ESTER 9:5 - Bibəl ta Sar̄

⁵ Adə̄ Jipə gə̄ tɔ́sə̄n̄ madə̄ ba̰ā̰də́ gə̄ kə kəyā kaskaraá. Nin̄ tɔ̄lə̄n̄də́ ō, rāān adə̄ nin̄ gətóon̄ malang kɔ̄ɔ́ ō. Nin̄ rāān̄ yá̰á̰ ń kemdə́ ndigə ní kə ngé kim̄də́ gēé.

Bible sar

⁵ Adə̄ *Jipə gə̄ tɔ́sə̄n̄ madə̄ ba̰ā̰də́ gə̄ kə kəyā kaskaraá. Nin̄ tɔ̄lə̄n̄də́ ō, rāān adə̄ nin̄ gətóon̄ malang kɔ̄ɔ́ ō. Nin̄ rāān̄ yá̰á̰ ń kemdə́ ndigə ní kə ngé kim̄də́ gēé.

ESTER 9:5 Referans Kwoze

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

ESTER 3:13

Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā Adar tə́.

ESTER 9:6

Nin̄ tɔ̄lə̄n̄ de kə́ dəngam gə̄ ɓú mí kem ɓē bo kə́ Sujə tə́, nujən̄ sedə́ kɔ̄ɔ́ malang.

NEHEMI 9:24

Ngáńdə́ gə̄ aw̄ ugə̄n̄ dɔ nang ní tə́ ba taān̄ rɔ̄kum. Ī-tetə dɔ Kanaan gə̄ ń i de kə́ kem ɓē ní tə́ gə̄ ní kɔ̄ɔ nodə́ tə́ ba ə́la dɔdə́ gíŕ tɔ́gə yādə́ tə́, naā tə́ kə mban̄g yādə́ gə̄ ō, de kə́ kem ɓēé gə̄ ō, kadə̄ rāān̄ sedə́ yá̰á̰ ń kemdə́ ndigə ní.

ESTER 8:11

Ndangən̄ kem makətūbə̄ gə̄ ní tə́ na mban̄g adə̄ Jipə gə̄ kə́ kem ɓē gə̄ kə́ gō nang yān tə́ malang ta róbə kadə̄ kánə̄n̄ naā yā rɔ̄ɔ̄ dɔ rɔ̄də́ tə́, yā kadə̄ ré de gə̄ kə́ dan gíŕ nápar de kə́rēý gə̄ tə́ kə́ nin̄ i kə yá̰a̰ rɔ̄ɔ̄ gēé jīdə́ tə́ ba ənīn̄ Jipə gə̄ rɔ̄ɔ̄ anī, kə Jipə gə̄ kə tə́jān̄ míndə́də́ kɔ̄ɔ́ ō kə tɔ̄lə̄n̄də́ malang kanjə̄ ka̰a̰ kum tō ndoō yādə́ ō, kə tɔ̄lə̄n̄ nə̄yá̰də́ gə̄ ō, ngáńdə́ gə̄ ō, kə ɔyn̄ yá̰a̰ kənge yādə́ gə̄ ō.

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.