ESTER 2:15 - Bibəl ta Sar̄

¹⁵ Ndɔ̄ kógə̄ḿ tə́ anī ta i dɔ Ester ngōn̄ kətō Mardose tə́ kadə̄ aw̄ rɔ̄ mban̄g tə́. Ester i ngōn̄ Abihail ngōn̄ kə́ nān̄ Mardose. Ni-dəje yá̰á̰ kə́ rang alé ba dəje i yá̰á̰ ń Hege, áji mbang yā mban̄g kə́ nge ngɔ̄m̄ dəyá̰ gə̄ ɔjən kadə̄ dəje ní tá ngóy. De gə̄ malang ń dərān̄ Ester dɔ róbə́ tə́ ní ɔjənən̄ kem majə yādə́.

Bible sar

¹⁵ Ndɔ̄ kógə̄ḿ tə́ anī ta i dɔ Ester ngōn̄ kətō Mardose tə́ kadə̄ aw̄ rɔ̄ mban̄g tə́. Ester i ngōn̄ Abihail ngōn̄ kə́ nān̄ Mardose. Ni-dəje yá̰á̰ kə́ rang alé ba dəje i yá̰á̰ ń Hege, áji mbang yā mban̄g kə́ nge ngɔ̄m̄ dəyá̰ gə̄ ɔjən kadə̄ dəje ní tá ngóy. De gə̄ malang ń dərān̄ Ester dɔ róbə́ tə́ ní ɔjənən̄ kem majə yādə́.

ESTER 2:15 Referans Kwoze

PĀ KƏ́ MAJƏ 6:9

Banī dér dum yāḿ, nge majə kɔtə̄ kə taá yāḿ, i kal kógə̄ḿ beē ngóy. Nəkɔ́ i kógə̄ḿ beē tām̄ yā kó̰o̰n tə́. Unjə̄ njáý njáý ō, ndə́lē ō, kó̰o̰n gḛyn ngá̰ý ō. Ngáń kə́ dəyá̰ gə̄ a̰a̰nən̄, anī ədanən̄ na ni na i nge rɔ̄nel̄ ō, nə̄yá̰ mban̄g gə̄ ō, kābān gə̄ ō, tɔ̄ȳnən̄ ədan̄ na:

ESTER 2:3

Ādə̄ mban̄g tə́ndā de gə̄ kem ɓē gə̄ kə́ gō nang yān tə́ malang, kadə̄ ɔyn̄ ngámandə kə́ ger̄ dəngam aĺ ɓáý gə̄ kə́ majən̄ ka̰ā̰ ngá̰ý gə̄ reēn̄ sedə́ kem kújə yā dəyá̰ gə̄ tə́ kem ɓē bo kə́ Sujə tə́. Ādə̄ Hege ń i áji mbang yā mban̄g kə́ nge ngɔ̄m̄ dəyá̰ gə̄ ní ndi dɔdə́ tə́ ō. Ādə̄ adə̄n̄də́ yibə̄ gə̄ kə́ a ndumən̄ anī rɔ̄də́ ndélē ō.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

ESTER 9:29

Ester kə́ nə̄yá̰ mban̄g ń i ngōn̄ Abihail kə́ dəyá̰ ní ō, Mardose ń i Jipə ní ō, ndangən̄ makətūbə̄ kə́ nge ko̰ jōó ədan̄neé kə tɔ̄gə́də́ malang kadə̄ makətūbə̄ kə́ kété ń najə̄ yā Purim gə̄ i kemeé ní i makətūbə̄ kə́ rɔ̄kum.

PĀ KƏ́ MAJƏ 8:10

Mā i ndogə̄ mbal̄ kə́ bo ō, mbaaḿ gə̄ i kújə́ kə́ ngāl̄ ɓururu kə́ dɔ tə́ gə̄ ō rɔ̄kum a? Loo ń noō tə́ m̄-to tītə̄ dəyá̰ kə́ ənge kem sɔl̄ beé ta kumən tə́.

ESTER 2:14

A aw̄ rɔ̄ mban̄g tə́ i loo tíbí, ba teē dəloí anī a aw̄n̄ seneé kem kújə kə́ nge ko̰ jōó yā dəyá̰ gə̄ tə́. Sasgas kə́ áji mbang kə́ nge ngɔ̄m̄ dəyá̰ gə̄ yā mban̄g n əndanən̄ dɔn tə́ kadə̄ aw̄ seneé ní. Ni a tél yā kaw̄ gogə́ rɔ̄ mban̄g tə́ to̰ alé. Ba ré i mban̄g n gḛyn ō ɓārə́n kə rīneé ō tá.

ESTER 2:16

Adə̄ aw̄n̄ kə Ester rɔ̄ mban̄g Jerses tə́, kem kújə mban̄g yān tə́. I ɓāl̄ ko̰o̰ ɓē yān kə́ ngé ko̰ sīrí tə́, kem nāā kə́ nge ko̰ kutə tə́, adə̄ i kem nāā Tebet tə́.

ESTER 8:1

Ndɔ̄ nəkɔ́ ń noō tə́ mban̄g Jerses tél kə yá̰a̰ malang yā Haman kə́ madə̄ ba̰ā̰ Jipə gə̄ adə̄ nə̄yá̰n Ester. Tá Ester əda mban̄g na Mardose i ngeen adə̄ Mardose reē rɔ̄ mban̄g tə́.

Gōsə̄ najə̄ gə̄ 15:33

Ɓōĺ ndíĺ Kɔ́ɔ̄ɓē ndóōjí kum kedə̄. Sɔl̄ dɔ i kété pá tá rī ɓār̄ utə̄ gō.