándáńg. Adə̄ i tītə̄ ń noō.

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

Makətūbə̄ ń Pol ndang adə̄ Rom gə̄ ní 16:27

Kɔsə gɔn i yā Nə́ɓā, i nəkɔ́ kal kógə̄ḿ beē ngóy n i de kə́ nge kum kedə̄. Kadə̄ de gə̄ ɔsən̄ gɔnən kə ta kūl̄ Jeju Kərist kə dɔ ɓāl̄ gə̄ ɓāl̄ gə̄! Adə̄ i tītə̄ ń noō.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

IJAI 42:12

Ādə̄ gír de gə̄ ń ndin̄ sa̰y ní ɔsən̄ gɔn Kɔ́ɔ̄ɓē, ādə̄ unən̄ ndūdə́ kə̄ dɔɔ́ ənīn̄neé pā tɔ̄ȳ Kɔ́ɔ̄ɓē!

IJAI 24:15

Ɔ́siī gɔn Kɔ́ɔ̄ɓē, gō nang kə́ gír ɓē tə́, ə̄nīī pā rīn dɔ dor̄ loo gə̄ kə́ kum bā bo tə́ tə́ ō, ə̄nīī pā rī Kɔ́ɔ̄ɓē, Nə́ɓā yā Israel!

PĀ GƏ̄ 41:13

Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō, ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.

1 YÁ̰A̰ GƏ̄ 29:13

Nə́ɓā yājí, i tām̄ najə̄ ń noō tə́ n j-ɔsəń gɔnií ō, jə-tɔ̄yń rīí kə́ majə ngá̰ý ō ní.

1 KORḚNTƏ 8:13

I tām̄ najə̄ ń toō tə́ n ré yá̰a̰ kəsa i yá̰á̰ kə́ a rāā kadə̄ ngōkó̰ó̰ḿ əsō kum majaĺ tə́ anī, m-ā m-ə́sa dā̰ to̰ aĺ bátə́ kə̄ noḿ tə́ ní, na sōgə́ m̄-rāā adə̄ ngōkó̰ó̰ḿ əsō.