ESTER 9:15 - Bibəl ta Sar̄

¹⁵ Adə̄ Jipə kə́ Sujə tə́ gə̄ kánə̄n̄ naā kə ndɔ̄ kutə gidə i sɔ́ yā nāā Adar ɓáý to̰. Nin̄ tɔ̄lə̄n̄ de kə́ dəngam gə̄ ɓú mətá kem ɓē kə́ Sujə tə́. Banī ɔyn̄ yá̰a̰ kənge yādə́ gə̄ alé.

Bible sar

¹⁵ Adə̄ *Jipə kə́ Sujə tə́ gə̄ kánə̄n̄ naā kə ndɔ̄ kutə gidə i sɔ́ yā nāā *Adar ɓáý to̰. Nin̄ tɔ̄lə̄n̄ de kə́ dəngam gə̄ ɓú mətá kem ɓē kə́ Sujə tə́. Banī ɔyn̄ yá̰a̰ kənge yādə́ gə̄ alé.

ESTER 9:15 Referans Kwoze

ESTER 8:11

Ndangən̄ kem makətūbə̄ gə̄ ní tə́ na mban̄g adə̄ Jipə gə̄ kə́ kem ɓē gə̄ kə́ gō nang yān tə́ malang ta róbə kadə̄ kánə̄n̄ naā yā rɔ̄ɔ̄ dɔ rɔ̄də́ tə́, yā kadə̄ ré de gə̄ kə́ dan gíŕ nápar de kə́rēý gə̄ tə́ kə́ nin̄ i kə yá̰a̰ rɔ̄ɔ̄ gēé jīdə́ tə́ ba ənīn̄ Jipə gə̄ rɔ̄ɔ̄ anī, kə Jipə gə̄ kə tə́jān̄ míndə́də́ kɔ̄ɔ́ ō kə tɔ̄lə̄n̄də́ malang kanjə̄ ka̰a̰ kum tō ndoō yādə́ ō, kə tɔ̄lə̄n̄ nə̄yá̰də́ gə̄ ō, ngáńdə́ gə̄ ō, kə ɔyn̄ yá̰a̰ kənge yādə́ gə̄ ō.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

1 TESALONIK 5:22

Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.

ESTER 9:16

Jipə kə́ rang gə̄ ń ndin̄ gō nang gə̄ yā mban̄g tə́ kə gō gidí ní kánə̄n̄ naā yā rɔ̄ɔ̄ dɔ rɔ̄də́ tə́ ō. Nin̄ rāān̄ adə̄ madə̄ ba̰ā̰də́ gə̄ əya̰n̄də́ jəke ō, tɔ̄lə̄n̄ ngé kim̄də́ gə̄ 75 000 ō, banī ɔyn̄ yá̰a̰ kənge yādə́ gə̄ alé.

ESTER 9:13

Ester tél ədan na: Kɔ́ɔ̄ ɓē gə̄, ré ī-ndigə anī, ādə̄ Jipə kə́ Sujə tə́ gə̄ ta róbə ādə̄ yá̰á̰ ń i kə́ ndang kadə̄ yā rāā á ādə̄də́ ta róbə rāā i ɓōólaā ngóý ní ādə̄ rāān̄ bírí ɓáý to̰ ō, ə́da ādə̄ tə́nīn̄ kəlā míndə nīń ngán Haman kə́ kutə kógə̄ḿ gə̄ tə́ ba to̰ō̰n̄də́ dɔɔ́ tū kāgə̄ gə̄ tə́ ō.

ESTER 9:2

Ɓē gə̄ malang kə́ gō nang yā mban̄g Jerses tə́ ń Jipə gə̄ ndin̄ tū tə́ ní, Jipə kə́ kemeé gə̄ kánə̄n̄ naā yā rɔ̄ɔ̄ de gə̄ ń a sāān̄ rāādə́ majaĺ ní. De kə́ dum̄də́ gətóo, tɔdɔ̄ de gə̄ malang ɓōlə́n̄də́ ngá̰ý.

ESTER 9:12

Tā anī mban̄g əda nə̄yá̰n Ester na: Kem ɓē bo kə́ Sujə tə́ ngóý ní Jipə gə̄ tɔ̄lə̄n̄ de kə́ dəngam gə̄ i ɓú mí o, ngán Haman kə́ kutə kógə̄ḿ gə̄ ō. Ní gotə loo kə́ rang gə̄ kə́ kem ɓē ko̰o̰ tə́ ní a tɔ̄lə̄n̄ i kóndóńg? Ɓá tā ba ré ī-gḛy dəjem̄ yá̰á̰ kə́rēý ɓáý anī m-ā m-ādī yá̰á̰ ní, m-ā m̄-rāā yá̰a̰ malang ń kemií ndigə ní.

ESTER 9:14

Anī mban̄g əda na: A rāān̄ tītə̄ ń noō. Yá̰a̰ ń mban̄g ndang kadə̄ yā rāā ní ənīn̄ mbērən kem ɓē kə́ Sujə tə́, adə̄ tə́nīn̄ kəlā míndə́ ngán Haman kə́ kutə kógə̄ḿ gə̄ tə́ ba to̰ō̰n̄də́ dɔɔ́ tū kāgə̄ tɔ̄l̄ deē tə́.