ESTER 9:25 - Bibəl ta Sar̄

²⁵ Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

Bible sar

²⁵ Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə *Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

ESTER 9:25 Referans Kwoze

PĀ GƏ̄ 7:16

Ni əga dɔ mbḛ̄ kə jīneé, ndēr̄ adə̄ lú ba nəkɔ́ a tél yā kəsō kemeé.

MATIYE 21:44

Deē ń a əsō dɔ mbal̄ ń toō tə́ ní a tétə̄ rárák, ba deē ń mbal̄ ngeé ń toō a əsō dɔn tə́ ní, mbal̄ ní a rējə̄n rárájə́.

PĀ GƏ̄ 141:10

Ādə̄ ngé kem ndul gə̄ ń noō əsōn̄ kum gūmbə̄ ń nin̄ kɔ́ gə̄ əyān̄ tə́ ní, banī mā m-ā m̄-teē kum tə́ karī!

PĀ GƏ̄ 140:9

Kɔ́ɔ̄ɓē, yá̰á̰ ń ngé kem ndul gə̄ gḛyn̄ ní ɔ́də aĺ gōdə́ tə́. Yá̰a̰ gə̄ ń a nómə̄n̄ yā rāā ní ādə̄ udə róbó alé, na sōgə́ ɔsən̄ rɔ̄də́ kə̄ dɔɔ́.

ESTER 7:5

Anī mban̄g Jerses dəje nə̄yá̰n Ester na: Deē ń gír̄ rāā yá̰á̰ kə́ beē ní i náā? Ndi i rá?

ESTER 3:6

Ba ni a̰ā̰ kadə̄ dal ba̰ā̰ dɔ Mardose tə́ kə kérneé ngóý ní asə alé. Adə̄ ni sāā ta róbə tɔ̄l̄ gír de gə̄ yā Mardose kɔ̄ɔ́, adə̄ i Jipə gə̄ malang ń ndin̄ kem ɓē ko̰o̰ yā mban̄g Jerses tə́ ní, tɔdɔ̄ ədanən̄ na Mardose na i Jipə.

ESTER 7:4

Tɔdɔ̄ igən̄ seḿ mā ō gír deē yāḿ gə̄ ō kadə̄ nujən̄ sejí kɔ̄ɔ́! Kadə̄ tɔ̄lə̄n̄jí kadə̄ jə-gətóo kɔ̄ɔ́! Ré igən̄ sejí i kadə̄ jḭḭ i ɓəlo gə̄ anī m-ā m̄-ndi taḿ mbóo. Tɔdɔ̄ rāā kum naā ndoō tə́ kə́ tītə̄ ń noō asə kadə̄ deē njə́ɓań mban̄g alé.

PĀ GƏ̄ 140:8

Nə́ɓā, Kɔ́ɔ̄ɓē, tɔ́gə́ kə́ nge kajəḿ, ī-taā dɔḿ ndɔ̄ rɔ̄ɔ̄ tə́ adə̄ yá̰a̰ ɔdə alé.

IJAI 22:25

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ndɔ̄ kógə̄ḿ tə́ anī, gində̄ kə́ dɔ rugə kə́ kəla kadə bɔr tə́ ní a tetə. Tá əlan̄ gində̄ ní i loo kə́ ngan̄g tə́. Gində̄ ní a tetə ō, a əsō ō. Loo ń noō tə́ a nujən̄ yá̰á̰ ń kété ni ətō ní kɔ̄ɔ́. Tɔdɔ̄ i Kɔ́ɔ̄ɓē n ɔr̄ najə̄.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.

1 MBAN̄G GƏ̄ 8:32

Kɔ́ɔ̄ɓē ḭ̄ ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní ī-rāā ādə̄ háĺ kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ kə ta kūl̄ rāā seneé yá̰á̰ kə́ ɔjə kadə̄ hálən i kə́ súmūú ō.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

PĀ GƏ̄ 7:17

Yá̰á̰ kə́ majaĺ ń sāā rāā ní tetə ənda i dɔn nəkɔ́. Yá̰á̰ ń ni sāā rāā kə dɔ́nɔ́ ní tél əsō i kār̄ dɔn nəkɔ́ tə́.

PĀ GƏ̄ 94:23

Ni-rāā adə̄ yá̰a̰ rāādə́ kə́ gōtə́ aĺ gə̄ tél rāādə́ nin̄ kɔ́ gə̄. Ni nujədə́ sák sák kə kem ndul yādə́ nin̄ kɔ́ gɔ̄ɔ́. Kɔ́ɔ̄ɓē Nə́ɓā yājí nujə sedə́.

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

Gōsə̄ najə̄ gə̄ 26:27

Nge ndēr̄ bəlo a əsō kemeé ō, mbal̄ tél a əsō dɔ nge ndūbə̄rūn tə́ ō.

ABƏDIAS 1:15

A̰á̰ā̰, ndɔ̄ ń mā Kɔ́ɔ̄ɓē m-ā m̄-gāngəń sarya dɔ nápar de gə̄ tə́ malang ní, dɔ to ngɔr. Yá̰á̰ ń ḭ̄ ī-rāā kə madí gēé ní, a rāān̄ seí ō. Yá̰a̰ rāāí kə́ majaĺ gə̄ a télən̄ yā kəsō dɔí tə́.