ESTER 4:1 - Bibəl ta Sar̄

¹ Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

Bible sar

¹ Mardose oō yá̰a̰ malang ń rāā yá̰á̰ ní adə̄ ni *rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

ESTER 4:1 Referans Kwoze

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

2 SAMUEL 13:19

Tamar ɔy bū hor rāā dɔn tə́ ō, kūbə̄ yān kə́ majə ngá̰ý ń rɔ̄n tə́ ní, əhɔ rə̄yā̰ ō. Ni ɓōkə́ jīn dɔn tə́ ba ɔtə aw̄ kə nōō gēé.

2 SAMUEL 1:11

Dabid əhɔ ta kūbə̄ kə́ rɔ̄n tə́ rə̄yā̰ ō, de kə́ gōn tə́ gə̄ malang rə́yā̰n̄ kūbə̄ gə̄ kə́ rɔ̄də́ tə́ ō.

Makətūbə̄ yā Job 2:8

Job ndi i kum bū tə́ ō, un i kéngəlé n a ndo̰ō̰ń rɔ̄n ō.

KƏLA RĀĀ 14:14

Dan ń ngámbang kəla gə̄, adə̄ i Barnabas nin̄ kə Pol oōn̄ najə̄ yá̰á̰ ní anī, rə́yā̰n̄ kūbə̄ yādə́ gə̄, ba a̰ȳ udən̄ dan kósə de gə̄ tə́.

MATIYE 11:21

Rɔ̄ tō ndoō a reē dɔí tə́, Korajḛḛ! Rɔ̄ tō ndoō a reē dɔí tə́, Betsaida! Tɔdɔ̄ yá̰á̰ kə́ yáā gə̄ ń rāān̄ yá̰a̰ loosí ní, nə́ngētə́ rāān̄ yá̰a̰ i kem ɓē kə́ Tir tə́ ō, Sidon tə́ ō anī, de kə́ kemeé gə̄ a o̰ō̰n̄ kūbə̄ sákə̄ tə́ yā kəhɔń ndoō ō, a ndin̄ kum bū tə́ ō, yā kɔjəń kadə̄ na n-ndigən̄ tūr̄ háĺdə́.

SOPONI 1:14

Dɔ ndɔ̄ kə́ bo yā Kɔ́ɔ̄ɓē i ngɔr. Dɔ̄ to ngɔr. Ndɔ̄ ní a reē i láẃ ngá̰ý. Ndɔ̄ ngeé ń noō tə́ ní, deē a oō kɔŕ kə́ to ɓōĺ ngá̰ý gə̄. De gə̄ kə́ wur kil yādə́ tɔȳ yā madə̄də́ gə̄ gə̄gē a ɓārə́n̄ yá̰a̰ kadə̄ dḭḭ̄n̄də́.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

EJEKIEL 21:6

Kɔ́ɔ̄ɓē ɔr̄ najə̄ seḿ ɓáý to̰ əda na:

IJAI 58:5

Ndi ɓō kə́ nelə̄m̄ to i tītə̄ ń noō a? Tél kə rɔ̄sí kə̄ nang tə́ kadə̄ sḭḭ̄ i de kə́ dūú gə̄ ní, Kəla dɔ kə̄ nang tə́ tītə̄ tītə̄ mu tə̄ɓā beé, kəla kūbə̄ kəhɔ ndoō rɔ̄ tə́, kəto kum bumbə́rú tə́, i yá̰á̰ ń noō n ā ī-ɓāríin̄ na i ndi ɓō ní a? I yá̰á̰ ń noō n ā ī-ɓāríin̄ na i ndɔ̄ kə́ nelə̄m̄ mā ní a?

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

IJAI 15:4

De kə́ Hesəbon gə̄ ō, Elale gə̄ ō, ɓārə́n̄ yá̰a̰ kadə̄ dḭḭ̄n̄də́. Deē ra i Yahas gē a oō kōōdə́. I tām̄ najə̄ ń toō tə́ n Áskar kə́ Moab gə̄ əgan̄ kɔŕ ní. Tɔ́gə́də́ ur̄ wak kɔ̄ɔ́.

Makətūbə̄ yā Job 1:20

Anī Job ḭḭ dɔɔ́, əhɔ ta kūbə̄ kə́ dɔ madə̄ gə̄ tə́ kə́ rɔ̄n tə́ rə̄yā̰ ō, dəsā dɔn ō. Gō tə́ anī əsō sébə kumən nang tə́

ESTER 4:3

Tá gō nang gə̄ kógə̄ḿ kógə̄ḿ ń yá̰a̰ ń mban̄g ndang kadə̄ yā rāā ní ugə̄ tū tə́ ní, Jipə gə̄ ń ndin̄ tū tə́ ní əhɔn̄ ndoō ngá̰ý: Nin̄ ndin̄ ɓō tām̄ yā Nə́ɓā tə́, nōōn̄ kə man̄ kumdə́ ō, nōōn̄ rɔ̄də́ ō. Ngá̰ý gə̄ o̰ō̰n̄ kūbə̄ kəhɔ ndoō ō, ton̄ dɔ bū tə́ ō.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

TA KƏLA 27:34

Loo ń Esau oō najə̄ kɔr̄ bɔbə̄n anī, wurən atə̄n ngá̰ý, adə̄ əga kɔŕ. Ni-rāā bɔbə̄n ɓɔ́, əda na: Bɔbə́ḿ, ī-tɔ́r̄ taí dɔḿ tə́ ō!

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

ESTER 4:2

Dan ń ugə̄ ta róbə ndogə̄ yā mban̄g tə́ anī dəba tɔdɔ̄ de kə́ o̰ō̰ kūbə̄ kəhɔ ndoō a udə kem ndogə̄ yā mban̄g tə́ alé.

TA KƏLA 37:34

Jakob rə̄yā̰ kūbə̄ kə́ rɔ̄n tə́ ō, do̰ō̰ kūbə̄ sákə̄ gírən tə́ ō, ba nōō ngōnə̄n dan i ngá̰ý.

IJAI 37:1

Dan ń mban̄g Ejekias oō najə̄ ní anī, rə́yā̰ kūbə̄ kə́ rɔ̄n tə́ ō, əla kūbə̄ kəhɔ ndoō rɔ̄n tə́ ō, ba aw̄ kem kújə yā Kɔ́ɔ̄ɓē tə́.

IJAI 37:2

Ni-əla Eliakim ń i ngār kə́ dɔ kújə ngol tə́ ní ō, Sebəna nge ndang makətūbə̄ ō, ngé tun̄ yá̰a̰ gə̄ kə́ nin̄ tɔgən̄ tɔȳn̄ madə̄də́ gə̄ ō, ɓē Ijai nge koō ta kə́ ngōn̄ Amots tə́. De gə̄ ngeé ń toō nin̄ o̰ō̰n̄ i kūbə̄ kəhɔ ndoō ō.

EJEKIEL 21:11

Ba ḭ̄ ngōn̄ deē ń yá̰á̰ kə́ yā kadə̄ ə̄ndā kemií dɔ tə́ to̰ gətóo ō, wurií atī ō ní, ī-tó̰ō̰ rus rus ta kumdə́ tə́ malang.