ESTER 3:13 - Bibəl ta Sar̄

¹³ Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā Adar tə́.

Bible sar

¹³ Gō tə́ anī adə̄n̄ ngámbang kəla gə̄ makətūbə̄ gə̄ ní kadə̄ aw̄n̄neé gō nang gə̄ yā mban̄g tə́ yā nujəń *Jipə gə̄ malang kɔ̄ɔ́: Kadə̄ tɔ̄lə̄n̄də́ ō, rāān̄ kadə̄ gətóon̄ kɔ̄ɔ́ malang ō. Kadə̄ tɔ̄lən̄ balsáa gə̄ ō de kə́ tɔgə gə̄ ō ngán gə̄ ō dəyá̰ gə̄ ō kadə̄ ɔyn̄ yá̰a̰ kənge yādə́ gə̄ ō. Kadə̄ tɔ̄lə̄n̄də́ i kem ndɔ̄ kə́ kógə̄ḿ beē tə́, kə ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó, adə̄ i kem nāā *Adar tə́.

ESTER 3:13 Referans Kwoze

2 YÁ̰A̰ GƏ̄ 30:6

Makətūbə̄ gə̄ ń mban̄g nin̄ kə de kə́ bo yān gēé ndangən̄ ní, ngámbang kəla gə̄ aw̄n̄neé kə gō ɓē gə̄ kə́ Israel tə́ malang ō, gō ɓē gə̄ kə́ Juda tə́ ō. Nin̄ ədan̄ de gə̄ kə gō ndū mbangāá na: Ngán Israel gə̄, sḭḭ̄ ń ī-teēī ta yo tə́ jī mban̄g gə̄ kə́ Asiri tə́ ní, ī-tél ī-reēī gogə́ rɔ̄ Kɔ́ɔ̄ɓē Nə́ɓā yā Abəraham ō, Isaak ō, Israel ō tə́, anī ni a tél yā reē rɔ̄sí tə́ ō.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

Makətūbə̄ ń Pol ndang adə̄ Rom gə̄ ní 3:15

Njadə́ ɔl ngá̰ý loo ɓōkə́ mósə de gə̄ nang tə́ tə́.

JEREMI 51:31

Nge a̰ȳ ngɔ̄də̄ anī, ni-ənge nge kaw̄ kəla madə̄n, kɔdə̄ mbēr̄ aw̄ ənge kɔdə̄ mbēr̄ madə̄n, kadə̄ aw̄ ədan̄ mban̄g Babilon na taān̄ ɓē kə taá malang kɔ̄ɔ́.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

Makətūbə̄ yā Job 9:25

Ndɔ̄ḿ gə̄ a̰ȳn̄ ngɔ̄də̄ tɔȳ ngé ka̰ȳ ngɔ̄də̄ gə̄, nin̄ a̰ȳ aw̄n̄ kɔ̄ɔ́ kanjə̄ kadə̄ gerə̄n̄ yá̰á̰ ń i ndi majə ní.

ESTER 7:4

Tɔdɔ̄ igən̄ seḿ mā ō gír deē yāḿ gə̄ ō kadə̄ nujən̄ sejí kɔ̄ɔ́! Kadə̄ tɔ̄lə̄n̄jí kadə̄ jə-gətóo kɔ̄ɔ́! Ré igən̄ sejí i kadə̄ jḭḭ i ɓəlo gə̄ anī m-ā m̄-ndi taḿ mbóo. Tɔdɔ̄ rāā kum naā ndoō tə́ kə́ tītə̄ ń noō asə kadə̄ deē njə́ɓań mban̄g alé.

1 SAMUEL 22:19

Saul adə̄ tɔ̄lə̄n̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngán kásə̄ gə̄ ō, man̄g gə̄ ō, kərō gə̄ ō, batə̄ gə̄ ō, bə̄yā̰ gə̄ ō malang kə́ Nob ń i ɓē yā ngé tun̄ yá̰a̰ gə̄ ń toō ní kə kaskaraá.

ESTER 8:5

ba əda na: Kɔ́ɔ̄ ɓē gə̄, ré ī-ndigəm̄ ō, ī-rāā kem majə seḿ ō, á̰a̰ā̰ kadə̄ i gír̄ kə́ majə ō, i gír̄ kə́ gōtə́ ō, nelī seḿ ō anī, ādə̄ ndangən̄ makətūbə̄ kə́ najə̄ kə́ kemeé gān̄g gír nge kə́ kété ń Haman ngōn̄ Hamedata, de kə́ gír kaa yā Agag tə́ ndang yā tɔ̄ləń Jipə gə̄ malang kə́ gō nang yāí tə́ ní kɔ̄ɔ́.

ESTER 9:1

Ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó ń i nāā Adar ní ugə̄. Yá̰á̰ ń yá̰á̰ kə́ mban̄g ndang kadə̄ yā rāā əda ní ɔjən̄ rāā i ndɔ̄ ń noō tə́ ō, madə̄ ba̰ā̰ Jipə gə̄ əndān̄ kemdə́ dɔ tetə Jipə gə̄ rɔ̄ɔ̄ tə́ i ndɔ̄ ń noō tə́ ō. Banī yá̰a̰ gə̄ tūrə̄n̄ gíŕdə́ kem kār̄ kə́ rang tə́ adə̄ i Jipə gə̄ n tetən̄ ngé kim̄də́ gə̄ rɔ̄ɔ̄ ní.

ESTER 9:5

Adə̄ Jipə gə̄ tɔ́sə̄n̄ madə̄ ba̰ā̰də́ gə̄ kə kəyā kaskaraá. Nin̄ tɔ̄lə̄n̄də́ ō, rāān adə̄ nin̄ gətóon̄ malang kɔ̄ɔ́ ō. Nin̄ rāān̄ yá̰á̰ ń kemdə́ ndigə ní kə ngé kim̄də́ gēé.