ESTER 3:2 - Bibəl ta Sar̄

² Ngé kəla gə̄ malang yā mban̄g ń ndin̄ ta róbə yā mban̄g tə́ ní ɔsən̄ kejədə́ nang tə́ no Haman tə́ ō, ɔsən̄ nodə́ nang tə́ non tə́ ō, tītə̄ ń mban̄g ədań ní. Banī Mardose ɔsə kejən nang tə́ non tə́ aĺ ō, ɔsə non nang tə́ non tə́ aĺ ō.

Bible sar

² Ngé kəla gə̄ malang yā mban̄g ń ndin̄ ta róbə yā mban̄g tə́ ní ɔsən̄ kejədə́ nang tə́ no Haman tə́ ō, ɔsən̄ nodə́ nang tə́ non tə́ ō, tītə̄ ń mban̄g ədań ní. Banī Mardose ɔsə kejən nang tə́ non tə́ aĺ ō, ɔsə non nang tə́ non tə́ aĺ ō.

ESTER 3:2 Referans Kwoze

PILIPƏ 2:10

Yā kadə̄ de kə́ dɔ rā̰ tə́ gə̄ ō, dɔ nang tə́ gə̄ ō, gíŕ nángāá gə̄ ō malang ɓōlə́n̄ rī Jeju ba tétə̄n̄ kejədə́ nang tə́ ō,

PĀ GƏ̄ 15:4

Kə́ tām̄ yān tə́ ɓáa de gə̄ ń Nə́ɓā ndigədə́ aĺ ní i de kə́ yā kídə̄də́ kɔ̄ɔ́ gə̄. Banī de gə̄ ń ɓōlə́n̄ ndíĺ Kɔ́ɔ̄ɓē ní ni rɔȳdə́. Ré ni-ənī ndūn, ba i kənī ndū kə́ tōr̄ rɔ̄n ngá̰ý gə̄gē anī ni tūr̄ ndūn alé.

ESTER 5:9

Ndɔ̄ ń noō tə́ ní Haman teē ɓē nə̄yá̰ mbangāá i kə rɔ̄nelēé ō, kemən nelə̄n ō. Ba dan ń a̰ā̰ kadə̄ Mardose ń ndi ta róbə ndogə̄ yā mban̄g tə́ ní ḭḭ dɔɔ́ tām̄ yān tə́ aĺ ō, yéȳ rɔ̄n sḛ́ý tām̄ yān tə́ al̄ ō anī, wōn̄g rāān ngá̰ý seneé.

ESTER 3:5

Dan ń Haman a̰ā̰ kadə̄ Mardose ɔsə kejən nang tə́ non tə́ aĺ ō, ɔsə non nang tə́ non tə́ aĺ ō anī, wōn̄g rāān ngá̰ý.

ESTER 3:1

Gō yá̰a̰ gə̄ ń noō tə́ ní mban̄g Jerses əndā Haman kə́ ngōn̄ Hamedata ń i de kə́ gír yā Agag tə́ ní loo kə́ bo tə́. Ni-ɔsə gɔnən ō, əndān dɔ de kə́ bo yān gə̄ tə́ malang ō.

ESTER 2:21

Dan ngeé ń noō tə́ ní Mardose ndi i ta róbə kújə yā mban̄g tə́. Anī wōn̄g rāā Bigtan ō Teres ō ń i áji mbang gə̄ kə́ nge rāā kəla dan ngé ngɔ̄m̄ ta róbə kújə́ tə́ ní, adə̄ sāān̄ tɔ̄l̄ mban̄g Jerses.

ESTER 2:19

Dan ń ɔyn̄ ngán kə́ dəyá̰ gə̄ nja kə́ nge ko̰ jōó reēn̄ sedə́ ní, Mardose ndi i ta róbə kújə yā mban̄g tə́.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

NDŪ NAJƏ̄ 25:19

Dan ń Kɔ́ɔ̄ɓē Nə́ɓā yāí a əndāī loo kə́ madə̄ ba̰ā̰í gə̄ malang ń gīrə̄n̄ gidií ní asən̄ kɔdə rɔ̄í tū tə́ aĺ tə́ ō, a əndāī dɔ nang ń adī kadə̄ ī-ndi lɔm tū tə́ tə́ ní ō anī, ā ī-tɔ̄l̄ Amalek gə̄ kɔ̄ɔ́ malang kadə̄ əga kem deē kógə̄ḿ kə́ dɔ nang tə́ dɔdə́ tə́ to̰ alé. Ādə̄ dɔí ndígə̄nal alé.

Teē Ngán Israel gə̄ 17:16

ba əda na dan ń Amalek gə̄ unən̄ jīdə́ dɔɔ́ rɔ̄ɔ̄n̄neé Kɔ́ɔ̄ɓē ń i mban̄g yā Israel gə̄ ní, Kɔ́ɔ̄ɓē na a rɔ̄ɔ̄də́ i ngándáńg.

Teē Ngán Israel gə̄ 17:14

Kɔ́ɔ̄ɓē əda Moijə na kə ndang yá̰a̰ gə̄ ń noō malang na sōgə́ dɔ de gə̄ ndígə̄nal. Kə əda Jojue na n-a n-rāā kadə̄ Amalek gə̄ gətóon̄ kɔ̄ɔ́ malang, adə̄ na a əga kem deē dɔdə́ tə́ dɔ nang tə́ to̰ alé.

TA KƏLA 41:43

ba adə̄ al̄ kem púsə́ sə́ndá ń utə̄ gō yān tə́ ní. Adə̄ deē kógə̄ḿ njə̄rā kété non tə́ ənī mbēr̄ əda na kə de gə̄ kə tétə̄n̄ kejədə́ nang tə́. Parao̰ adə̄n ndū ko̰o̰ ɓē dɔ nang kə́ Ejiptə tə́ malang i beé.

ESTER 2:5

Jipə kógə̄ḿ kə́ rīn na i Mardose ndi kem ɓē bo kə́ Sujə tə́. Ni i de kə́ gír kaa yā Yair ngōn̄ Simei kə́ ngōn̄ Kisə tə́. Ni i de kə́ gír ɓē yā Benjamḛ tə́.

ESTER 3:3

Tā anī ngé kəla gə̄ yā mban̄g ń ndin̄ ta róbə tə́ ní dəjen̄ Mardose na ké mbātə́ rāā gō míndə mban̄g ké i tām̄ rí tə́ wa.

DANIEL 2:49

Daniel dəje mban̄g, adə̄ mban̄g əndā Sadərak ō Mesak ō Abed Nego ō dɔ gō nang kə́ Babilon tə́ kadə̄ o̰o̰n̄ ɓē dɔ tə́. Banī Daniel tél i nge kadə̄ kɔjə̄ ndogó mbangāá.