ESTER 9:2 - Bibəl ta Sar̄

² Ɓē gə̄ malang kə́ gō nang yā mban̄g Jerses tə́ ń Jipə gə̄ ndin̄ tū tə́ ní, Jipə kə́ kemeé gə̄ kánə̄n̄ naā yā rɔ̄ɔ̄ de gə̄ ń a sāān̄ rāādə́ majaĺ ní. De kə́ dum̄də́ gətóo, tɔdɔ̄ de gə̄ malang ɓōlə́n̄də́ ngá̰ý.

Bible sar

² Ɓē gə̄ malang kə́ gō nang yā mban̄g Jerses tə́ ń Jipə gə̄ ndin̄ tū tə́ ní, Jipə kə́ kemeé gə̄ kánə̄n̄ naā yā rɔ̄ɔ̄ de gə̄ ń a sāān̄ rāādə́ majaĺ ní. De kə́ dum̄də́ gətóo, tɔdɔ̄ de gə̄ malang ɓōlə́n̄də́ ngá̰ý.

ESTER 9:2 Referans Kwoze

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.

ESTER 8:11

Ndangən̄ kem makətūbə̄ gə̄ ní tə́ na mban̄g adə̄ Jipə gə̄ kə́ kem ɓē gə̄ kə́ gō nang yān tə́ malang ta róbə kadə̄ kánə̄n̄ naā yā rɔ̄ɔ̄ dɔ rɔ̄də́ tə́, yā kadə̄ ré de gə̄ kə́ dan gíŕ nápar de kə́rēý gə̄ tə́ kə́ nin̄ i kə yá̰a̰ rɔ̄ɔ̄ gēé jīdə́ tə́ ba ənīn̄ Jipə gə̄ rɔ̄ɔ̄ anī, kə Jipə gə̄ kə tə́jān̄ míndə́də́ kɔ̄ɔ́ ō kə tɔ̄lə̄n̄də́ malang kanjə̄ ka̰a̰ kum tō ndoō yādə́ ō, kə tɔ̄lə̄n̄ nə̄yá̰də́ gə̄ ō, ngáńdə́ gə̄ ō, kə ɔyn̄ yá̰a̰ kənge yādə́ gə̄ ō.

PĀ GƏ̄ 71:24

M-ā m-ɔ́sə gɔn háĺ kə́ gōtə́ yāí kə dɔ ndɔ̄ gə̄, tɔdɔ̄ ngé gə̄ ń sāān̄ kadə̄ yá̰á̰ kə́ to kum kaȳ aĺ teē dɔḿ tə́ ní, rɔ̄də́ sɔl̄də́ ō, əlan̄ rɔ̄sɔl̄ dɔdə́ tə́ ō.

PĀ GƏ̄ 71:13

Ngé gə̄ ń sāān̄ tɔ̄lə̄m̄ ní, ādə̄ rɔ̄də́ sɔl̄də́ ō, yá̰á̰ kə́ majaĺ teē dɔdə́ tə́ ō! ngé gə̄ ń sāān̄ kadə̄ yá̰á̰ kə́ majaĺ teē dɔḿ tə́ ní, ādə̄ kídə̄n̄də́ ō əlan̄ rɔ̄sɔl̄ dɔdə́ tə́ ō!

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

Teē Ngán Israel gə̄ 23:27

Yá̰á̰ ń m-ā m̄-rāā ní n toó: Ré gír de gə̄ oōn̄ kadə̄ na ā ī-reēī noó anī, ɓōĺ a rāādə́ ngá̰ý ō, nápar de gə̄ malang ń ā ūgī kem ɓē yādə́ tə́ ní a a̰ȳn̄ naā nosí tə́ ō, madə̄ ba̰ā̰sí gə̄ malang a tūrə̄n̄ gándə́də́ yā kadə̄sí ba ka̰ȳ naā kɔ̄ɔ́ ō.

TA KƏLA 35:5

ba ndɔ́tə̄n̄ ɓē aw̄n̄. Nə́ɓā rāā adə̄ ɓōĺ kə́ ngá̰ý əsō kem ɓē gə̄ ń gīrə̄n̄ gidədə́ tə́ ní, adə̄ de kə́ ngɔ̄də̄ gō ngán Jakob gə̄ gətóo.