ESTER 3:12 - Bibəl ta Sar̄

¹² Tā anī ɓārə́n̄ ngé ndang makətūbə̄ gə̄ yā mban̄g kem nāā kə́ ta kəga dɔ tə́, kə ndɔ̄ nāā kə́ nge ko̰ kutə gidə i mətá, adə̄ ndangən̄ makətūbə̄ gə̄ yā kəlań kadə̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ kə́ gō nang gə̄ tə́ ō, ngār gə̄ yā gír de kə́ tayā tayā gə̄ ō, tītə̄ ń Haman ədań ní. Ndangən̄ makətūbə̄ gə̄ ní yā kəlań gō nang gə̄ tə́ i kə gō jī loo ndangən yā de kə́ gō nang gə̄ ní tə́ ō, adə̄n̄ gír de gə̄ kógə̄ḿ kógə̄ḿ i kə ta ɓē yādə́ gēé ō. Ndangən̄ makətūbə̄ gə̄ ní i kə rī mban̄g Jerses ō, tə́ndān̄ tambō̰o̰ gə̄ dɔ tə́ i kə kulūm̄ yā mbangāá ō.

Bible sar

¹² Tā anī ɓārə́n̄ ngé ndang makətūbə̄ gə̄ yā mban̄g kem nāā kə́ ta kəga dɔ tə́, kə ndɔ̄ nāā kə́ nge ko̰ kutə gidə i mətá, adə̄ ndangən̄ makətūbə̄ gə̄ yā kəlań kadə̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ kə́ gō nang gə̄ tə́ ō, ngār gə̄ yā gír de kə́ tayā tayā gə̄ ō, tītə̄ ń Haman ədań ní. Ndangən̄ makətūbə̄ gə̄ ní yā kəlań gō nang gə̄ tə́ i kə gō jī loo ndangən yā de kə́ gō nang gə̄ ní tə́ ō, adə̄n̄ gír de gə̄ kógə̄ḿ kógə̄ḿ i kə ta ɓē yādə́ gēé ō. Ndangən̄ makətūbə̄ gə̄ ní i kə rī mban̄g Jerses ō, tə́ndān̄ *tambō̰o̰ gə̄ dɔ tə́ i kə kulūm̄ yā mbangāá ō.

ESTER 3:12 Referans Kwoze

1 MBAN̄G GƏ̄ 21:8

Jesabel ndang makətūbə̄ kə rī Akab ba əndā tambō̰o̰ yā Akab dɔ tə́. Ni-əla kə makətūbə̄ ní adə̄ kum kɔɔ̄ gə̄ ō, ngār gə̄ ō, kə́ kem ɓē yā Nabot tə́.

ESTER 1:22

Ni ndang makətūbə̄ əlań kə gō ɓē gə̄ malang ń ni-ndi dɔ tə́ ní. Ndangən̄ makətūbə̄ gə̄ ní i kə jī loo ndangən kə́ kem ɓē gə̄ ní tə́ ō, i kə ta ɓē yādə́ kə́ kemeé gə̄ ō. Ədan̄ kem makətūbə̄ gə̄ ní tə́ na i de kə́ dəngam gə̄ malang n i kɔ́ɔ̄ loo gə̄ kə́ ta kújə yādə́ gə̄ tə́ ō, kadə̄ nin̄ kə ɔrə̄n̄ ta ɓē yā gír deē yādə́ gə̄ ō ní.

DANIEL 6:15

Dan ń mban̄g oō najə̄ ń noō ní tōr̄ rɔ̄n ngá̰ý adə̄ ni gír̄ dɔ yá̰á̰ kə́ yā rāā yā teēń kə Danieleé kum tə́. Adə̄ bátə́ kadə̄ mbang udəń ní ni sāā i ta róbə́ kajən.

DANIEL 6:12

Anī de gə̄ ní reēn̄ láẃ əngenən̄ dɔ ndɔ̄ȳ Nə́ɓā yān tə́ ō, dɔ rāā Nə́ɓā yān ɓɔ́ tə́ ō.

DANIEL 6:8

De kə́ bo gə̄ malang kə́ kem ɓē ko̰o̰ tə́ ō, ngé kəndā kumdə́ gíŕ yá̰a̰ kənge gə̄ tə́ ō, ngé kɔsə kum gotə mban̄g dɔ ɓē gə̄ ō, ngé kadə̄n kɔjə̄ gə̄ ō, ngé ko̰o̰ ɓē gə̄ ō, oōn̄ naā ba dəjeīn̄ kadə̄ ré ī-ndigə anī ī-teē kə ndū najə̄ yā mban̄g kógə̄ḿ kə́ kadə̄ de gə̄ ran̄ dɔ tə́. Ndū najə̄ ní n toó: Kem ndɔ̄ kutə mətá ní, deē ń a ndɔ̄ȳ nə́ɓā kə́rēý, aláa de kə́ rang ba i ḭ̄ mban̄g aĺ anī, a ənīn̄ kɔ́ɔ̄ bəlo ɓɔl gə̄ tə́.

ESTER 9:27

Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.

ESTER 8:2

Mban̄g ɔr̄ kulūm̄ kə́ jīn tə́ ń adə̄ Haman tá tél taā kɔ̄ɔ́ ní adə̄ Mardose. Tá ɓáý to̰ ní Ester əndā Mardose dɔ yá̰a̰ malang yā Haman tə́.

ESDRAS 8:36

Gō tə́ anī tə́dan̄ ndū najə̄ gə̄ yā mban̄g adə̄n̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē kə́ gō nang kə́ gidə bā Opəratə kə́ dām̄ kə́ no ɓē tə́ ō. Loo ń noō tə́ nin̄ rāān̄ kə ngán Israel gēé tām̄ yā kújə yā Nə́ɓā tə́.

ESTER 3:11

Gō tə́ anī mban̄g əda Haman na: Nar i kə́ kəya̰ kadī ō, gír de gə̄ ní i kə́ kadī sedə́ kadə̄ ī-rāā yá̰á̰ ń kemií ndigə ní sedə́ ō.

DANIEL 3:10

I īkɔ́ n ə́da de gə̄ malang na ré kə oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlā n i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, kə ɔsən̄ nodə́ nang tə́ kə rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní.

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.