ESTER 8:14 - Bibəl ta Sar̄

¹⁴ Ngámbang kəla gə̄ ń ndin̄ i dɔ sə́nda gə̄ kə́ kújə́ sə́nda yā mban̄g tə́ ní, ɔrə̄n̄ dɔɔ́ kə ngɔ̄də̄ kə́ to ɓōĺ ngá̰ý tītə̄ ń mban̄g ədańdə́ ní ō, ənīn̄ mbēr̄ yá̰á̰ kə́ ndang kadə̄ yā rāā ní kem ɓē bo kə́ Sujə tə́ ō.

Bible sar

¹⁴ Ngámbang kəla gə̄ ń ndin̄ i dɔ sə́nda gə̄ kə́ kújə́ sə́nda yā mban̄g tə́ ní, ɔrə̄n̄ dɔɔ́ kə ngɔ̄də̄ kə́ to ɓōĺ ngá̰ý tītə̄ ń mban̄g ədańdə́ ní ō, ənīn̄ mbēr̄ yá̰á̰ kə́ ndang kadə̄ yā rāā ní kem ɓē bo kə́ Sujə tə́ ō.

ESTER 8:14 Referans Kwoze

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.

ESTER 3:15

Ngámbang kəla gə̄ aw̄n̄ láẃ tītə̄ ń mban̄g ədań ní ō, ənīn̄ mbēr dɔ tə́ kem ɓē bo kə́ Sujə tə́ ō. Mban̄g nin̄ kə Haman ndi a a̰ȳn̄ yá̰a̰, banī de kə́ kem ɓē bo kə́ Sujə tə́ gə̄ tá a̰a̰n̄ oy oy.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

ESTER 2:3

Ādə̄ mban̄g tə́ndā de gə̄ kem ɓē gə̄ kə́ gō nang yān tə́ malang, kadə̄ ɔyn̄ ngámandə kə́ ger̄ dəngam aĺ ɓáý gə̄ kə́ majən̄ ka̰ā̰ ngá̰ý gə̄ reēn̄ sedə́ kem kújə yā dəyá̰ gə̄ tə́ kem ɓē bo kə́ Sujə tə́. Ādə̄ Hege ń i áji mbang yā mban̄g kə́ nge ngɔ̄m̄ dəyá̰ gə̄ ní ndi dɔdə́ tə́ ō. Ādə̄ adə̄n̄də́ yibə̄ gə̄ kə́ a ndumən̄ anī rɔ̄də́ ndélē ō.

ESTER 1:2

Ɓāl̄ ko̰o̰ ɓē yān kə́ nge ko̰ mətá tə́ anī ni-ndi dɔ kōr̄ kāgə̄ mbang yān kə́ kem ɓē kə́ Sujə tə́ ba rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́ ō, ngé rāā kəla seneé gə̄ tə́ ō. Ni kán̄ ngol ngé rɔ̄ɔ̄ gə̄ kə́ Persə tə́ ō, Medi tə́ ō, ngé ko̰o̰ ɓē gə̄ ō, ngār dɔ nang gə̄ ō, rɔ̄n tə́.

NEHEMI 1:1

Najə̄ kɔr̄ Nehemi kə́ ngōn̄ Hakalia. Kem ɓāl̄ kə́ nge ko̰ kutə jōó tə́ ń Artajerses o̰o̰ń ɓē tə́ ní kə nāā Kislew anī, mā Nehemi m̄-ndi i Sujə ń i ɓē kə́ ngan̄g ní tə́.

1 SAMUEL 21:8

Ba ndɔ̄ ngeé ń noō tə́ ní nge kəla yā Saul kógə̄ḿ ndi ta kum Kɔ́ɔ̄ɓē tə́ yā rāā yá̰á̰ kə́ sɔɔ̄ dɔn. Deē ní rīn na i Doeg. Ni i Edom deē. Ba ni i ngol ngé kul̄ yá̰a̰ gə̄ yā Saul.

2 YÁ̰A̰ GƏ̄ 30:6

Makətūbə̄ gə̄ ń mban̄g nin̄ kə de kə́ bo yān gēé ndangən̄ ní, ngámbang kəla gə̄ aw̄n̄neé kə gō ɓē gə̄ kə́ Israel tə́ malang ō, gō ɓē gə̄ kə́ Juda tə́ ō. Nin̄ ədan̄ de gə̄ kə gō ndū mbangāá na: Ngán Israel gə̄, sḭḭ̄ ń ī-teēī ta yo tə́ jī mban̄g gə̄ kə́ Asiri tə́ ní, ī-tél ī-reēī gogə́ rɔ̄ Kɔ́ɔ̄ɓē Nə́ɓā yā Abəraham ō, Isaak ō, Israel ō tə́, anī ni a tél yā reē rɔ̄sí tə́ ō.

ESTER 3:13

Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā Adar tə́.

ESTER 3:14

Makətūbə̄ ngeé ń toō rāā rɔ̄n i yá̰á̰ kə́ ndang kadə̄ yā rāā tə́ tām̄ yā gō nang gə̄ tə́ kógə̄ḿ kógə̄ḿ, kadə̄ ədan̄ gír de gə̄ malang, na kə ndin̄ dɔ rɔ̄də́ tə́ tām̄ yā ndɔ̄ ń ədan̄ ní tə́.

ESTER 8:13

Makətūbə̄ ní rāā rɔ̄n i yá̰á̰ kə́ ndang kadə̄ yā rāā tə́ tām̄ yā de gə̄ ń a əngen̄ ní tə́ gō nang malang yā mban̄g tə́. I yā kadə̄ de gə̄ malang gerə̄n̄neé na ré ndɔ̄ ní asə anī Jipə gə̄ na a ndin̄ dɔ rɔ̄də́ tə́ yā dal ba̰ā̰ dɔ madə̄ ba̰ā̰də́ gə̄ tə́.

ESTER 8:15

Dan ń Mardose teē ɓē mbangāá kə̄ ndágá ní, kūbə̄ yā mban̄g kə́ ndul gusə gusə ō, ndaa ō, i rɔ̄n tə́. Kūbə̄ kə́ dɔ madə̄ gə̄ tə́ kə́ rɔ̄n tə́ i kūbə̄ lḛ́ḛ́ kə́ kərē ō, jākā mbang kə́ bo kə́ rāā kə lɔ́rɔ́ i dɔn tə́ ō. De kə́ kem ɓē kə́ Sujə tə́ gə̄ túrə̄n̄ kɔĺ rɔ̄nel̄ ō, rɔ̄də́ nel̄də́ ō.