ESTER 9:4 - Bibəl ta Sar̄

⁴ Tɔdɔ̄ Mardose i de kə́ bo kə́ ndogó mbangāá ō, rīn ɓār̄ asə gō nang gə̄ malang ō, tɔ́gən reē dɔ madə̄ tə́ ō.

Bible sar

⁴ Tɔdɔ̄ Mardose i de kə́ bo kə́ ndogó mbangāá ō, rīn ɓār̄ asə gō nang gə̄ malang ō, tɔ́gən reē dɔ madə̄ tə́ ō.

ESTER 9:4 Referans Kwoze

1 YÁ̰A̰ GƏ̄ 11:9

Dabid tél de kə́ bo kum kə̄ kété ō, Kɔ́ɔ̄ɓē kə́ bo kə́ tɔ́gən i ngá̰ý i naā tə́ seneé ō.

2 SAMUEL 3:1

Deē yā Saul gə̄ ō, yā Dabid gə̄ ō, rɔ̄ɔ̄n̄ naā dan i ngá̰ý. Tɔ́gə Dabid aw̄ i kum kə̄ kété kété, banī tɔ́gə deē yā Saul gə̄ a tél i kum kə̄ gogə́ gogə́.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

Gōsə̄ najə̄ gə̄ 4:18

Hál de kə́ súmūú gə̄ to i tītə̄ loo kə́ unjə̄ kow kə́ ta gír loo tə́, kə́ unjə̄ kum kə̄ kété kété bátə́ dan kadaá.

PĀ GƏ̄ 18:43

m̄-rāādə́ adə̄ télən̄ bumbə́rú kə́ kadə̄ nél ɔy dáyń. m̄-tə́ɓādə́ njaḿ tə́ tītə̄ bɔr kə́ kum róbó beē

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

1 YÁ̰A̰ GƏ̄ 14:17

Loo ń noō tə́ rī Dabid ɓār̄ kem ɓē gə̄ tə́ malang ō, Kɔ́ɔ̄ɓē rāā adə̄ nápar de gə̄ malang ɓōĺnən̄ ō.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

JOJUE 6:27

Kɔ́ɔ̄ɓē i naā tə́ kə Jojue, adə̄ rīn ɓār̄ ngá̰ý dɔ nang ní tə́ kə taá malang.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

ESTER 10:2

Yá̰á̰ kə́ bo gə̄ malang ń ni-rāā ɔjəń tɔ́gən ō, kəhɔ rɔ̄ tɔgə yān ō, loo kəndā ń ni-əndā Mardose loo kə́ bo tə́ ō ní, ndangən̄ kem makətūbə̄ kəla rāā mban̄g gə̄ kə́ Medi tə́ ō, Persə tə́ ō tə́.

Teē Ngán Israel gə̄ 11:3

Kɔ́ɔ̄ɓē rāā adə̄ de kə́ Ejiptə gə̄ rāān̄ kem majə kə ngán Israel gēé. Tá gō nang kə́ Ejiptə tə́ ní Moijə i de kə́ bo ta kum ngé kəla yā Parao̰ gə̄ tə́ ō, ta kum gír deē yān gə̄ tə́ ō.

PĀ GƏ̄ 92:13

Banī de kə́ súmūú tɔgə tītə̄ kāgə̄ túmbur beé. Ta jīn tɔ̄ɔ̄ tītə̄ kāgə̄ sédər kə́ Liban beé.