GALATƏ 1:14 - Bibəl ta Sar̄

¹⁴ Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.

Bible sar

¹⁴ *Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā *Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.

GALATƏ 1:14 Referans Kwoze

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

KƏLA RĀĀ 26:5

Nin̄-ger̄mə̄n̄ i jóo, adə̄ ré ndigən̄ ɓáa asən̄ kəda najə̄ kə́ kum tə́ dɔḿ tə́ karī. Tɔdɔ̄ mā i Parijiyḛ, adə̄ i gír ɓūtə̄ kógə̄ḿ kə́ loo rāā kəla kadə̄ Nə́ɓā yādə́ ngan̄g ngá̰ý.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

KƏLA RĀĀ 22:3

Mā i Jipə, ojəmə̄n̄ i Tarsə, dɔ nang kə́ Silisi tə́. Ba ətōmə̄n̄ i kem ɓē ń toō tə́ ō, i Gamaliyel n i nge ndóōm̄ yá̰a̰ ō ní. Ni ɔjəm̄ ndū najə̄ yā kaají gə̄ kə ta njaá ndetə ndetə, adə̄ m̄-ger̄ kə gōó majə. Tá kété ní o̰o̰m̄ tɔdɔ̄ Nə́ɓā ngá̰ý tītə̄ ń sḭḭ̄ malang ī-ra ā ī-rāāīneé ɓōólaā toó ō.

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

KƏLA RĀĀ 26:9

Mā nəkɔ́ ń toō ní, kété m̄-gír̄ kemḿ tə́ m-ə́da na majə kadə̄ m̄-rāā yá̰a̰ malang ń tɔ́gə́ḿ asə ní kadə̄ m̄-nujəń rī Jeju kə́ Najaret kɔ̄ɔ́.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

LEBI GƏ̄ 13:16

Ba ré loo ní tél tetə ndaa anī, deē ní a tél yā reē rɔ̄ nge tun̄ yá̰á̰ tə́.