ESTER 4:3 - Bibəl ta Sar̄

³ Tá gō nang gə̄ kógə̄ḿ kógə̄ḿ ń yá̰a̰ ń mban̄g ndang kadə̄ yā rāā ní ugə̄ tū tə́ ní, Jipə gə̄ ń ndin̄ tū tə́ ní əhɔn̄ ndoō ngá̰ý: Nin̄ ndin̄ ɓō tām̄ yā Nə́ɓā tə́, nōōn̄ kə man̄ kumdə́ ō, nōōn̄ rɔ̄də́ ō. Ngá̰ý gə̄ o̰ō̰n̄ kūbə̄ kəhɔ ndoō ō, ton̄ dɔ bū tə́ ō.

Bible sar

³ Tá gō nang gə̄ kógə̄ḿ kógə̄ḿ ń yá̰a̰ ń mban̄g ndang kadə̄ yā rāā ní ugə̄ tū tə́ ní, *Jipə gə̄ ń ndin̄ tū tə́ ní əhɔn̄ ndoō ngá̰ý: Nin̄ *ndin̄ ɓō tām̄ yā Nə́ɓā tə́, nōōn̄ kə man̄ kumdə́ ō, nōōn̄ rɔ̄də́ ō. Ngá̰ý gə̄ o̰ō̰n̄ kūbə̄ kəhɔ ndoō ō, ton̄ dɔ bū tə́ ō.

ESTER 4:3 Referans Kwoze

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

IJAI 58:5

Ndi ɓō kə́ nelə̄m̄ to i tītə̄ ń noō a? Tél kə rɔ̄sí kə̄ nang tə́ kadə̄ sḭḭ̄ i de kə́ dūú gə̄ ní, Kəla dɔ kə̄ nang tə́ tītə̄ tītə̄ mu tə̄ɓā beé, kəla kūbə̄ kəhɔ ndoō rɔ̄ tə́, kəto kum bumbə́rú tə́, i yá̰á̰ ń noō n ā ī-ɓāríin̄ na i ndi ɓō ní a? I yá̰á̰ ń noō n ā ī-ɓāríin̄ na i ndɔ̄ kə́ nelə̄m̄ mā ní a?

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

MATIYE 25:30

Ba ə̄nīī nge kəla kə́ yalyō ń toō kum til tə́ ndágá, loo ń deē a nōō ō, a máyā̰ ngāngə̄n ō tū tə́ ní tə́.

MATIYE 22:13

Anī mban̄g əda ngé kəla yān gə̄ na: Ī-tó̰ō̰ī jīn gə̄ kə njan gə̄ ba ə̄nīniī ndágá kum til tə́. De gə̄ a nōōn̄ ō, a máyā̰n̄ gɔgədə́ ō, i loo ń noō tə́.

MATIYE 13:42

ɓōkə́də́ kum hor kə́ bo ngá̰ý tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

ESTER 3:12

Tā anī ɓārə́n̄ ngé ndang makətūbə̄ gə̄ yā mban̄g kem nāā kə́ ta kəga dɔ tə́, kə ndɔ̄ nāā kə́ nge ko̰ kutə gidə i mətá, adə̄ ndangən̄ makətūbə̄ gə̄ yā kəlań kadə̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ kə́ gō nang gə̄ tə́ ō, ngār gə̄ yā gír de kə́ tayā tayā gə̄ ō, tītə̄ ń Haman ədań ní. Ndangən̄ makətūbə̄ gə̄ ní yā kəlań gō nang gə̄ tə́ i kə gō jī loo ndangən yā de kə́ gō nang gə̄ ní tə́ ō, adə̄n̄ gír de gə̄ kógə̄ḿ kógə̄ḿ i kə ta ɓē yādə́ gēé ō. Ndangən̄ makətūbə̄ gə̄ ní i kə rī mban̄g Jerses ō, tə́ndān̄ tambō̰o̰ gə̄ dɔ tə́ i kə kulūm̄ yā mbangāá ō.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

1 SAMUEL 11:4

Ngé kaw̄ kəla gə̄ ní reē ɔtə̄n̄ Gibea ɓē yā Saul tə́ anī ənīn̄ najə̄ ní mbī de gə̄ tə́. Loo ń noō tə́ de kə́ kem ɓēé gə̄ malang əgan̄ unən̄ ndūdə́ kə̄ dɔɔ́ nōōn̄eé ō.

ESTER 4:2

Dan ń ugə̄ ta róbə ndogə̄ yā mban̄g tə́ anī dəba tɔdɔ̄ de kə́ o̰ō̰ kūbə̄ kəhɔ ndoō a udə kem ndogə̄ yā mban̄g tə́ alé.

ESTER 4:4

Ngán kə́ dəyá̰ yā Ester gə̄ ō, áji mbang yān gə̄ ō reē ədan̄ Ester anī ni ń i nə̄yá̰ mban̄g ní sōl̄ ngá̰ý. Ni-əla kə kūbūú kadə̄ Mardose əla rɔ̄n tə́ ba kə ɔrə̄ń kūbə̄ kəhɔ ndoō rɔ̄n tə́ kɔ̄ɔ́, banī Mardose ɔdə alé.

ESTER 9:31

Makətūbə̄ ní ədan̄neé i Jipə gə̄ kadə̄ rāān̄ nāā Purim ndɔ̄ ń ɔjən̄ tə́ ní, kə gō ń Ester nin̄ kə Mardose ɔjən̄nee ní. Nin̄ əndān̄ ndɔ̄ gə̄ ní i tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō. Ədan̄ kadə̄ de gə̄ ndin̄ ɓō tām̄ yā Nə́ɓā tə́ ō, kadə̄ de gə̄ əgan̄ kɔŕ kə wur katāá ō.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

Makətūbə̄ yā Job 2:8

Job ndi i kum bū tə́ ō, un i kéngəlé n a ndo̰ō̰ń rɔ̄n ō.

EJEKIEL 27:30

Nin̄ a nōōn̄ rɔ̄də́ dɔí tə́, kə nōō kə́ kə wur katāá. Nin̄ a əgan̄ bumbə́ru kə̄ dɔdə́ tə́ ō, a wángə̄lān̄ kum bū tə́ ō, yā kɔjəń rɔ̄nelāĺ yādə́ kə̄ ndágá.

JONAS 3:6

Mban̄g kə́ Ninibə oō kōō yá̰á̰ ní. Anī ni-ḭḭ kɔ̄ɔ́ dɔ kōr̄ kāgə̄ mbang yān tə́. Ni-ɔr̄ kūbə̄ mban̄g kə́ rɔ̄n tə́ kɔ̄ɔ́, ba əla kūbə̄ kəhɔ ndoō rɔ̄n tə́ ō, ndi kum bū tə́ ō.