ESTER 2:11 - Bibəl ta Sar̄

¹¹ Kə dɔ ndɔ̄ gə̄ ń noō Mardose a njə̄rā i ta kújə yā dəyá̰ gə̄ tə́ yā dəjeń kōō Ester ké to i ba̰ý wa ō, yā gerə̄ń yá̰á̰ ń a rāān̄ seneé ní ō.

Bible sar

¹¹ Kə dɔ ndɔ̄ gə̄ ń noō Mardose a njə̄rā i ta kújə yā dəyá̰ gə̄ tə́ yā dəjeń kōō Ester ké to i ba̰ý wa ō, yā gerə̄ń yá̰á̰ ń a rāān̄ seneé ní ō.

ESTER 2:11 Referans Kwoze

1 SAMUEL 17:18

Ba mba man̄g kə́ sīsə̄rí kə́ kutə kógə̄ḿ ń toō tá āwń ādə̄ ngol áskar gə̄. Á̰á̰ ngákó̰ó̰í gə̄ ké ton̄ karī wa. Ba ādə̄ adə̄nī yá̰á̰ kógə̄ḿ kə́ ɔjə kadə̄ na n-ton̄ karī.

TA KƏLA 37:14

Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́. Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem.

KƏLA RĀĀ 15:36

Gō tə́ rāā ndɔ̄ oy tām̄ anī, Pol əda Barnabas na: Ādə̄ jə-tél j-aw̄ jə-go̰ō̰ ngákó̰ó̰jí gə̄ kə́ kem ɓē gə̄ malang ń j-ɔjə najə̄ yā Kɔ́ɔ̄ɓē tū tə́ ní. Loo ń noō tə́ j-a j-a̰a̰də́ ké ndin̄ i ba̰ý wa.

ESTER 2:10

Ester əda kadə̄ gír kaan i Jipə alé, tɔdɔ̄ Mardose ɔgə̄n kəda kɔ̄ɔ́.

ESTER 2:12

Ngōn̄ kə́ dəyá̰ a rāā rɔ̄n kem nāā kutə gidə i jōó pá tá ré ta i dɔn tə́ kadə̄ aw̄ rɔ̄ mban̄g Jerses tə́ anī a aw̄ ɓáý. Dan ń dəyá̰ gə̄ a rāān̄neé rɔ̄də́ tə́ ní, a ndumən̄ yibə̄ kāgə̄ mír nāā mehḛ́. Kem nāā kə́ mehḛ́ gə̄ ń na̰yn̄ tə́ ní a ndumən̄ nō kāgə̄ kə́ kotə majə ō, yibə̄ gə̄ kə́ rāān̄ rɔ̄də́ kadə̄ ndélē gə̄ ō.