ESTER 2:5 - Bibəl ta Sar̄

⁵ Jipə kógə̄ḿ kə́ rīn na i Mardose ndi kem ɓē bo kə́ Sujə tə́. Ni i de kə́ gír kaa yā Yair ngōn̄ Simei kə́ ngōn̄ Kisə tə́. Ni i de kə́ gír ɓē yā Benjamḛ tə́.

Bible sar

⁵ *Jipə kógə̄ḿ kə́ rīn na i Mardose ndi kem ɓē bo kə́ Sujə tə́. Ni i de kə́ gír kaa yā Yair ngōn̄ Simei kə́ ngōn̄ Kisə tə́. Ni i de kə́ gír ɓē yā Benjamḛ tə́.

ESTER 2:5 Referans Kwoze

ESTER 10:3

Tɔdɔ̄ kem ɓē ko̰o̰ yā mban̄g Jerses tə́ ní de kə́ utə̄ gō mban̄g Jerses i Mardose ń ni i Jipə deē ní. Mardose i de kə́ bo kə́ dan Jipə gə̄ tə́ ō, nel̄ ngákó̰o̰n kə́ Jipə gə̄ malang seneé ō. Ni sāā yá̰á̰ kə́ majə tām̄ yā gír deē yān gə̄ tə́ ō, ɔr̄ najə̄ lápə́ya tām̄ yādə́ tə́ ō.

ESTER 5:1

Dan ń ndɔ̄ kə́ mətá gə̄ ní təgān̄ anī Ester əla kūbə̄ mban̄g rɔ̄n tə́ ba aw̄ ra ndágə loo kə́ ta kújə yā mban̄g tə́ kumən sɔɔ̄ kújə yā mban̄g sew. Mban̄g ndi kújú dɔ kōr̄ kāgə̄ mbang yān tə́ ba kumən i kə̄ ta róbə́ tə́.

ESTER 2:3

Ādə̄ mban̄g tə́ndā de gə̄ kem ɓē gə̄ kə́ gō nang yān tə́ malang, kadə̄ ɔyn̄ ngámandə kə́ ger̄ dəngam aĺ ɓáý gə̄ kə́ majən̄ ka̰ā̰ ngá̰ý gə̄ reēn̄ sedə́ kem kújə yā dəyá̰ gə̄ tə́ kem ɓē bo kə́ Sujə tə́. Ādə̄ Hege ń i áji mbang yā mban̄g kə́ nge ngɔ̄m̄ dəyá̰ gə̄ ní ndi dɔdə́ tə́ ō. Ādə̄ adə̄n̄də́ yibə̄ gə̄ kə́ a ndumən̄ anī rɔ̄də́ ndélē ō.

ESTER 1:2

Ɓāl̄ ko̰o̰ ɓē yān kə́ nge ko̰ mətá tə́ anī ni-ndi dɔ kōr̄ kāgə̄ mbang yān kə́ kem ɓē kə́ Sujə tə́ ba rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́ ō, ngé rāā kəla seneé gə̄ tə́ ō. Ni kán̄ ngol ngé rɔ̄ɔ̄ gə̄ kə́ Persə tə́ ō, Medi tə́ ō, ngé ko̰o̰ ɓē gə̄ ō, ngār dɔ nang gə̄ ō, rɔ̄n tə́.

2 SAMUEL 16:5

Dan ń mban̄g Dabid ugə̄ ngɔr kə̄ Bahurim anī deē kógə̄ḿ teē kemeé kə ndɔ̄lɔ́ tan tə́. Ni a ndɔ̄ĺ i Dabid. Deē ní i de kə́ gír kojə yā Saul tə́, rīn na i Simei. Ni i ngōn̄ Gera.

1 SAMUEL 9:1

Dan ń noō tə́ ní deē kógə̄ḿ ndi dɔ nang yā Benjamḛ tə́, rīn na i Kis. I de kə́ gír ɓē yā Benjamḛ tə́. Ni i ngōn̄ Abiel kə́ ngōn̄ Seror, kə́ ngōn̄ Bekorat, kə́ ngōn̄ Apia. Ni i de kə́ ngáā ō, i de kə́ ənge yá̰a̰ ō.

ESTER 2:4

Ngōn̄ kə́ dəyá̰ ń a nel̄ mban̄g seneé ní a ndi mban̄g gotə Basti tə́. Mban̄g a̰ā̰ kadə̄ i yá̰á̰ kə́ majə adə̄ ni-rāā tītə̄ ń noō.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

2 MBAN̄G 24:15

Ba mban̄g Joakin ō, kó̰o̰n ō, nə̄yá̰n gə̄ ō, ngol áskar yān gə̄ ō, ngār gə̄ kə́ Juda ō ní, ni ɔydə́ Jerusalem aw̄ sedə́ Babilon.