ESTER 9:3 - Bibəl ta Sar̄

³ Tá de kə́ bo gə̄ malang ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, ngé rāā kəla kə mbangāá gə̄ ō, rāān̄ i kə Jipə gēé ɓáý to̰ ō, tɔdɔ̄ nin̄ ɓōlə́n̄ Mardose ngá̰ý.

Bible sar

³ Tá de kə́ bo gə̄ malang ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, ngé rāā kəla kə mbangāá gə̄ ō, rāān̄ i kə Jipə gēé ɓáý to̰ ō, tɔdɔ̄ nin̄ ɓōlə́n̄ Mardose ngá̰ý.

ESTER 9:3 Referans Kwoze

ESDRAS 8:36

Gō tə́ anī tə́dan̄ ndū najə̄ gə̄ yā mban̄g adə̄n̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē kə́ gō nang kə́ gidə bā Opəratə kə́ dām̄ kə́ no ɓē tə́ ō. Loo ń noō tə́ nin̄ rāān̄ kə ngán Israel gēé tām̄ yā kújə yā Nə́ɓā tə́.

DANIEL 3:2

Gō tə́ anī əla de gə̄ ɓāŕ ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ tə́ ō, ngé kadə̄ kɔjə̄ gə̄ tə́ ō, ngé ngɔ̄m̄ nar gə̄ tə́ ō, ngé ger̄ ndū najə̄ gə̄ tə́ ō, ngé gān̄g sarya gə̄ tə́ ō, ngé rāā kəla yā mban̄g gə̄ malang kə́ ɓē kə́ ndágá gə̄ tə́ ō, kadə̄ reē rāān̄ pétə́ yá̰á̰ kə́ tītə̄ deē ń mban̄g Nabukodonosor udə ní.

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

ESTER 8:5

ba əda na: Kɔ́ɔ̄ ɓē gə̄, ré ī-ndigəm̄ ō, ī-rāā kem majə seḿ ō, á̰a̰ā̰ kadə̄ i gír̄ kə́ majə ō, i gír̄ kə́ gōtə́ ō, nelī seḿ ō anī, ādə̄ ndangən̄ makətūbə̄ kə́ najə̄ kə́ kemeé gān̄g gír nge kə́ kété ń Haman ngōn̄ Hamedata, de kə́ gír kaa yā Agag tə́ ndang yā tɔ̄ləń Jipə gə̄ malang kə́ gō nang yāí tə́ ní kɔ̄ɔ́.

ESTER 3:12

Tā anī ɓārə́n̄ ngé ndang makətūbə̄ gə̄ yā mban̄g kem nāā kə́ ta kəga dɔ tə́, kə ndɔ̄ nāā kə́ nge ko̰ kutə gidə i mətá, adə̄ ndangən̄ makətūbə̄ gə̄ yā kəlań kadə̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ kə́ gō nang gə̄ tə́ ō, ngār gə̄ yā gír de kə́ tayā tayā gə̄ ō, tītə̄ ń Haman ədań ní. Ndangən̄ makətūbə̄ gə̄ ní yā kəlań gō nang gə̄ tə́ i kə gō jī loo ndangən yā de kə́ gō nang gə̄ ní tə́ ō, adə̄n̄ gír de gə̄ kógə̄ḿ kógə̄ḿ i kə ta ɓē yādə́ gēé ō. Ndangən̄ makətūbə̄ gə̄ ní i kə rī mban̄g Jerses ō, tə́ndān̄ tambō̰o̰ gə̄ dɔ tə́ i kə kulūm̄ yā mbangāá ō.

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán Israel gə̄ kə́ kə dɔ ɓūtə̄ gēé n toó ō.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.