ESTER 2:23 - Bibəl ta Sar̄

²³ Ndəlen̄ gíŕ yá̰á̰ ní anī teēn̄ dɔ tə́ kadə̄ i rɔ̄kum. Anī ənīn̄ kəlā míndə́ áji mbang kə́ jōó gə̄ ní tə́ ba do̰ō̰n̄də́ dɔɔ́ tū kāgə̄ tə́ adə̄ oyn̄. Ndangən̄ yá̰á̰ ní kem makətūbə̄ kənā gotə najə̄ yā mban̄g gə̄ tə́ ta kum mban̄g tə́.

Bible sar

²³ Ndəlen̄ gíŕ yá̰á̰ ní anī teēn̄ dɔ tə́ kadə̄ i rɔ̄kum. Anī ənīn̄ kəlā míndə́ áji mbang kə́ jōó gə̄ ní tə́ ba do̰ō̰n̄də́ dɔɔ́ tū kāgə̄ tə́ adə̄ oyn̄. Ndangən̄ yá̰á̰ ní kem makətūbə̄ kənā gotə najə̄ yā mban̄g gə̄ tə́ ta kum mban̄g tə́.

ESTER 2:23 Referans Kwoze

ESTER 10:2

Yá̰á̰ kə́ bo gə̄ malang ń ni-rāā ɔjəń tɔ́gən ō, kəhɔ rɔ̄ tɔgə yān ō, loo kəndā ń ni-əndā Mardose loo kə́ bo tə́ ō ní, ndangən̄ kem makətūbə̄ kəla rāā mban̄g gə̄ kə́ Medi tə́ ō, Persə tə́ ō tə́.

TA KƏLA 40:22

ba do̰ō̰ kəlā kɔ́ɔ ngol ngé kɔr̄ mápa gə̄ tə́ naānəń ta jī kāgə̄ tə́ tītə̄ ń Jəjep ɔjənəń ní.

TA KƏLA 40:19

na na̰y ndɔ̄ na i mətá kadə̄ Parao̰ na a un dɔn dɔɔ́, ba na i kun kə́ a nelə̄n alé, na a do̰ō̰ kəlā kɔ́ɔn tə́ yā naān ta jī kāgə̄ tə́ kadə̄ yel̄ gə̄ na a əsan̄ dā̰n.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

ESTER 5:14

Anī nə̄yá̰n Jeres ō, madə̄n gə̄ malang ō, ədanən̄ na: Ādə̄ udən̄ kāgə̄ tɔ̄l̄ de kə́ ngālən kə́ kə̄ dɔɔ́ i métər kutə jōó gidə i mí. Ba bírí dəloí anī ə́da mban̄g ādə̄ ənīn̄ kəlā míndə Mardose tə́ ba do̰ō̰nən̄ ta tə́ dɔɔ́. Gō tə́ anī ā āw̄ kəsa yá̰á̰ kə mbangāá kə rɔ̄nelēé. Haman ndigə yá̰á̰ ń ɔjən̄ ní adə̄ rāān̄ kāgə̄ tɔ̄l̄ deē ní.

JOJUE 8:29

Jojue adə̄ əlān̄ kəla míndə mban̄g kə́ Ai tə́ ba do̰ō̰nən̄ ta jī kāgə̄ tə́ bátə́ adə̄ oy. Nīnə́n ra tū tə́ bátə́ loo sɔlí. Dan ń mbang udə anī Jojue mēr̄ kɔr̄ nīnə́n kɔ̄ɔ́. Ənīnən̄ ta róbə́ kə́ yā kudəń kə̄ kem ɓēé tə́ ba kánə̄n̄ mbal̄ gə̄ ngá̰ý dɔn tə́. Dūbə̄ mbal̄ gə̄ ní ra dɔ naā tə́ noō bátə́ ɓōólaā.

ESTER 6:1

Ndɔ̄ɔ́ ndɔ̄ ngeé ń noō tə́ ní ɓīī ɔdə reē kum mban̄g tə́ alé. Adə̄ ni-əda kadə̄ reēn̄ kə makətūbə̄ yá̰a̰ gə̄ ń rāān̄ yá̰a̰ ɓāl̄ ko̰o̰ ɓē yān tə́ ní. Tə́dan̄ makətūbə̄ ní ta kumən tə́.

ESDRAS 4:15

kadə̄ de yāí gə̄ ndəlen̄ gír kem makətūbə̄ yá̰á̰ kə́ rāā yá̰á̰ jóo gə̄ yā ngé gə̄ ń o̰o̰n̄ ɓē kété noí tə́ ní. Ā ī-teē dɔ tə́ kemeé ō, ā ī-ger̄ kadə̄ de kə́ kem ɓē ngeé ń toō tə́ gə̄ i de kə́ dɔdə́ ngan̄g ngá̰ý gə̄ ō, i de kə́ ngé nujə yá̰a̰ yā mban̄g gə̄ ō, yā ngé ko̰o̰ ɓē gə̄ ō. Tá nin̄ a oōn̄ naā i kem ɓē ngeé ń toō tə́ n a ənīn̄eé wúȳ ní ō. Əlan̄ gír rāā yá̰á̰ ń noō i jóó ngá̰ý. Adə̄ i tām̄ najə̄ ń noō tə́ n nujən̄neé ɓē ngeé ń toō kɔ̄ɔ́ ní.