ESTER 8:5 - Bibəl ta Sar̄

⁵ ba əda na: Kɔ́ɔ̄ ɓē gə̄, ré ī-ndigəm̄ ō, ī-rāā kem majə seḿ ō, á̰a̰ā̰ kadə̄ i gír̄ kə́ majə ō, i gír̄ kə́ gōtə́ ō, nelī seḿ ō anī, ādə̄ ndangən̄ makətūbə̄ kə́ najə̄ kə́ kemeé gān̄g gír nge kə́ kété ń Haman ngōn̄ Hamedata, de kə́ gír kaa yā Agag tə́ ndang yā tɔ̄ləń Jipə gə̄ malang kə́ gō nang yāí tə́ ní kɔ̄ɔ́.

Bible sar

⁵ ba əda na: Kɔ́ɔ̄ ɓē gə̄, ré ī-ndigəm̄ ō, ī-rāā kem majə seḿ ō, á̰a̰ā̰ kadə̄ i gír̄ kə́ majə ō, i gír̄ kə́ gōtə́ ō, nelī seḿ ō anī, ādə̄ ndangən̄ makətūbə̄ kə́ najə̄ kə́ kemeé gān̄g gír nge kə́ kété ń Haman ngōn̄ Hamedata, de kə́ gír kaa yā Agag tə́ ndang yā tɔ̄ləń *Jipə gə̄ malang kə́ gō nang yāí tə́ ní kɔ̄ɔ́.

ESTER 8:5 Referans Kwoze

ESTER 7:3

Ester tél ədan na: Kɔ́ɔ̄ ɓē gə̄, ré ī-rāā kem majə seḿ ō, ī-ndigəm̄ ō anī, ādə̄ m-óy aĺ ō, ādə̄ gír deē yāḿ gə̄ oyn̄ aĺ ō, yá̰á̰ ń m̄-sāā dəjeī ní n noó.

ESTER 5:8

Ré mban̄g rāā kem majə seḿ ō, ndigə kadə̄m̄ yá̰á̰ ń m̄-gḛy ní ō anī, ādə̄ mban̄g nin̄ kə Haman reēn̄ loo yá̰a̰ kəsa ń m-ā m̄-rāā tə́ tām̄ yādə́ tə́ bírí ní. Ɓá anī m-ā m-ə́dá yá̰á̰ ní.

ESTER 2:17

Anī mban̄g gḛy Ester tɔȳ gotə dəyá̰ gə̄ malang ō, rāā majə seneé ō, ənī kemən adə̄n tɔȳ ngámandə gə̄ malang ō. Ni-əla jākā mbang dɔn tə́ ō, rāān mban̄g kə́ dəyá̰ tə́ kum gotə Basti ō.

ESTER 2:4

Ngōn̄ kə́ dəyá̰ ń a nel̄ mban̄g seneé ní a ndi mban̄g gotə Basti tə́. Mban̄g a̰ā̰ kadə̄ i yá̰á̰ kə́ majə adə̄ ni-rāā tītə̄ ń noō.

1 SAMUEL 20:29

Ni-rāām̄ ɓɔ́ ba ədam̄ na kə m-ə́ya̰n kadə̄ n-aw̄, na yá̰a̰ tun̄ kə́ tām̄ yā gír kojə yādə́ tə́ na to kem ɓē kə́ Betlehem tə́ noō, adə̄ ngōkó̰o̰n kə́ dəngam ədan na kə n-aw̄ kum tə́. Ré na m̄-gḛy najə̄ yān rɔ̄kum anī kə m-ə́ya̰n kadə̄ n-aw̄ n-a̰a̰ ngéén gə̄. I tām̄ najə̄ ń noō tə́ n ni gətóoń loo kəsa yá̰a̰ yāí tə́ ní.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

Teē Ngán Israel gə̄ 33:13

Adə̄ dan ń kemən na i kə́ majə seneé ɓá ní, kə ɔjən yá̰a̰ gə̄ ń na núm̄ yā rāā ní kadə̄ n-ger̄. Na i tītə̄ ń noō n n-a n-gerə̄nneé kə́ rɔ̄kum tə́ ō, na n-gerə̄ń kadə̄ na a rāā kem majə seneé mámák ō ní. Gír de gə̄ ń noō na i gír deē yān gə̄ ní kadə̄ dɔn kə ndígə̄nal alé.

ESTER 3:1

Gō yá̰a̰ gə̄ ń noō tə́ ní mban̄g Jerses əndā Haman kə́ ngōn̄ Hamedata ń i de kə́ gír yā Agag tə́ ní loo kə́ bo tə́. Ni-ɔsə gɔnən ō, əndān dɔ de kə́ bo yān gə̄ tə́ malang ō.