ESTER 1:6 - Bibəl ta Sar̄

⁶ Tó̰ō̰n̄ kūbə̄ lḛ́ḛ́ kə́ sɔl̄ lɔ́ḿ lɔ́ḿ ba ndaa ngóńg ngóńg gə̄ ō, kə́ kərē gusə gusə gə̄ ō, dɔɔ́ kə kəlā kə́ kərē bḭḭ gēé tū nə̄ngá gində̄ arjā̰a̰ gə̄ kə́ tə́lan̄ tū mbal̄ máŕbər gə̄ tə́. Tə́ndān̄ yá̰a̰ ndi kə́ ngāl̄ gə̄ kə́ rāān̄ kə lɔ́r ō, kə gində̄ arjā̰a̰ ō dɔ nang kə́ ɓatə̄ tə́. Ɓatə̄n̄ dɔ nang ní i kə mbal̄ kə́ kərēé ō, kə́ ndaá ō, kə́ ndaá put put ō kə́ nduluú ō.

Bible sar

⁶ Tó̰ō̰n̄ kūbə̄ *lḛ́ḛ́ kə́ sɔl̄ lɔ́ḿ lɔ́ḿ ba ndaa ngóńg ngóńg gə̄ ō, kə́ kərē gusə gusə gə̄ ō, dɔɔ́ kə kəlā kə́ kərē bḭḭ gēé tū nə̄ngá gində̄ arjā̰a̰ gə̄ kə́ tə́lan̄ tū mbal̄ máŕbər gə̄ tə́. Tə́ndān̄ yá̰a̰ ndi kə́ ngāl̄ gə̄ kə́ rāān̄ kə lɔ́r ō, kə gində̄ arjā̰a̰ ō dɔ nang kə́ ɓatə̄ tə́. Ɓatə̄n̄ dɔ nang ní i kə mbal̄ kə́ kərēé ō, kə́ ndaá ō, kə́ ndaá put put ō kə́ nduluú ō.

ESTER 1:6 Referans Kwoze

AMOS 6:4

Sḭḭ̄ ī-toī i dɔ tə̄rá gə̄ kə́ rāān̄ ro̰də́ i kə ngān̄g dā̰á̰ tə́ ō, ī-toī kə ngāl̄sí dɔ yá̰a̰ ndi yāsí kə́ sɔl̄ lɔ́ḿ lɔ́ḿ gə̄ tə́ ō, yā kəsań ngán batə̄ kə́ majə tɔȳ madə̄ gə̄ kə́ dan yá̰a̰ kul̄ yāsí gə̄ tə́ ō, yā kəsań duĺ man̄g kə́ bo tɔȳ madə̄ gə̄ kə́ kem gɔngɔɔ́ ō.

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

AMOS 2:8

Loo malang ń a rāān̄ kəla tū tə́ a adə̄n̄ Nə́ɓā ní, nin̄ a ton̄ tū tə́ i dɔ kūbə̄ gə̄ kə́ táān̄ jī ngé ndoō gə̄ tə́ tə́. Kem kújə yā nə́ɓā yādə́ tə́ ɓáa, nin̄ a a̰ȳn̄ i kasə nduú kə́ táā jī de gə̄ tə́.

ESTER 7:8

Ni-əsō bəruk dɔ yá̰a̰ ndi ń Ester ndi dɔ tə́ ní anī, mban̄g tél kem ndɔrɔ́ udə kújə kəsa yá̰á̰ tə́ gogə́. Kə̄ ta jī tə́ noō mban̄g əda na: I gḛy sāā nə̄yá̰ mban̄g dɔ gúú tə́ kə̄ dɔ tə́ ɓáý ta kumḿ tə́ kem kújə yāḿ tə́ a? Mban̄g əda najə̄ tan kógə̄ḿ anī jóó ń jóo toó ngé kəla gə̄ utə̄n̄ ta kum Haman kə kūbūú kɔ̄ɔ́.

ESTER 8:15

Dan ń Mardose teē ɓē mbangāá kə̄ ndágá ní, kūbə̄ yā mban̄g kə́ ndul gusə gusə ō, ndaa ō, i rɔ̄n tə́. Kūbə̄ kə́ dɔ madə̄ gə̄ tə́ kə́ rɔ̄n tə́ i kūbə̄ lḛ́ḛ́ kə́ kərē ō, jākā mbang kə́ bo kə́ rāā kə lɔ́rɔ́ i dɔn tə́ ō. De kə́ kem ɓē kə́ Sujə tə́ gə̄ túrə̄n̄ kɔĺ rɔ̄nel̄ ō, rɔ̄də́ nel̄də́ ō.

Teē Ngán Israel gə̄ 26:1

Ā ī-rāā kújə ndiḿ kə ta kūbə̄ kutə kógə̄ḿ kə́ əjōn̄ kə kəlā lḛ́ḛ́ kə́ ngan̄g gēé. A tə́lan̄ kəlā bḭḭ̄ batə̄ kə́ ndul gusə gusə ō, kə́ kərē bḭḭ ō, kə́ kərē pírírí ō, dan kəlā lḛ́ḛ gə̄ ní tə́ yā rāań de kə́ dɔ rā̰ tə́ kə́ ngé ngɔ̄m̄ loo gə̄ tū kūbə̄ gə̄ ní tə́.

1 SAMUEL 28:23

Saul mbātə́ kəsa yá̰a̰ kɔ̄ɔ́, banī ngé kəla yān gə̄ ō dəyá̰ ní ō ran̄ seneé ngá̰ý adə̄ ta tɔ̄l̄ ta tə́ anī ni ndigə. Ni-ḭḭ ndi dɔ tə̄rá.

AMOS 3:12

Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.