ESTER 9:20 - Bibəl ta Sar̄

²⁰ Mardose ndang yá̰a̰ gə̄ ń rāān̄ yá̰á̰ ní ba əla kə makətūbūú adə̄ Jipə gə̄ malang ń ndin̄ kem ɓē ko̰o̰ yā mban̄g Jerses tə́ gō nang kə́ ngɔr ngɔr gə̄ tə́ aláa gō nang kə́ sa̰y sa̰y gə̄ tə́ ní.

Bible sar

²⁰ Mardose ndang yá̰a̰ gə̄ ń rāān̄ yá̰á̰ ní ba əla kə makətūbūú adə̄ Jipə gə̄ malang ń ndin̄ kem ɓē ko̰o̰ yā mban̄g Jerses tə́ gō nang kə́ ngɔr ngɔr gə̄ tə́ aláa gō nang kə́ sa̰y sa̰y gə̄ tə́ ní.

ESTER 9:20 Referans Kwoze

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

ESTER 3:12

Tā anī ɓārə́n̄ ngé ndang makətūbə̄ gə̄ yā mban̄g kem nāā kə́ ta kəga dɔ tə́, kə ndɔ̄ nāā kə́ nge ko̰ kutə gidə i mətá, adə̄ ndangən̄ makətūbə̄ gə̄ yā kəlań kadə̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ kə́ gō nang gə̄ tə́ ō, ngār gə̄ yā gír de kə́ tayā tayā gə̄ ō, tītə̄ ń Haman ədań ní. Ndangən̄ makətūbə̄ gə̄ ní yā kəlań gō nang gə̄ tə́ i kə gō jī loo ndangən yā de kə́ gō nang gə̄ ní tə́ ō, adə̄n̄ gír de gə̄ kógə̄ḿ kógə̄ḿ i kə ta ɓē yādə́ gēé ō. Ndangən̄ makətūbə̄ gə̄ ní i kə rī mban̄g Jerses ō, tə́ndān̄ tambō̰o̰ gə̄ dɔ tə́ i kə kulūm̄ yā mbangāá ō.

ESTER 1:22

Ni ndang makətūbə̄ əlań kə gō ɓē gə̄ malang ń ni-ndi dɔ tə́ ní. Ndangən̄ makətūbə̄ gə̄ ní i kə jī loo ndangən kə́ kem ɓē gə̄ ní tə́ ō, i kə ta ɓē yādə́ kə́ kemeé gə̄ ō. Ədan̄ kem makətūbə̄ gə̄ ní tə́ na i de kə́ dəngam gə̄ malang n i kɔ́ɔ̄ loo gə̄ kə́ ta kújə yādə́ gə̄ tə́ ō, kadə̄ nin̄ kə ɔrə̄n̄ ta ɓē yā gír deē yādə́ gə̄ ō ní.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

Teē Ngán Israel gə̄ 17:14

Kɔ́ɔ̄ɓē əda Moijə na kə ndang yá̰a̰ gə̄ ń noō malang na sōgə́ dɔ de gə̄ ndígə̄nal. Kə əda Jojue na n-a n-rāā kadə̄ Amalek gə̄ gətóon̄ kɔ̄ɔ́ malang, adə̄ na a əga kem deē dɔdə́ tə́ dɔ nang tə́ to̰ alé.

1 YÁ̰A̰ GƏ̄ 16:12

Sḭḭ̄ ngán kaa nge kəla yān Israel gə̄, sḭḭ̄ ngán Jakob gə̄ ń ni-gə̄rāsí ní, ādə̄ əga kemsí dɔ yá̰á̰ kə́ yáā gə̄ ō, kə́ to ɓōĺ gə̄ ō ń ni-rāā tə́ ní ō, dɔ sarya gə̄ ń ni-gān̄g tə́ ō ní.

ESTER 9:19

I tām̄ najə̄ ń noō tə́ n Jipə kə́ ngán ɓē kə́ ndágá gə̄ tə́ a rāān̄ ndɔ̄ kə́ nge ko̰ kutə gidə i sɔ́ yā nāā Adar i ndɔ̄ rɔ̄nel̄ tə́ ō, i ndɔ̄ rāā yá̰a̰ kəsa kə́ ngá̰ý tə́ ō, i ndɔ̄ rāān̄ nāā tə́ ō ní. I ndɔ̄ ngeé ń noō tə́ n nin̄ a əlan̄neé kə núsə́ yá̰a̰ gēé a adə̄n̄ naā ní.

ESTER 9:21

Ni mēr̄də́ rāā nāā kógə̄ḿ kə dɔ ɓāl̄ gə̄, kə ndɔ̄ kə́ nge ko̰ kutə gidə i sɔ́ ō mí ō yā nāā Adar.

ESTER 9:26

I tām̄ ń noō tə́ n a ɓārə́n̄neé ndɔ̄ gə̄ ní na i Purim gə̄ ní. Ba əlan̄ gír i dɔ Purim ń kumən na i wə̄lā ní tə́. Jipə gə̄ əndān̄ kumdə́ gō yá̰a̰ ń Mardose ɔjədə́ kem makətūbūú ní ō, yá̰a̰ ń nin̄ kɔ́ gə̄ a̰a̰n̄ kə kumdə́ ō, rāādə́ ō ní tə́ majə.

ESTER 9:27

Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.

ESTER 9:29

Ester kə́ nə̄yá̰ mban̄g ń i ngōn̄ Abihail kə́ dəyá̰ ní ō, Mardose ń i Jipə ní ō, ndangən̄ makətūbə̄ kə́ nge ko̰ jōó ədan̄neé kə tɔ̄gə́də́ malang kadə̄ makətūbə̄ kə́ kété ń najə̄ yā Purim gə̄ i kemeé ní i makətūbə̄ kə́ rɔ̄kum.

JEREMI 29:1

Jeremi kə́ nge koō ta Jeremi ndi Jerusalem ba ndang makətūbə̄ əlań adə̄ kum kɔɔ̄ gə̄ malang kə́ dɔ dán de gə̄ ń əhɔn̄də́ aw̄n̄ sedə́ dɔ nang kə́ rang tə́ ní ō, əlań adə̄ ngé tun̄ yá̰a̰ gə̄ ō, ngé koō ta gə̄ ō, gír de gə̄ malang ń Nabukodonosor əhɔdə́ Jerusalem aw̄ sedə́ Babilon tə́ ní ō.