ESTER 8:11 - Bibəl ta Sar̄

¹¹ Ndangən̄ kem makətūbə̄ gə̄ ní tə́ na mban̄g adə̄ Jipə gə̄ kə́ kem ɓē gə̄ kə́ gō nang yān tə́ malang ta róbə kadə̄ kánə̄n̄ naā yā rɔ̄ɔ̄ dɔ rɔ̄də́ tə́, yā kadə̄ ré de gə̄ kə́ dan gíŕ nápar de kə́rēý gə̄ tə́ kə́ nin̄ i kə yá̰a̰ rɔ̄ɔ̄ gēé jīdə́ tə́ ba ənīn̄ Jipə gə̄ rɔ̄ɔ̄ anī, kə Jipə gə̄ kə tə́jān̄ míndə́də́ kɔ̄ɔ́ ō kə tɔ̄lə̄n̄də́ malang kanjə̄ ka̰a̰ kum tō ndoō yādə́ ō, kə tɔ̄lə̄n̄ nə̄yá̰də́ gə̄ ō, ngáńdə́ gə̄ ō, kə ɔyn̄ yá̰a̰ kənge yādə́ gə̄ ō.

Bible sar

¹¹ Ndangən̄ kem makətūbə̄ gə̄ ní tə́ na mban̄g adə̄ *Jipə gə̄ kə́ kem ɓē gə̄ kə́ gō nang yān tə́ malang ta róbə kadə̄ kánə̄n̄ naā yā rɔ̄ɔ̄ dɔ rɔ̄də́ tə́, yā kadə̄ ré de gə̄ kə́ dan gíŕ nápar de kə́rēý gə̄ tə́ kə́ nin̄ i kə yá̰a̰ rɔ̄ɔ̄ gēé jīdə́ tə́ ba ənīn̄ Jipə gə̄ rɔ̄ɔ̄ anī, kə Jipə gə̄ kə tə́jān̄ míndə́də́ kɔ̄ɔ́ ō kə tɔ̄lə̄n̄də́ malang kanjə̄ ka̰a̰ kum tō ndoō yādə́ ō, kə tɔ̄lə̄n̄ nə̄yá̰də́ gə̄ ō, ngáńdə́ gə̄ ō, kə ɔyn̄ yá̰a̰ kənge yādə́ gə̄ ō.

ESTER 8:11 Referans Kwoze

ESTER 3:13

Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā Adar tə́.

EJEKIEL 39:10

Nin̄ a sāān̄ kīr̄ bembeé to̰ aĺ ō, a tə́gān̄ kīr̄ kem ku gə̄ tə́ to̰ aĺ ō. Tɔdɔ̄ nin̄ a rāān̄ hor i kə yá̰a̰ rɔ̄ɔ̄ gə̄ ń noō. Nin̄ a ɓogən̄ ngé gə̄ ń ɓogən̄də́ nin̄ kété ní ō, ngé gə̄ ń kété ɔyn̄ yá̰a̰ yādə́ nin̄ dɔ gúú tə́ ní, nin̄ a ɔyn̄ yá̰a̰ yādə́ dɔ gúú tə́ ō. I mā Kɔ́ɔ̄ɓē Nə́ɓā n m-ə́da najə̄ ń noō.

PĀ GƏ̄ 137:8

Banī ḭ̄ Babilon, a nujən̄ seí sák sák kɔ̄ɔ́. Rɔ̄ ngé kəgāī kə̄rā yá̰a̰ gə̄ ń ī-rāā sejí ní a nel̄də́.

PĀ GƏ̄ 68:3

Ḭ̄ ī-tə̄ndā ī-tḭ̄ḭ̄də́ kɔ̄ɔ́ tītə̄ sa hor kə́ tḭ̄ḭ̄ kɔ̄ɔ́ beē. De kə́ sew aĺ gə̄ oyn̄ ta kum Nə́ɓā tə́, tītə̄ tībə̄ tejə bəya̰ kə́ yḛḛ̄ horoó beē.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

ESTER 9:18

Banī Jipə kə́ Sujə tə́ gə̄ ń kánə̄n̄ naā kə ndɔ̄ kə́ nge ko̰ kutə gidə i mətá ō sɔ́ ō ní, ɔrə̄n̄ koō kə ndɔ̄ kə́ nge ko̰ kutə gidə i mí. Rāān̄ ndɔ̄ ní i ndɔ̄ rāā yá̰a̰ kəsa kə́ ngá̰ý tə́ tītə̄ yá̰a̰ kəsa kə́ ndɔ̄ nāā tə́ ō, rāān̄ ndɔ̄ ní i ndɔ̄ rɔ̄nel̄ tə́ ō.