ESTER 2:17 - Bibəl ta Sar̄

¹⁷ Anī mban̄g gḛy Ester tɔȳ gotə dəyá̰ gə̄ malang ō, rāā majə seneé ō, ənī kemən adə̄n tɔȳ ngámandə gə̄ malang ō. Ni-əla jākā mbang dɔn tə́ ō, rāān mban̄g kə́ dəyá̰ tə́ kum gotə Basti ō.

Bible sar

¹⁷ Anī mban̄g gḛy Ester tɔȳ gotə dəyá̰ gə̄ malang ō, rāā majə seneé ō, ənī kemən adə̄n tɔȳ ngámandə gə̄ malang ō. Ni-əla *jākā mbang dɔn tə́ ō, rāān mban̄g kə́ dəyá̰ tə́ kum gotə Basti ō.

ESTER 2:17 Referans Kwoze

EJEKIEL 17:24

Loo ń noō tə́ kāgə̄ kə́ kem bembeé gə̄ malang a gerə̄n̄ kadə̄ Kɔ́ɔ̄ɓē i mā. Mā i nge rāā kāgə̄ kə́ ngāl̄ gə̄ tə́lən̄ kə̄ nang tə́ ō, nge rāā kadə̄ kāgə̄ kə́ dūú gə̄ tɔgən̄ ō, nge rāā kadə̄ kāgə̄ kə́ mbōl̄ gə̄ tutən̄ ō, nge rāā kadə̄ kāgə̄ kə́ tutə gə̄ hútə̄n̄ ō. I mā Kɔ́ɔ̄ɓē n m-ɔ̄r̄ najə̄ ō, yá̰á̰ ń m-ə́dá ní m-ā m̄-rāā ō.

ESTER 4:14

Tɔdɔ̄ ré na ndi tan mbóo dan ń toō tə́ anī, a rāān̄ kə Jipə gēé kə ta róbə́ kə́ rangaá kadə̄ nin̄ a ajən̄. Banī ni na a oy, adə̄ ta gír kojə yān na a udə kɔ̄ɔ́. Tá i náā n ger̄? Majanī ni na tél nə̄yá̰ mban̄g i kadə̄ əndāń rɔ̄n ta yá̰á̰ kə́ beé gə̄ tə́.

ESTER 1:11

kadə̄ aw̄ əlan̄ jākā mbang dɔ nə̄yá̰n Basti tə́ ba kə reēn̄ seneé rɔ̄n tə́, kadə̄ de kə́ bo yān gə̄ ō, kósə de gə̄ ń ndin̄ noó ní ō, kə a̰a̰n̄ mandən. Tá nə̄yá̰n mandə ngá̰ý rɔ̄kum.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

ESTER 2:16

Adə̄ aw̄n̄ kə Ester rɔ̄ mban̄g Jerses tə́, kem kújə mban̄g yān tə́. I ɓāl̄ ko̰o̰ ɓē yān kə́ ngé ko̰ sīrí tə́, kem nāā kə́ nge ko̰ kutə tə́, adə̄ i kem nāā Tebet tə́.

ESTER 6:8

A reēn̄ kə kūbə̄ mban̄g kə́ mban̄g əla rɔ̄n tə́ ō, sə́ndá kə́ mban̄g alə̄n kɔ̄ɔ́ kə́ əlan̄ yá̰á̰ súū rɔ̄ yā mban̄g dɔn tə́ ō.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.