ESTER 8:17 - Bibəl ta Sar̄

¹⁷ Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.

Bible sar

¹⁷ Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.

ESTER 8:17 Referans Kwoze

ESTER 9:19

I tām̄ najə̄ ń noō tə́ n Jipə kə́ ngán ɓē kə́ ndágá gə̄ tə́ a rāān̄ ndɔ̄ kə́ nge ko̰ kutə gidə i sɔ́ yā nāā Adar i ndɔ̄ rɔ̄nel̄ tə́ ō, i ndɔ̄ rāā yá̰a̰ kəsa kə́ ngá̰ý tə́ ō, i ndɔ̄ rāān̄ nāā tə́ ō ní. I ndɔ̄ ngeé ń noō tə́ n nin̄ a əlan̄neé kə núsə́ yá̰a̰ gēé a adə̄n̄ naā ní.

PĀ GƏ̄ 18:43

m̄-rāādə́ adə̄ télən̄ bumbə́rú kə́ kadə̄ nél ɔy dáyń. m̄-tə́ɓādə́ njaḿ tə́ tītə̄ bɔr kə́ kum róbó beē

1 SAMUEL 25:8

Ré ni dəjedə́ anī a ədan̄ kadə̄ i najə̄ kə́ rɔ̄kum. Ə́daniī kadə̄ əhɔsí kə̄ rɔ̄n tə́ majə, tɔdɔ̄ āwī rɔ̄n tə́ i ndɔ̄ rāā nāā tə́. m̄-rāān ɓɔ́ kadə̄ adə̄sí sḭḭ̄ ō mā Dabid ń i ngōnən ní ō yá̰á̰ ń tɔ́gən asə kadə̄ adə̄jí ní.

NDŪ NAJƏ̄ 11:25

De kə́ asə ra nosí tə́ a gətóo. Loo malang ń āwī tū tə́ ní, Kɔ́ɔ̄ɓē a əla sōl̄ ō, ɓōĺ ō, kem de gə̄ tə́ tām̄ yāsí tə́ tītə̄ ń ədańsí ní.

ESTER 9:27

Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

ESTER 9:2

Ɓē gə̄ malang kə́ gō nang yā mban̄g Jerses tə́ ń Jipə gə̄ ndin̄ tū tə́ ní, Jipə kə́ kemeé gə̄ kánə̄n̄ naā yā rɔ̄ɔ̄ de gə̄ ń a sāān̄ rāādə́ majaĺ ní. De kə́ dum̄də́ gətóo, tɔdɔ̄ de gə̄ malang ɓōlə́n̄də́ ngá̰ý.

NDŪ NAJƏ̄ 2:25

Əla gír ɓōólaā ní m-ā m̄-rāā kadə̄ gír de gə̄ malang kə́ dɔ nang tə́ gə̄ a ɓōlə́n̄sí ō, kadə̄ kə̄ngā sāā a əgadə́ tām̄ yāsí tə́ ō. Ré nin̄ a oōn̄ kōōsí anī, ɓōĺ kə́ ngá̰ý a rāādə́ kadə̄ a ndewn̄ jik jik.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

TA KƏLA 35:5

ba ndɔ́tə̄n̄ ɓē aw̄n̄. Nə́ɓā rāā adə̄ ɓōĺ kə́ ngá̰ý əsō kem ɓē gə̄ ń gīrə̄n̄ gidədə́ tə́ ní, adə̄ de kə́ ngɔ̄də̄ gō ngán Jakob gə̄ gətóo.

ESTER 9:17

Yá̰á̰ ń noō rāā yá̰a̰ i kə ndɔ̄ kutə gidə i mətá yā nāā Adar. Kə ndɔ̄ kə́ nge ko̰ kutə gidə i sɔ́ anī nin̄ ɔrə̄n̄ koō ō, rāān̄ ndɔ̄ ní i ndɔ̄ rāā yá̰a̰ kəsa kə́ ngá̰ý kə́ tītə̄ yá̰a̰ kəsa kə́ ndɔ̄ nāā tə́ ō, rāān̄ ndɔ̄ ní i ndɔ̄ rɔ̄nel̄ tə́ ō.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

ESTER 9:3

Tá de kə́ bo gə̄ malang ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, ngé rāā kəla kə mbangāá gə̄ ō, rāān̄ i kə Jipə gēé ɓáý to̰ ō, tɔdɔ̄ nin̄ ɓōlə́n̄ Mardose ngá̰ý.

PĀ GƏ̄ 105:38

De kə́ Ejiptə gə̄ rāān̄ rɔ̄nel̄ teēdə́ kɔ̄ɔ́, tɔdɔ̄ ɓōĺ rāādə́ ngá̰ý.