ESTER 7:4 - Bibəl ta Sar̄

⁴ Tɔdɔ̄ igən̄ seḿ mā ō gír deē yāḿ gə̄ ō kadə̄ nujən̄ sejí kɔ̄ɔ́! Kadə̄ tɔ̄lə̄n̄jí kadə̄ jə-gətóo kɔ̄ɔ́! Ré igən̄ sejí i kadə̄ jḭḭ i ɓəlo gə̄ anī m-ā m̄-ndi taḿ mbóo. Tɔdɔ̄ rāā kum naā ndoō tə́ kə́ tītə̄ ń noō asə kadə̄ deē njə́ɓań mban̄g alé.

Bible sar

⁴ Tɔdɔ̄ igən̄ seḿ mā ō gír deē yāḿ gə̄ ō kadə̄ nujən̄ sejí kɔ̄ɔ́! Kadə̄ tɔ̄lə̄n̄jí kadə̄ jə-gətóo kɔ̄ɔ́! Ré igən̄ sejí i kadə̄ jḭḭ i ɓəlo gə̄ anī m-ā m̄-ndi taḿ mbóo. Tɔdɔ̄ rāā kum naā ndoō tə́ kə́ tītə̄ ń noō asə kadə̄ deē njə́ɓań mban̄g alé.

ESTER 7:4 Referans Kwoze

ESTER 3:9

Banī ré mban̄g ndigə anī adə̄ ndangən̄ makətūbə̄ kadə̄ tɔ̄lə̄n̄də́ kɔ̄ɔ́ malang. Loo ń noō tə́ m-ā m-ādə̄ ngé rāā kəla seí gə̄ njáŕ sə́lē arjā̰a̰ dūbú kutə kadə̄ ɓōkə́n̄ loo ngɔ̄m̄ yá̰a̰ kənge gə̄ tə́.

NDŪ NAJƏ̄ 28:68

Kɔ́ɔ̄ɓē a tél seí kə too boó yā kaw̄ seí gogə́ Ejiptə, dɔ nang ń m-ə́daī na ā ī-tél yā ka̰a̰ gogə́ to̰ aĺ i kə́ bátə́ gə̄ tə́ ní tə́. Loo ń noō tə́ sḭḭ̄ kɔ́ gə̄ ā ə̄ndāī rɔ̄sí gātāá, dəyá̰ gē dəngam gē, kadə̄ madə̄ ba̰ā̰sí gə̄ mangən̄sí ba rāān̄sí ɓəlo tə́, banī de kə́ yā mangsí a gətóo.

ESTER 3:13

Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā Adar tə́.

ESTER 8:11

Ndangən̄ kem makətūbə̄ gə̄ ní tə́ na mban̄g adə̄ Jipə gə̄ kə́ kem ɓē gə̄ kə́ gō nang yān tə́ malang ta róbə kadə̄ kánə̄n̄ naā yā rɔ̄ɔ̄ dɔ rɔ̄də́ tə́, yā kadə̄ ré de gə̄ kə́ dan gíŕ nápar de kə́rēý gə̄ tə́ kə́ nin̄ i kə yá̰a̰ rɔ̄ɔ̄ gēé jīdə́ tə́ ba ənīn̄ Jipə gə̄ rɔ̄ɔ̄ anī, kə Jipə gə̄ kə tə́jān̄ míndə́də́ kɔ̄ɔ́ ō kə tɔ̄lə̄n̄də́ malang kanjə̄ ka̰a̰ kum tō ndoō yādə́ ō, kə tɔ̄lə̄n̄ nə̄yá̰də́ gə̄ ō, ngáńdə́ gə̄ ō, kə ɔyn̄ yá̰a̰ kənge yādə́ gə̄ ō.

AMOS 2:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

ESTER 7:6

Ester tél əda na: Nge rāā kumjí ndoō tə́ ō, madə̄ ba̰ā̰jí ō, i Haman de kə́ majaĺ ń ndi toó! Loo ń noō tə́ Haman oy mámák ta kum mban̄g tə́ nin̄ kə nə̄yá̰n.

NEHEMI 5:5

Tá dā̰jí to tītə̄ dā̰ ngákó̰ó̰jí gə̄ ō, ngánjí gə̄ ton̄ i tītə̄ yādə́ gə̄ ō. Banī i gáŕ kadə̄ j-əya̰ ngáń jí kə́ dəngam gə̄ ō kə́ dəyá̰ gə̄ ō kadə̄ rāān̄ kəla ɓəlo. Tá ngáńjí kə́ dəyá̰ kə́rēý gə̄ a rāān̄ i kəla ɓəlo kɔ̄ɔ́ ɓá. J-asə rāā yá̰á̰ kógə̄ḿ tū tə́ alé. Ndɔr̄ yājí gə̄ kə ndɔr̄ kāgə̄ nduú yājí gə̄ i tām̄ yā de kə́ rang gə̄ tə́.

1 SAMUEL 22:23

Ī-ndi seḿ ba ī-lōō ɓōĺ. Deē ń a sāā tɔ̄lī ní a sāā i tɔ̄lə̄m̄ mā. Yá̰a̰ a rāāī rɔ̄ḿ tə́ alé.

JOJUE 9:23

Ngɔlaā ní ndɔ̄ĺ i dɔsí tə́ ō, sḭḭ̄ malang i ɓer̄ gə̄ kə́ gír a gān̄g dɔsí tə́ aĺ ō, ā ī-nárī kīr̄ ō, ā ūyī man̄ ō, tām̄ yā kújə yā Nə́ɓā yāḿ tə́.

Najə̄ kə́ Majə yā Jeju ń Luk ndang ní 12:45

Ba ré nge kəla ngeé ń toō əda kə̄ kemən tə́ na kɔ́ɔ̄n na a reē láẃ alé, adə̄ əla gír a tə̄ndā ngé kəla kə́ rang kə́ dəngam gə̄ ō, kə́ dəyá̰ gə̄ ō, əsa ō, a̰ȳ ō, kasə a rāān ō anī,

ESTER 7:5

Anī mban̄g Jerses dəje nə̄yá̰n Ester na: Deē ń gír̄ rāā yá̰á̰ kə́ beē ní i náā? Ndi i rá?

ESTER 8:6

Tɔdɔ̄ loo kadə̄ m-á̰á̰ yá̰á̰ kə́ to kum kaȳ aĺ loo reē tə́ kə̄ dɔ gír deē yāḿ gə̄ tə́ ba kə m̄-tə́gā taḿ ní loon i ba̰ý? Kadə̄ m̄-rā m-á̰a̰ loo kə̄ rɔ̄ gír deē yāḿ gə̄ tə́ kadə̄ tɔ̄lə̄n̄neédə́ kɔ̄ɔ́ malang ní loon i ba̰ý?

ESTER 9:25

Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

DANIEL 6:2

Darius gḛy kadə̄ ngé kɔsə kum gotə mban̄g dɔ ɓē tə́ gə̄ ɓú kógə̄ḿ kə́ kutə jōó yā tə́ndādə́ kə̄ loo gə̄ tə́ malang kem ɓē ko̰o̰ yān tə́.