ESTER 2:18 - Bibəl ta Sar̄

¹⁸ Ni-rāā yá̰a̰ kəsa kə́ ngá̰ý najə̄ yā Ester tə́, ba ɓāŕ de kə́ bo yān gə̄ malang ō, ngé rāā kəla seneé gə̄ ō, adə̄ reēn̄ loo kəsa yá̰á̰ tə́. Ni-ɔr̄ ta lambóó kə́ dɔ de kə́ kem ngán ɓē kə́ ndágá gə̄ tə́ kɔ̄ɔ́ ō, adə̄ de gə̄ kadə karī gə̄ adə̄ asə kə gō tɔ́gəneé ō.

Bible sar

¹⁸ Ni-rāā yá̰a̰ kəsa kə́ ngá̰ý najə̄ yā Ester tə́, ba ɓāŕ de kə́ bo yān gə̄ malang ō, ngé rāā kəla seneé gə̄ ō, adə̄ reēn̄ loo kəsa yá̰á̰ tə́. Ni-ɔr̄ ta lambóó kə́ dɔ de kə́ kem ngán ɓē kə́ ndágá gə̄ tə́ kɔ̄ɔ́ ō, adə̄ de gə̄ kadə karī gə̄ adə̄ asə kə gō tɔ́gəneé ō.

ESTER 2:18 Referans Kwoze

JEJU TEĒ KUM JA̰A̰ 19:9

Anī de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

Najə̄ kə́ Majə yā Jeju ń Luk ndang ní 14:8

Ré deē mērī loo kaw̄ kəsa yá̰a̰ kaw̄ kə dəyá̰ kə̄ kújú tə́ anī, ī-lōō kaw̄ ndi loo kə́ kété tə́, tɔdɔ̄ ré deē ń mērī kəsa yá̰á̰ ní mēr̄ madí kə́ bo tɔyī ta reē kəsa yá̰á̰ ní tə́ ō,

MATIYE 22:2

Ɓē ko̰o̰ kə́ dɔ rā̰ tə́ i tītə̄ mban̄g kógə̄ḿ kə́ rāā yá̰a̰ kəsa ndɔ̄ kaw̄ kújú yā nə̄yá̰ ngōnən tə́ beē.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

PĀ KƏ́ MAJƏ 3:11

Ngáń kə́ dəyá̰ kə́ Siyo̰ gə̄, ī-teē á̰a̰ī mban̄g Salomo̰! Ni-əla jākā mbang dɔn tə́. I jākā ń kó̰o̰n adə̄n ndɔ̄ ń ni-taāń dəyá̰ tə́ ní, ndɔ̄ ń rɔ̄n nelə̄nneé tə́ ní.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

ESTER 1:7

Adə̄n̄ de gə̄ yá̰a̰ ka̰ȳ i kem kópə kə́ rāā kə lɔ́r gə̄ tə́. Kópə gə̄ ní ton̄ tītə̄ naā malang alé. Kasə nduú ń mban̄g adə̄ ní i ngá̰ý ō, adə̄n̄ de gə̄ i ngá̰ý tītə̄ ń mban̄g a adə̄ń deē yá̰á̰ ní ō.

NEHEMI 8:11

Ngán Lebi gə̄ sɔlə̄n̄ kem de gə̄ ō, nin̄ ədan̄ na: Ī-raī tasí mbóo! Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Nə́ɓā tə́. Ādī wursí ɔlsí alé.

1 SAMUEL 25:8

Ré ni dəjedə́ anī a ədan̄ kadə̄ i najə̄ kə́ rɔ̄kum. Ə́daniī kadə̄ əhɔsí kə̄ rɔ̄n tə́ majə, tɔdɔ̄ āwī rɔ̄n tə́ i ndɔ̄ rāā nāā tə́. m̄-rāān ɓɔ́ kadə̄ adə̄sí sḭḭ̄ ō mā Dabid ń i ngōnən ní ō yá̰á̰ ń tɔ́gən asə kadə̄ adə̄jí ní.

TA KƏLA 29:22

Laban ɓāŕ de kə́ kem ɓēé gə̄ malang ba rāā yá̰a̰ kəsa kə́ ngá̰ý adə̄də́.

MARK 6:21

Ba ndɔ̄ kə́ majə tām̄ yā Herodiad tə́ reē ugə̄. Herod rāā yá̰a̰ kəsa tām̄ nāā kojən tə́, mērəń de kə́ bo yān gə̄ ō, ngol áskar yān gə̄ ō, ngār kə́ Galile gə̄ ō.