ESTER 3:8 - Bibəl ta Sar̄

⁸ Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

Bible sar

⁸ Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń *ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

ESTER 3:8 Referans Kwoze

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

KƏLA RĀĀ 28:22

Ba jḭḭ jə-gḛy kadə̄ īkɔ́ ə́dájí yá̰á̰ ń ī-gír̄ ní kə taí. Tɔdɔ̄ jə-ger̄ kadə̄ kə gō loo gə̄ malang ní, de gə̄ ndigən̄ najə̄ yā gír ɓūtə̄ yāí ń toō alé.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

EJEKIEL 11:16

I beé ní, ngé gə̄ ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ naā tə́ seí ní, ā ə́dádə́ na: Najə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní n toó: M-ə́la sesí sa̰y, kə̄ loo gə̄ tə́ malang dan nápar de gə̄ tə́ ɓá tā, ba mā i dansí tə́ tītə̄ ń m̄-ndiń kem loo kə́ táĺ tə́ tə́.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

NEHEMI 1:8

Ɓá tā ba ādə̄ əga kemií dɔ najə̄ ń ə̄ndā ta nge kəla yāí Moijə tə́ ādə̄ əda ní. Ni ədají na ré jə-ra dɔ ndūjí ń j-ənī j-adī tə́ ní aĺ anī ḭ̄ na ā ī-tə̄ndā yā tḭ̄ḭ̄jí kə̄ loo gə̄ tə́ dan gír de gə̄ tə́.

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

ESTER 3:9

Banī ré mban̄g ndigə anī adə̄ ndangən̄ makətūbə̄ kadə̄ tɔ̄lə̄n̄də́ kɔ̄ɔ́ malang. Loo ń noō tə́ m-ā m-ādə̄ ngé rāā kəla seí gə̄ njáŕ sə́lē arjā̰a̰ dūbú kutə kadə̄ ɓōkə́n̄ loo ngɔ̄m̄ yá̰a̰ kənge gə̄ tə́.

ESTER 4:1

Mardose oō yá̰a̰ malang ń rāā yá̰á̰ ní adə̄ ni rə́yā̰ kūbə̄ yān gə̄ kə̄ rɔ̄n tə́ ba o̰ō̰ kūbə̄ kəhɔ ndoō ō, ɔy bū kə̄ dɔn tə́ ō. Ni teē aw̄ njə̄rā kem ɓēé ba əga kɔŕ kə wur katāá.

JEREMI 33:24

Īkɔ́ ī-ger̄ majə kadə̄ de gə̄ ń toō ədan̄ na Kɔ́ɔ̄ɓē na mbātə́ gír kojə kə́ jōó gə̄ ń na gə̄rā ní. Adə̄ kídə̄n̄ gír deē yāḿ gə̄ ba rāān̄də́ nápar de gə̄ tə́ to̰ alé.

DANIEL 3:8

Loo ń noō tə́ de kə́ Babilon gə̄ reē sekə́n̄ Jipə gə̄.

DANIEL 6:13

Tā anī nin̄ aw̄n̄ rɔ̄ mban̄g tə́ ba ədanən̄ na: Kɔ́ɔ̄ ɓē gə̄, ī-ndang ndū najə̄ kógə̄ḿ kə́ kadə̄ kem ndɔ̄ kutə mətá ní deē ń a ndɔ̄ȳ nə́ɓā kə́rēý, aláa a ndɔ̄ȳ de kə́ rang ba i ḭ̄ mban̄g aĺ ní kadə̄ ənīn̄ kɔ́ɔ̄ bəlo ɓɔl gə̄ tə́ aĺ a? Mban̄g tūr̄ əda na: Yá̰á̰ ń i kə́ ra dɔ tə́ kə gō ndū najə̄ yā Medə gə̄ ō Persə gə̄ ō ń i ndū najə̄ kə́ deē a ɔr̄ kɔ̄ɔ́ alé ní n noó rɔ̄kum.

TƏ́DA 23:9

Ré m̄-ra ta tél mbal̄ gə̄ tə́ ba m-á̰a̰ dɔdə́ anī, ré m̄-ra dɔ ngán mbal̄ gə̄ tə́ dɔɔ́ ba m-ə̄ndā ma̰ȳdə́ anī, m-á̰a̰ i gír de gə̄ kə́ ndin̄ tayā ba əlan̄ rɔ̄də́ dan nápar de kə́ rang gə̄ tə́ alé.

ESDRAS 4:6

Ɓāl̄ gə̄ ń Jerses əlań gír ko̰o̰ ɓē ngɔr ɓáý tə́ ní madə̄ ba̰ā̰ Jipə gə̄ ndangən̄ makətūbə̄ adə̄nən̄ sekə́n̄neé Juda gə̄ ō, de kə́ Jerusalem gə̄ ō.

DANIEL 6:14

anī de gə̄ né tél ədan̄ na: Majə, kɔ́ɔ̄ ɓē gə̄, Daniel ń i de kə́ dan Juda gə̄ ń əhɔn̄də́ reēn̄ sedə́ tə́ ní ɓōĺ ndílí aĺ ō, ɓōĺ ndū najə̄ n ī-ndang ní aĺ ō, ni ndɔ̄ȳ Nə́ɓā yān nja mətá ndɔ̄ kógə̄ḿ.