ESTER 6:12 - Bibəl ta Sar̄

¹² Gō tə́ anī Mardose tél aw̄ gogə́ ta kújə yā mban̄g tə́. Haman tél aw̄ gogə́ ɓēé kə nāgá. Rɔ̄n ur̄ wak kɔ̄ɔ́. Ni seĺ yá̰a̰ ta kumən tə́ kɔ̄ɔ́ yā kutə̄ń dɔ rɔ̄sɔl̄ yān.

Bible sar

¹² Gō tə́ anī Mardose tél aw̄ gogə́ ta kújə yā mban̄g tə́. Haman tél aw̄ gogə́ ɓēé kə nāgá. Rɔ̄n ur̄ wak kɔ̄ɔ́. Ni seĺ yá̰a̰ ta kumən tə́ kɔ̄ɔ́ yā kutə̄ń dɔ rɔ̄sɔl̄ yān.

ESTER 6:12 Referans Kwoze

2 SAMUEL 15:30

Dabid un róbə́ kə́ əta tan ta kaw̄ kə̄ dɔ mbal̄ kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

1 MBAN̄G GƏ̄ 21:4

Rɔ̄ Akab ur̄ wak ō, wōn̄g rāān ō, tām̄ kəda ń Nabot tél ədan na n-a n-adə̄n yá̰a̰ ndəbā yā kaan gə̄ alé ní tə́. Ni-tél dɔ tə́ aw̄ gogə́ ɓēé, aw̄ to dɔ tə̄rá yān tə́ ba tūr̄ kumən kə̄ kadə bɔr tə́ ō, mbātə́ kəsa yá̰a̰ ō.

Makətūbə̄ yā Job 9:24

Loo ń ré ɓē kógə̄ḿ əsō jī ngé tɔ̄l̄ de gə̄ tə́ anī, Nə́ɓā utə̄ kum ngé gān̄g sarya gə̄ kɔ̄ɔ́! Ré i ni n rāā yá̰á̰ ń noō aĺ anī, i náā kə́ rang tā?

ESTER 7:8

Ni-əsō bəruk dɔ yá̰a̰ ndi ń Ester ndi dɔ tə́ ní anī, mban̄g tél kem ndɔrɔ́ udə kújə kəsa yá̰á̰ tə́ gogə́. Kə̄ ta jī tə́ noō mban̄g əda na: I gḛy sāā nə̄yá̰ mban̄g dɔ gúú tə́ kə̄ dɔ tə́ ɓáý ta kumḿ tə́ kem kújə yāḿ tə́ a? Mban̄g əda najə̄ tan kógə̄ḿ anī jóó ń jóo toó ngé kəla gə̄ utə̄n̄ ta kum Haman kə kūbūú kɔ̄ɔ́.

ESTER 2:19

Dan ń ɔyn̄ ngán kə́ dəyá̰ gə̄ nja kə́ nge ko̰ jōó reēn̄ sedə́ ní, Mardose ndi i ta róbə kújə yā mban̄g tə́.

2 YÁ̰A̰ GƏ̄ 26:20

Ajaria ngol ngé tun̄ yá̰a̰ gə̄ ō, ngé tun̄ yá̰a̰ gə̄ malang ō ń ra a a̰a̰n̄ loo kə̄ rɔ̄n tə́ ní a̰a̰n̄ bānjə̄ ní notə non tə́. Nin̄ teēn̄ seneé ndágá láẃ kɔ̄ɔ́ ō, nəkɔ́ ɔr bā̰ā̰ loo teē tə́ aĺ ō, tɔdɔ̄ Kɔ́ɔ̄ɓē əndan ɔjənəń kum.

1 MBAN̄G GƏ̄ 20:43

Mban̄g kə́ Israel tə́ ur̄ wak ō, wōn̄g rāān ō. Ni-tél dɔ tə́ aw̄ gogə́ ɓēé Samari.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

1 SAMUEL 3:15

Samuel to nang tə́ bátə́ loo tīī. Gō tə́ anī ḭḭ aw̄ teē ta kújə yā Kɔ́ɔ̄ɓē. Ni ɓōĺ kaw̄ kɔjə Eli gotə yá̰á̰ ń a̰ā̰ ní.

ESTER 6:11

Haman un kūbə̄ ō, əhɔ sə́nda ō. Əla kūbə̄ ní rɔ̄ Mardose tə́ ō, əndān dɔ sə́ndá ní tə́ ō, ba njə̄rā seneé kə gō róbə kɔsə kə́ kem ɓēé. Ni-əda de gə̄ non tə́ na: Deē ń mban̄g gḛy kɔsə gɔnən ní mban̄g a rāān i beé!

1 MBAN̄G GƏ̄ 21:6

Anī ni-tél əda nə̄yá̰n na: I tām̄ m-ə́da Nabot na kə əya̰ ndɔr̄ kāgə̄ nduú yān kə adə̄m̄, ba kə m-ādə̄n gúrsə gírí, aláa ré gḛy anī kə m-ādə̄n ndɔr̄ kāgə̄ nduú kə́ rang m̄-mbéləń gír yān. Anī ni-tél ədam̄ na n-a n-əya̰ ndɔr̄ kāgə̄ nduú yān yā kadə̄m̄ alé.