GALATƏ 1:23 - Bibəl ta Sar̄

²³ I najə̄ ń de kə́ rang gə̄ a ədan̄ dɔḿ tə́ ní ngóy n nin̄-gerə̄n ní, de gə̄ ədan̄ na: Deē ń kété a rāā kumjí ndoō tə́ ní, ngɔlaā a ɔjə i najə̄ taā kem ń ni sāā nujəń kɔ̄ɔ́ ní.

Bible sar

²³ I najə̄ ń de kə́ rang gə̄ a ədan̄ dɔḿ tə́ ní ngóy n nin̄-gerə̄n ní, de gə̄ ədan̄ na: Deē ń kété a rāā kumjí ndoō tə́ ní, ngɔlaā a ɔjə i najə̄ taā kem ń ni sāā nujəń kɔ̄ɔ́ ní.

GALATƏ 1:23 Referans Kwoze

KƏLA RĀĀ 9:13

Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.

KƏLA RĀĀ 9:20

Ni ngóō alé ba udə kə̄ rɔ̄ kɔjə najə̄ tə́ kem kújə́ kán̄ naā gə̄ tə́, əda de gə̄ na Jeju i Ngōn̄ Nə́ɓā.

KƏLA RĀĀ 9:26

Dan ń Sol ugə̄ kem ɓē kə́ Jerusalem tə́ ní a, sāā ɓoo rɔ̄n tū yā ngé ndóō yá̰a̰ gə̄ tə́, banī de gə̄ malang ɓōĺnən̄ kɔ̄ɔ́, tɔdɔ̄ nin̄-taān̄ kem kadə̄ ni-tél nge ndóō yá̰á̰ kə́ rɔ̄kum tə́ alé.

KƏLA RĀĀ 6:7

Najə̄ yā Nə́ɓā aw̄ i kum kə̄ kété kété ō, kutə ngé ndóō yá̰a̰ gə̄ reē dɔ madə̄ tə́ ngá̰ý kem ɓē kə́ Jerusalem tə́ ō, ngé tun̄ yá̰a̰ gə̄ ngá̰ý taān̄ kem ō.

KƏLA RĀĀ 9:21

De gə̄ malang ń oōn̄ najə̄ kɔrə̄n ní ɔr kumdə́ ngá̰ý, adə̄ ədan̄ na: I deē ń toō n i nge rāā ngé ɓāŕ rī Jeju gə̄ ndoō tə́ ngá̰ý kem ɓē kə́ Jerusalem tə́ ní aĺ a? Tá reē laā i tṵ́ṵ̄də́ tə́ kə kəlaá yā kaw̄ sedə́ rɔ̄ ngol gə̄ kə́ dɔ ngé tun̄ yá̰a̰ gə̄ tə́ tə́ aĺ a?

KƏLA RĀĀ 19:13

Jipə kə́rēý gə̄ kə́ ngé kɔr̄ gō ɓē tə̄ɓań ndíĺ kə́ majaĺ gə̄ nāān̄ ɓāŕ rī Kɔ́ɔ̄ɓē Jeju dɔ ngé ndíĺ kə́ majaĺ gə̄ tə́ ō, nin̄-ədan̄ na: Ī-teē kɔ̄ɔ́ kə ta kūl̄ rī Jeju ń Pol ɔjə najə̄ yān ní!

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.