GALATƏ 1:4 - Bibəl ta Sar̄

⁴ Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

Bible sar

⁴ Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

GALATƏ 1:4 Referans Kwoze

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

Makətūbə̄ ń Pol ndang adə̄ Rom gə̄ ní 4:25

Nə́ɓā əya̰n jī de gə̄ tə́ adə̄ tɔ̄l̄nən̄ i najə̄ yá̰á̰ kə́ gō tə́ aĺ yājí gə̄ tə́, ba ndólən i kadə̄ tə́danə̄ńjí dan de kə́ súmūú gə̄ tə́.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

1 TIMOTE 2:6

Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

PILIPƏ 4:20

Kɔsə gɔn i yā Nə́ɓā ń i Bɔbə̄jí ní ngándáńg. Adə̄ i tītə̄ ń noō.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

HEBƏRO 6:5

Nin̄-nāān̄ najə̄ kə́ nel̄ ngá̰ý yā Nə́ɓā ō, nin̄-gerə̄n̄ tɔ́gə yā dɔ nang kə́ kijə kə́ ndɔ̄ń tə́ ō.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

JA̰A̰ 12:31

I ngɔlaā ń toō n a gāngə̄n̄ sarya yā de kə́ dɔ nang tə́ laā gə̄ ní. I ngɔlaā ń toō n a ənīn̄ ngār yā de kə́ dɔ nang tə́ laā gə̄ ndágá kɔ̄ɔ́ ní.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

IJAI 65:17

Tām̄ m-ā m̄-rāā dɔ rā̰ kə́ kijə ō, dɔ nang kə́ kijə ō. A əga kem deē dɔ yá̰á̰ kə́ mān̄ kɔ̄ɔ́ tə́ to̰ alé, deē a gír̄ dɔ tə́ to̰ alé.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

HEBƏRO 2:5

Tɔdɔ̄ dɔ nang kə́ kijə kə́ ndɔ̄ń tə́ ń j-ɔr̄ najə̄n ní, Nə́ɓā əladə́ i gíŕ tɔ́gə yā de kə́ dɔ rā̰ tə́ gə̄ tə́ alé.

1 TESALONIK 3:11

Kadə̄ Bɔbə̄jí Nə́ɓā nəkɔ́ ō, Kɔ́ɔ̄ɓē yājí Jeju ō, ndɔ́rə̄n̄jí ta róbə aw̄n̄neé sejí loosí.

EPEJƏ 6:12

Tɔdɔ̄ ngé gə̄ ń j-a jə-rɔ̄ɔ̄īdə́ ní, i deē ndul gə̄ ń nin̄ i kə dā̰ rɔ̄də́ ō, mósə́də́ ō ní alé, banī i ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō, ngār kə́ tilií gə̄ ō, ndíĺ kə́ majaĺ gə̄ ō ń ndin̄ dɔɔ́ dɔ rā̰ tə́ ní.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

JA̰A̰ 10:11

Mā i nge kul̄ kə́ majə. Nge kul̄ kə́ majə adə̄ rɔ̄n yo tām̄ yā batə̄ yān gə̄ tə́.

JA̰A̰ 6:38

Tɔdɔ̄ m-ḭ́ḭ dɔ rā̰ tə́ m̄-reē dɔ nang tə́ i yā rāā yá̰a̰ kə gō kem ndigə yāḿ alé, banī i yā rāā yá̰a̰ kə gō kem ndigə yā Nge ń əlam̄ ní.

JA̰A̰ 5:30

Mā m-ásə rāā yá̰á̰ kógə̄ḿ kə dɔḿ alé, banī m̄-gān̄g sarya i kə gō koō ń m-ōō ní. Adə̄ sarya gāngə̄ḿ i gōtə́, tɔdɔ̄ m̄-sāā rāā yá̰a̰ kə gō kem ndigə yāḿ alé, banī i kə gō kem ndigə yā nge ń əlam̄ ní.

Najə̄ kə́ Majə yā Jeju ń Luk ndang ní 22:42

Bɔbə́ḿ, ḭ̄ kɔ́ ndigə anī, úń kópə́ ń toō rɔ̄ḿ tə́ kɔ̄ɔ́, banī kadə̄ i gō kem ndigə yāḿ mā n kə yā rāā ní alé, ba kadə̄ i gō kem ndigə yāí ḭ̄ kɔ́ tá.

MARK 10:45

Tɔdɔ̄ Ngōn̄ Deē reē i kadə̄ de gə̄ rāān̄ kəla yān alé, banī i kadə̄ i ni n rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

MATIYE 26:42

Ni-tél aw̄ adə̄ dan gə̄lā sa̰y nja kə́ nge ko̰ jōó, ba ndɔ̄ȳ Nə́ɓā əda na: Bɔbə́ḿ, ré loo kun kópə ń toō kɔ̄ɔ́ kanjə̄ kadə̄ m-ā̰ȳ yá̰á̰ kə́ kemeé gətóo anī, ādə̄ yá̰á̰ ń ī-ndigə ní rāā yá̰a̰!

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

PĀ GƏ̄ 40:8

Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

Makətūbə̄ ń Pol ndang adə̄ Rom gə̄ ní 8:27

Banī nge ń i nge kəndā ma̰ȳ yá̰á̰ kə́ kem de gə̄ tə́ ní, nəkɔ́ ger̄ yá̰á̰ ń Ndíl gḛy ní. Tɔdɔ̄ yá̰á̰ ń Ndíl dəje tām̄ yā de gə̄ yā Nə́ɓā tə́ ní, a dəje i tītə̄ ń kem Nə́ɓā nəkɔ́ ndigəń ní.

Najə̄ kə́ Majə yā Jeju ń Luk ndang ní 22:19

Gō tə́ anī ni-un mápa, ndadə̄ Nə́ɓā dɔ tə́, tétə̄ naā tə́, adə̄də́, ba ədadə́ na: Nge ń toō i rɔ̄ḿ kə́ m-ādə̄ tām̄ yāsí tə́. Ī-rāāī yá̰á̰ ń toō kadə̄ əgań kemsí dɔḿ tə́.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

EPEJƏ 5:16

Dan ń ə́ngeī kum mbang anī, úniī ī-rāāiń yá̰á̰ kə́ majə, tɔdɔ̄ ndɔ̄ gə̄ ń jə-ndiī kemeé ngɔlaā ní majən̄ alé.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.