ESTER 7:9 - Bibəl ta Sar̄

⁹ Anī áji mbang kógə̄ḿ kə́ dan madə̄ gə̄ tə́ ń rīn na i Harbona ní əda ta kum mban̄g tə́ na: Ee, kāgə̄ tɔ̄l̄ deē ń Haman nəkɔ́ rāā tām̄ yā Mardose ń najə̄ kə́ tan tə́ ajə mban̄g ní n noó. Kāgə̄ ní ra i ta kújə yā Haman tə́. Ngālən kə́ kə̄ dɔɔ́ i métər kutə jōó gidə i mí. Anī mban̄g əda na: Ə̄nīī kəlā míndən tə́ ba ī-do̰ō̰niī tū tə́!

Bible sar

⁹ Anī *áji mbang kógə̄ḿ kə́ dan madə̄ gə̄ tə́ ń rīn na i Harbona ní əda ta kum mban̄g tə́ na: Ee, kāgə̄ tɔ̄l̄ deē ń Haman nəkɔ́ rāā tām̄ yā Mardose ń najə̄ kə́ tan tə́ ajə mban̄g ní n noó. Kāgə̄ ní ra i ta kújə yā Haman tə́. Ngālən kə́ kə̄ dɔɔ́ i métər kutə jōó gidə i mí. Anī mban̄g əda na: Ə̄nīī kəlā míndən tə́ ba ī-do̰ō̰niī tū tə́!

ESTER 7:9 Referans Kwoze

ESTER 5:14

Anī nə̄yá̰n Jeres ō, madə̄n gə̄ malang ō, ədanən̄ na: Ādə̄ udən̄ kāgə̄ tɔ̄l̄ de kə́ ngālən kə́ kə̄ dɔɔ́ i métər kutə jōó gidə i mí. Ba bírí dəloí anī ə́da mban̄g ādə̄ ənīn̄ kəlā míndə Mardose tə́ ba do̰ō̰nən̄ ta tə́ dɔɔ́. Gō tə́ anī ā āw̄ kəsa yá̰á̰ kə mbangāá kə rɔ̄nelēé. Haman ndigə yá̰á̰ ń ɔjən̄ ní adə̄ rāān̄ kāgə̄ tɔ̄l̄ deē ní.

ESTER 1:10

Kə ndɔ̄ kə́ nge ko̰ sīrí anī mban̄g a̰ȳ kasə adə̄ rɔ̄n nelə̄n. Ta anī ni-əda Mehuman ō, Bijta ō, Harbona ō, Bigta ō, Abagta ō Jetar ō, Karkas ō ń nin̄ i áji mbang yān kə́ sīrí gə̄ ní,

PĀ GƏ̄ 141:10

Ādə̄ ngé kem ndul gə̄ ń noō əsōn̄ kum gūmbə̄ ń nin̄ kɔ́ gə̄ əyān̄ tə́ ní, banī mā m-ā m̄-teē kum tə́ karī!

PĀ GƏ̄ 35:8

Ādə̄ yá̰á̰ kə́ majaĺ ngá̰ý kógə̄ḿ kə́ rāā yá̰á̰ jóo aĺ ɓáý teē rétə́ kə̄ rɔ̄də́ tə́. Ādə̄ gūmbə̄ ń nin̄ kɔ́ gə̄ əyān̄ ní tél əhɔdə́ ō, ādə̄ yá̰á̰ kə́ majaĺ ń noō tɔ̄l̄də́ ō.

DANIEL 6:24

Loo ń noō tə́ rɔ̄ mban̄g nelə̄n ngá̰ý, adə̄ ni-əda kadə̄ ɔrə̄n̄ Daniel kɔ̄ɔ́ bəlo ɓɔl gə̄ tə́. Ɔrə̄n̄ Daniel bəloó banī a̰a̰n̄ do kógə̄ḿ rɔ̄n tə́ alé, tɔdɔ̄ ni-taā kem Nə́ɓā yā mámák.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!

PĀ GƏ̄ 73:19

Nin̄ nujən̄ sák sák i láẃ ngá̰ý! I nin̄ n gír yādə́ gān̄g kɔ̄ɔ́ ɓá toō, ɓōĺ kə́ ngá̰ý tɔ̄l̄də́ malang kɔ̄ɔ́.

ESTER 9:25

Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

ESTER 6:14

Nin̄ a ɔrə̄n̄ najə̄ seneé ɓáý anī áji mbang gə̄ reē ugə̄n̄, ba ɔsən̄ kə Hamanaá ta kaw̄ loo yá̰a̰ kəsa ń Ester ra ní tə́ kanjə̄ kɔr bā̰ā̰.

ESTER 6:2

Tə́dan̄ i gotə najə̄ yā Bigtan nin̄ kə Teres áji mbang kə́ jōó gə̄ kə́ ngé ngɔ̄m̄ ta róbə́ ndogə̄ yā mban̄g ń sāān̄ tɔ̄l̄ mban̄g Jerses á Mardose teē kə gírdə́ dɔɔ́ ní.

1 SAMUEL 17:51

Dabid a̰ȳ ngɔ̄də̄ aw̄ ra dɔ Pilistin ní tə́. Ni-ɔr̄ kaskar yā Pilistin ní kem hɔ̄pə̄n tə́ tɔ̄l̄ənneé ba əja dɔn gān̄g. Pilistin gə̄ a̰a̰n̄ kadə̄ go̰ rɔ̄ɔ̄ yādə́ oy kɔ̄ɔ́ anī a̰ȳn̄ naā.

2 MBAN̄G 9:32

Yehu ɔr̄ dɔn dɔɔ́ a̰a̰ loo kum kə̄ ko̰rō̰ kújə́ tə́ ba əda na: I náā n i deē yāḿ mā? I náā? Anī ngé kəla yā mban̄g gə̄ jōó aké mətá wań əlan̄ dɔdə́ kə̄ ndágá kum kə̄ rɔ̄n tə́.

ESTER 8:7

Mban̄g Jerses tél əda nə̄yá̰n Ester ō, Mardose ń i Jipə ní ō na: Ōōī a, m-ādə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tə́ i tām̄ sāā kə́ ni sāā tɔ̄l̄ Jipə gə̄ tə́, ba m̄-tél kə yá̰a̰ kənge yān gēé malang m-ādə̄ Ester kɔ̄ɔ́ ɓá.

ESTER 9:14

Anī mban̄g əda na: A rāān̄ tītə̄ ń noō. Yá̰a̰ ń mban̄g ndang kadə̄ yā rāā ní ənīn̄ mbērən kem ɓē kə́ Sujə tə́, adə̄ tə́nīn̄ kəlā míndə́ ngán Haman kə́ kutə kógə̄ḿ gə̄ tə́ ba to̰ō̰n̄də́ dɔɔ́ tū kāgə̄ tɔ̄l̄ deē tə́.