GALATƏ 1:24 - Bibəl ta Sar̄

²⁴ Adə̄ nin̄-ɔsən̄ gɔn Nə́ɓā najə̄ yāḿ tə́.

Bible sar

²⁴ Adə̄ nin̄-ɔsən̄ gɔn Nə́ɓā najə̄ yāḿ tə́.

GALATƏ 1:24 Referans Kwoze

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

MATIYE 9:8

Dan ń kósə de gə̄ a̰a̰n̄ yá̰á̰ ń noō anī, ɓōĺ rāādə́ ō, nin̄-ɔsən̄ gɔn Nə́ɓā tām̄ kadə̄ ń ni-adə̄ de gə̄ tɔ́gə kə́ tītə̄ ń noō ní ō.

2 TESALONIK 1:12

I tītə̄ ń noō n rī Kɔ́ɔ̄ɓē Jeju a əngeń kɔsə gɔn kə ta kūl̄sí sḭḭ̄ḭ́ ō, sḭḭ̄ ā ə́ngeīń kɔsə gɔn kə ta kul̄ən ní ō ní. Yá̰á̰ ń kem majə yā Nə́ɓā yājí ō, yā Kɔ́ɔ̄ɓē Jeju Kərist ō, a rāā ní n noó.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

2 KORḚNTƏ 9:13

Kəla ń toō ń ī-rāāī ní, a ɔjə yá̰á̰ ń i sḭḭ̄ ní kə̄ ndágá. Adə̄ de gə̄ ngá̰ý a ɔsən̄ gɔn Nə́ɓā tām̄ yā sɔl̄ dɔ yāsí tə́, sɔl̄ dɔ ń ɔ́jiīneé kə̄ ndágá kadə̄ ī-taāī kem Najə̄ kə́ Majə yā Kərist ní. Nin̄ a ɔsən̄ gɔn Nə́ɓā tām̄ yā kem majə yāsí tə́ ō, adə̄ i kem majə ń ādīneédə́ nin̄ ō, gotə de kə́ rang gə̄ malang ō yá̰a̰ kənge yāsí ngá̰ý ní.

Najə̄ kə́ Majə yā Jeju ń Luk ndang ní 7:16

Ɓōĺ rāā de gə̄ malang, adə̄ a ɔsən̄ gɔn Nə́ɓā, ədan̄ na: Nge koō ta kə́ bo teē danjí tə́, adə̄ Nə́ɓā reē go̰ō̰ gír deē yān gə̄ tə́.

TƏ́DA 23:23

Kəndā gara gətóo dan ngán Israel gə̄ tə́ ō, koō ta kɔdə̄ sāā gə̄ gətóo dan ngán Israel gə̄ tə́ ō. Ré asə dɔ tə́ anī a ədan̄ ngán Jakob gə̄ ō, ngán Israel gə̄ ō, yá̰á̰ ń Nə́ɓā rāā ní.

MARK 2:12

Kə̄ ta jī tə́ noō ni-ḭḭ dɔɔ́, un waá yān ba teē ndágá ta kumdə́ tə́ malang. Loo ń noō tə́ ɔr kumdə́ ngá̰ý, ba gō tə́ anī, nin̄-ɔsən̄ gɔn Nə́ɓā, ədan̄ na n-a̰a̰n̄ yá̰á̰ kə́ beé nja kógə̄ḿ aĺ ɓáý.