ESTER 6:11 - Bibəl ta Sar̄

¹¹ Haman un kūbə̄ ō, əhɔ sə́nda ō. Əla kūbə̄ ní rɔ̄ Mardose tə́ ō, əndān dɔ sə́ndá ní tə́ ō, ba njə̄rā seneé kə gō róbə kɔsə kə́ kem ɓēé. Ni-əda de gə̄ non tə́ na: Deē ń mban̄g gḛy kɔsə gɔnən ní mban̄g a rāān i beé!

Bible sar

¹¹ Haman un kūbə̄ ō, əhɔ sə́nda ō. Əla kūbə̄ ní rɔ̄ Mardose tə́ ō, əndān dɔ sə́ndá ní tə́ ō, ba njə̄rā seneé kə gō róbə kɔsə kə́ kem ɓēé. Ni-əda de gə̄ non tə́ na: Deē ń mban̄g gḛy kɔsə gɔnən ní mban̄g a rāān i beé!

ESTER 6:11 Referans Kwoze

Najə̄ kə́ Majə yā Jeju ń Luk ndang ní 1:52

Ni mbə́rē mban̄g gə̄ dɔ kōr̄ kāgə̄ mbang yādə́ gə̄ tə́ tə́nīdə́ ō, ngé gə̄ ń najə̄də́ gətóó bátə́ ní, ni-ɔsədə́ kə̄ dɔɔ́ ō.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

ESTER 9:3

Tá de kə́ bo gə̄ malang ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, ngé rāā kəla kə mbangāá gə̄ ō, rāān̄ i kə Jipə gēé ɓáý to̰ ō, tɔdɔ̄ nin̄ ɓōlə́n̄ Mardose ngá̰ý.

ESTER 8:15

Dan ń Mardose teē ɓē mbangāá kə̄ ndágá ní, kūbə̄ yā mban̄g kə́ ndul gusə gusə ō, ndaa ō, i rɔ̄n tə́. Kūbə̄ kə́ dɔ madə̄ gə̄ tə́ kə́ rɔ̄n tə́ i kūbə̄ lḛ́ḛ́ kə́ kərē ō, jākā mbang kə́ bo kə́ rāā kə lɔ́rɔ́ i dɔn tə́ ō. De kə́ kem ɓē kə́ Sujə tə́ gə̄ túrə̄n̄ kɔĺ rɔ̄nel̄ ō, rɔ̄də́ nel̄də́ ō.

ESDRAS 6:13

Loo ń noō tə́ Tatənai nge ko̰o̰ ɓē gidə bā Opəratə kə́ dām̄ kə́ no ɓē tə́ ō, Setar Bosənai ō, madə̄də́ gə̄ ō, rāān̄ tītə̄ ń mban̄g Darius ədań ní.

ESTER 6:10

Tā anī mban̄g əda Haman na: Āw̄ láẃ ún kūbə̄ ō, ə́hɔ́ sə́nda ō, ba ī-rāā tītə̄ ń ədań noō kə Mardose Jipə ń ndi ta róbə yā mban̄g tə́ ní. Yá̰a̰ malang ń ɔ́jə́ ní ī-lōō kəya̰ kógə̄ḿ kɔ̄ɔ́!

ESTER 6:12

Gō tə́ anī Mardose tél aw̄ gogə́ ta kújə yā mban̄g tə́. Haman tél aw̄ gogə́ ɓēé kə nāgá. Rɔ̄n ur̄ wak kɔ̄ɔ́. Ni seĺ yá̰a̰ ta kumən tə́ kɔ̄ɔ́ yā kutə̄ń dɔ rɔ̄sɔl̄ yān.

Gōsə̄ najə̄ gə̄ 27:18

Deē ń a̰a̰ gō kāgə̄ kótə̄ yān ní a əsa kanə̄n gə̄. Nge kəla ń a̰a̰ gō kɔ́ɔ̄n ní a rɔȳnən̄.