GALATƏ 1:10 - Bibəl ta Sar̄

¹⁰ Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

Bible sar

¹⁰ Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā *Kərist to̰ alé.

GALATƏ 1:10 Referans Kwoze

1 TESALONIK 2:4

banī Nə́ɓā nāājí pá tá adə̄jí kəla kɔjə Najə̄ kə́ Majə ní. Adə̄ j-ɔjə najə̄ i kadə̄ nel̄ de gə̄ alé, ba i kadə̄ nel̄ Nə́ɓā ń nāā ngarān̄g kemjí ní.

KƏLA RĀĀ 5:29

Banī Piyer nin̄ kə ngámbang kəla gə̄ tél ədan̄ na: Koō ta Nə́ɓā i só tə́ tɔȳ koō ta deē ndul gə̄.

EPEJƏ 6:6

Ī-rāāī nge ń noō i tām̄ kumdə́ kə́ i gōsí tə́, tītə̄ kə́ ī-sāāī i kadə̄ nel̄ deē sesí beē alé, ba ī-rāāī i yá̰á̰ ń Nə́ɓā ndigə ní, kə ngarān̄g kemsí gēé malang, kə́ loo ɓəlo gə̄ yā Kərist tə́.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

KOLOSƏ 3:22

Sḭḭ̄ ɓəlo gə̄, kɔ́ɔ̄sí kə́ dɔ nang tə́ laā gə̄ ní, ōōī tadə́ tū yá̰a̰ gə̄ tə́ malang. Ōōī tadə́ tām̄ ta kumdə́ tə́, tītə̄ yā de gə̄ ń a sāān̄ rāā yá̰a̰ kadə̄ nel̄ de gə̄ ní alé, banī ōōī tadə́ kə kem kə́ kógə̄ḿ, tītə̄ de kə́ ngé ɓōĺ ndíĺ Kɔ́ɔ̄ɓē gə̄ beé.

Makətūbə̄ ń Pol ndang adə̄ Rom gə̄ ní 2:29

Banī i yá̰á̰ kə́ to loo mundə̄ tə́ n rāā adə̄ deē i Jipə ní ō, i kəja mɔtə kə́ dan wur tə́ n i kəja mɔtə ní ō. Kəja mɔtə ngeé ń toō ní i yā Ndíl banī i yā ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

2 KORḚNTƏ 12:19

Jóo toó ní, sḭḭ̄ ī-gírī kadə̄ jḭḭ j-a jə-nējə̄ i najə̄ dɔ rɔ̄jí tə́ ta kumsí tə́ a? I beé alé! Najə̄ ń j-ɔr̄ ní, j-ɔr̄ i tītə̄ ń Kərist ndigəń ní, ta kum Nə́ɓā tə́. Ba kó tár gə̄, j-ədasí yá̰a̰ gə̄ ń noō malang i yā kadə̄ ī-tɔgīneé kum kə̄ kété kété.

Makətūbə̄ ń Pol ndang adə̄ Rom gə̄ ní 2:8

Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

1 KORḚNTƏ 10:33

I beé n mə̄kɔ́ m-ə́hɔ rɔ̄ḿ tɔgə m̄-rāań yá̰a̰ malang kadə̄ nel̄ de gə̄ malang ní. Tɔdɔ̄ m̄-sāā yá̰á̰ kə́ tām̄ yā majə yā de kə́ ngá̰ý gə̄ tə́, kadə̄ nin̄-ajən̄neé.

MATIYE 28:14

Ba ré najə̄ ní əsō mbī nge ko̰o̰ ɓē tə́ anī, j-a jə-mūjūrū ta kɔ̄ɔ́ kadə̄ əsō dɔsí tə́ alé.

1 SAMUEL 21:7

Adə̄ nge tun̄ yá̰a̰ adə̄ Dabid mápá kə́ kɔr̄ kam̄ gə̄ ní, tɔdɔ̄ mápá kə́ rang gətóo. Mápá gə̄ ní i kə́ ndējə̄n̄ Kɔ́ɔ̄ɓē pá tá gō tə́ anī ɔyn̄ kɔ̄ɔ́ kem loo kə́ táĺ tə́ yā ɓōkə́nń kə́ kijə gotoó.

KƏLA RĀĀ 12:20

Wōn̄g rāā Herod ngá̰ý kə de kə́ Tir gə̄ ō, kə de kə́ Sidon gə̄ ō. Nin̄-ɓōkə́n̄ ndūdə́ gō naā tə́ yā kaw̄ kənge Herod. Dan ń tūrə̄n̄ kem Blastus ń i pajā yā mban̄g ní adə̄ ndigə najə̄ gōdə́ tə́ oy anī, aw̄ əngen̄ Herod ba dəjenən̄ kadə̄ kə rɔ̄ɔ̄də́ alé, ba kadə̄ kə n-ndin̄ lápə́ya kə naá. Tɔdɔ̄ yá̰á̰ ń ndoōn rāādə́ gō nang yādə́ tə́ ní, nin̄ a aw̄ a ɔyn̄ i kem ɓē ko̰o̰ yā mban̄g tə́ n a reēn̄neé ní.

MATIYE 6:24

De kə́ asə rāā kəla yā kɔ́ɔ̄n gə̄ jōó mbak gətóo. Ré ni a im̄ kə́ kógə̄ḿ ba a táŕ kə́rēý, aĺ ɓáa a əhɔ gō nge kə́ kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō, naā tə́ mbak alé.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.