ESTER 2:16 - Bibəl ta Sar̄

¹⁶ Adə̄ aw̄n̄ kə Ester rɔ̄ mban̄g Jerses tə́, kem kújə mban̄g yān tə́. I ɓāl̄ ko̰o̰ ɓē yān kə́ ngé ko̰ sīrí tə́, kem nāā kə́ nge ko̰ kutə tə́, adə̄ i kem nāā Tebet tə́.

Bible sar

¹⁶ Adə̄ aw̄n̄ kə Ester rɔ̄ mban̄g Jerses tə́, kem kújə mban̄g yān tə́. I ɓāl̄ ko̰o̰ ɓē yān kə́ ngé ko̰ sīrí tə́, kem nāā kə́ nge ko̰ kutə tə́, adə̄ i kem nāā *Tebet tə́.

ESTER 2:16 Referans Kwoze

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

ESTER 2:3

Ādə̄ mban̄g tə́ndā de gə̄ kem ɓē gə̄ kə́ gō nang yān tə́ malang, kadə̄ ɔyn̄ ngámandə kə́ ger̄ dəngam aĺ ɓáý gə̄ kə́ majən̄ ka̰ā̰ ngá̰ý gə̄ reēn̄ sedə́ kem kújə yā dəyá̰ gə̄ tə́ kem ɓē bo kə́ Sujə tə́. Ādə̄ Hege ń i áji mbang yā mban̄g kə́ nge ngɔ̄m̄ dəyá̰ gə̄ ní ndi dɔdə́ tə́ ō. Ādə̄ adə̄n̄də́ yibə̄ gə̄ kə́ a ndumən̄ anī rɔ̄də́ ndélē ō.

ESTER 2:1

Gō yá̰a̰ gə̄ ń noō tə́ ní dan ń wōn̄g yā mban̄g Jerses tetə anī, ni gír̄ dɔ Basti tə́ ō, dɔ yá̰á̰ ń Basti rāā tə́ ní ō, dɔ yá̰á̰ ń i kə́ yā rāā seneé tə́ ní ō.

ESDRAS 7:8

Esdras reē sedə́ ō. Nin̄ reē ugə̄n̄ i kem nāā kə́ nge ko̰ mí tə́.

ESTER 2:15

Ndɔ̄ kógə̄ḿ tə́ anī ta i dɔ Ester ngōn̄ kətō Mardose tə́ kadə̄ aw̄ rɔ̄ mban̄g tə́. Ester i ngōn̄ Abihail ngōn̄ kə́ nān̄ Mardose. Ni-dəje yá̰á̰ kə́ rang alé ba dəje i yá̰á̰ ń Hege, áji mbang yā mban̄g kə́ nge ngɔ̄m̄ dəyá̰ gə̄ ɔjən kadə̄ dəje ní tá ngóy. De gə̄ malang ń dərān̄ Ester dɔ róbə́ tə́ ní ɔjənən̄ kem majə yādə́.

ESTER 2:17

Anī mban̄g gḛy Ester tɔȳ gotə dəyá̰ gə̄ malang ō, rāā majə seneé ō, ənī kemən adə̄n tɔȳ ngámandə gə̄ malang ō. Ni-əla jākā mbang dɔn tə́ ō, rāān mban̄g kə́ dəyá̰ tə́ kum gotə Basti ō.

ESDRAS 4:6

Ɓāl̄ gə̄ ń Jerses əlań gír ko̰o̰ ɓē ngɔr ɓáý tə́ ní madə̄ ba̰ā̰ Jipə gə̄ ndangən̄ makətūbə̄ adə̄nən̄ sekə́n̄neé Juda gə̄ ō, de kə́ Jerusalem gə̄ ō.