ESTER 9:27 - Bibəl ta Sar̄

²⁷ Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.

Bible sar

²⁷ Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ *Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.

ESTER 9:27 Referans Kwoze

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

IJAI 56:6

Tə̄rā gə̄ əhɔn̄ gō Kɔ́ɔ̄ɓē. Nin̄ rɔȳnən̄ ō, tárnən̄ ō, nin̄ i ngé kəla yān gə̄ ō. Ngé gə̄ ń noō ní, Kɔ́ɔ̄ɓē əda najə̄ yādə́ na: De gə̄ malang ń ɓōlə́n̄ gidə ndɔ̄ sabat ō, ran̄ dɔ ndūdə́ tə́ loon tə́ ō, əhɔn̄ gō madə̄ naā yāḿ ō ní,

IJAI 56:3

Tə̄rā ń əhɔ gō Kɔ́ɔ̄ɓē ní, majə kadə̄ ni gír̄ yá̰a̰ tītə̄ ń toō alé: Kɔ́ɔ̄ɓē a tə̄ɓām̄ kɔ̄ɔ́ dan gír deē yān gə̄ tə́, nge ń noō to i kə̄ ndágá. Majə kadə̄ áji mbang əda rɔ̄n najə̄ ń toō alé: Mā i kāgə̄ kə́ tutə ngóy.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

ESTER 9:21

Ni mēr̄də́ rāā nāā kógə̄ḿ kə dɔ ɓāl̄ gə̄, kə ndɔ̄ kə́ nge ko̰ kutə gidə i sɔ́ ō mí ō yā nāā Adar.

1 SAMUEL 30:25

Əla gír ndɔ̄ ń noō tə́ ní Dabid rāā adə̄ najə̄ ń ni əda ní tél i ndū najə̄ ō jī-bēl̄ loo rāā yá̰a̰ ō yā ngán Israel gə̄. Ba ndū najə̄ ní to bátə́ ɓōólaā ɓáý.

JOJUE 9:15

Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.

NDŪ NAJƏ̄ 5:3

Əhɔ madə̄ naā i kə kaají gēé alé, ba i kə ngarā̰ kumjí jḭḭ̄ ń ɓōólaā jə-raī laā malang toō.

ESTER 9:20

Mardose ndang yá̰a̰ gə̄ ń rāān̄ yá̰á̰ ní ba əla kə makətūbūú adə̄ Jipə gə̄ malang ń ndin̄ kem ɓē ko̰o̰ yā mban̄g Jerses tə́ gō nang kə́ ngɔr ngɔr gə̄ tə́ aláa gō nang kə́ sa̰y sa̰y gə̄ tə́ ní.

ESTER 9:28

Gír kojə yā Jipə kə́ gō gogə́ gə̄ malang ń a reēn̄ ní, adə̄ i kojə yā Jipə gə̄ kógə̄ḿ kógə̄ḿ ń a ndin̄ kə̄ gō nang gə̄ tə́ ō, kə̄ kem ɓē gə̄ tə́ ō, kem ɓē ko̰o̰ tə́ ní, i gár kadə̄ na̰yn̄ kə̄ loo rāā nāā Purim gə̄ tə́. I gáŕ kadə̄ Jipə gə̄ ō ngáńdə́ gə̄ ō ngán kaadə́ gə̄ ō lōōn̄ gíŕ yá̰a̰ kāgə̄ ɓē ngeé ń toō tə́ aĺ ō, kadə̄ dɔdə́ ndígə̄ nal yá̰á̰ ń rāā yá̰á̰ ní aĺ ō.

TƏ́DA 15:15

Ndū najə̄ ní i tām̄ yā ngé kán naā gə̄ tə́ malang. I tām̄ yāsí sḭḭ̄ ngán Israel gə̄ tə́ ō, tə̄rā gə̄ ń ndin̄ dɔ dáńsí tə́ ní ō. I ndū najə̄ kə́ a tūr̄ aĺ ō, a to ngándáńg ō, tām̄ yāsí tə́ ta kum Kɔ́ɔ̄ɓē tə́.

NGÉ SARYA 11:40

Adə̄ kə dɔ ɓāl̄ gə̄ ngáń kə́ dəyá̰ kə́ Israel tə́ gə̄ a aw̄n̄ nōō ngōn̄ Jepte kə́ Galaad tə́. A nōōnən̄ i ndɔ̄ sɔ́ kə dɔ ɓāl̄ gə̄. Adə̄ tél i yá̰a̰ kāgə̄ ɓē dɔ nang kə́ Israel tə́.

PĀ GƏ̄ 78:7

ādə̄ ənīn̄ kemdə́ mámák adə̄n̄ Nə́ɓā. Ādə̄ dɔdə́ ndígə̄nal yá̰á̰ ń ni-rāā ní alé. Ādə̄ əndān̄ kumdə́ gíŕ gō míndən gə̄ tə́.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

EJEKIEL 16:61

Dan ń ā ī-tél ā ə́ngé ngákó̰ó̰í kə́ dəyá̰ kə́ ngátɔ́gí gə̄ ō, gidií kə́ dəyá̰ gə̄ ō gogə́ anī, ā ī-gír̄ dɔ hálí tə́ ō, rɔ̄í a sɔlī najə̄n tə́ ō. M-ā m-ə́la dɔdə́ gíŕ tɔ́gə yāí tə́, tītə̄ kə́ nin̄ i ngání kə́ dəyá̰ gə̄ beé. Nge ń noō ndetə madə̄ naā ń m-ə́hɔ seí ní alé ɓá tā, ba m-ā m̄-rāā nge ń noō.