ESTER 5:2 - Bibəl ta Sar̄

² Dan ń mban̄g a̰a̰ nə̄yá̰n Ester ra kə njan kə́ dɔɔ́ ndágə looó anī rāā kem majə seneé adə̄ əla kāgə̄ ko̰o̰ ɓē kə́ rāā kə lɔ́rɔ́ ń əhɔ jīn tə́ ní kum kə rɔ̄n tə́. Ester reē ngɔr ba ɔdə ta kāgə̄ ko̰o̰ ɓē ní.

Bible sar

² Dan ń mban̄g a̰a̰ nə̄yá̰n Ester ra kə njan kə́ dɔɔ́ ndágə looó anī rāā kem majə seneé adə̄ əla kāgə̄ ko̰o̰ ɓē kə́ rāā kə lɔ́rɔ́ ń əhɔ jīn tə́ ní kum kə rɔ̄n tə́. Ester reē ngɔr ba ɔdə ta kāgə̄ ko̰o̰ ɓē ní.

ESTER 5:2 Referans Kwoze

ESTER 8:4

Mban̄g əla kāgə̄ ko̰o̰ ɓē yān kə́ rāā kə lɔ́rɔ́ kum kə̄ rɔ̄ Ester tə́ anī ni-ḭḭ ra dɔɔ́ no mban̄g tə́

ESTER 4:11

de gə̄ malang ń, əla gír dɔ ngé rāā kəla kə́ ndogó mbangāá gə̄ tə́ bátə́ ugə̄ń dɔ de kə́ kem ɓēé gə̄ kə́ gō nang yā mban̄g tə́ ní na gerə̄n̄ ndū najə̄ kə́ tām̄ yādə́ tə́ majə: Kadə̄ náā nəkɔ́ ń i dəngam aláa i dəyá̰ ń aw̄ ta kum mban̄g tə́ ndágə loo kə́ ta kújə yān tə́ kanjə̄ kadə̄ i ni n ɓārə́n ní, ndū najə̄ kə́ tām̄ yā de kə́ beé tə́ i kógə̄ḿ beé ngóy, i tɔ̄l̄ kɔ́ɔ̄ kɔ̄ɔ́. Ba ré i mban̄g n əla kāgə̄ ko̰o̰ ɓē yān kə́ rāā kə lɔ́rɔ́ kum kə̄ rɔ̄ deē ní tə́ tá kɔ́ɔ̄ a ndi kə kumneé. Ba kə́ tām̄ yān ni Ester tə́ tá na asə ndɔ̄ kutə mətá kɔ̄ɔ́ tā n əlan̄ gōn tə́ aĺ ní.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

PĀ GƏ̄ 116:1

m̄-táŕ Kɔ́ɔ̄ɓē, tām̄ ni oō ndūḿ loo rāān ɓɔ́ tə́.

ESTER 2:9

Nel̄ Hege kə Ester ngá̰ý adə̄ ni a̰a̰n já̰já̰ dan madə̄n gə̄ tə́. Ni-adə̄n yibə̄ rāā mandə kə́ to yá̰a̰ ō, yá̰a̰ kəsa ō, ngán kə́ dəyá̰ kə́ ndogó mbangāá kə́ sīrí gə̄ ō. Gō tə́ anī ni aw̄ əndā Ester kem kújə yā dəyá̰ gə̄ kə́ majə ngá̰ý tə́, naā tə́ kə ngámandə gə̄ ní.

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.