ESTER 1:12 - Bibəl ta Sar̄

¹² Áji mbang gə̄ aw̄ ədan̄ Basti kəla ń mban̄g əndā tadə́ tə́ ní, banī ni-mbātə́ reē kɔ̄ɔ́. Loo ń noō tə́ wōn̄g rāā mban̄g ngá̰ý.

Bible sar

¹² Áji mbang gə̄ aw̄ ədan̄ Basti kəla ń mban̄g əndā tadə́ tə́ ní, banī ni-mbātə́ reē kɔ̄ɔ́. Loo ń noō tə́ wōn̄g rāā mban̄g ngá̰ý.

ESTER 1:12 Referans Kwoze

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

1 PIYER 3:1

Sḭḭ̄ dəyá̰ gə̄, yāsí ń toó: Ōōī ta ngaasí gə̄ yā kadə̄ ká ré ngé kə́rēý gə̄ dandə́ tə́ mbātə́n̄ taā kem najə̄ yā Nə́ɓā gə̄gē anī, nin̄-taān̄ kem kə ta kūl̄ háĺsí, kanjə̄ kadə̄ ɔ̄rī najə̄ sedə́.

EPEJƏ 5:24

Ba dan ń ngé taā kem Kərist gə̄ oōn̄ ta Kərist ní, majə kadə̄ dəyá̰ gə̄ rāān̄ tītə̄ ń noō tū yá̰a̰ gə̄ tə́ malang ō kə ngaadə́ gēé.

EPEJƏ 5:22

Ādə̄ dəyá̰ gə̄ rāān̄ tītə̄ ń noō kə ngaadə́ gēé ō, tītə̄ ń a rāān̄neé kə Kɔ́ɔ̄ɓēé ní.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

DANIEL 3:13

Anī wōn̄g rāā mban̄g Nabukodonosor ngá̰ý adə̄ əda kadə̄ reēn̄ kə Sadərak ō, Mesak ō Abed Nego ō. Dan ń reēn̄ sedə́ rɔ̄n tə́

DANIEL 2:12

Loo ń noō tə́ wōn̄g rāā mban̄g ngá̰ý, adə̄ əda kadə̄ tɔ̄lə̄n̄ ngé kum kedə̄ gə̄ malang kə́ Babilon kɔ̄ɔ́.

Gōsə̄ najə̄ gə̄ 20:2

Mban̄g kə́ wōn̄g rāān to ɓōĺ tītə̄ ɓɔl kə́ nōō beé. Deē ń adə̄n wōn̄g ní rāā majaĺ i kə rɔ̄n nəkɔ́.

PĀ GƏ̄ 79:5

Kɔ́ɔ̄ɓē, ā ī-rāā wōn̄g kə́ dan gān̄g aĺ sejí i bátə́ ta kə́ rá? Jang yāí a o̰o̰ loo kə́ hor tə́ i bátə́ ta kə́ rá?

PĀ GƏ̄ 74:1

Pā kə́ kəda, i pā yā Asap. Nə́ɓā, ī-mbātə́jí njɔ́ḿ i tām̄ rí tə́? Jḭḭ ń i ɓūtə̄ yá̰a̰ kul̄ gə̄ kə́ i ḭ̄ n i nge kul̄jí ní, wōn̄g rāāī sejí ngá̰ý i tām̄ rí tə́?

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

Teē Ngán Israel gə̄ 32:22

Aaro̰ tél ədan na n-rāān ɓɔ́ ba kə loo rāā wōn̄g, na nəkɔ́ Moijə na ger̄ kadə̄ gír de gə̄ ń noō i gír de gə̄ kə́ əndān̄ daw dɔ rāā majaĺ tə́ alé gə̄.

Teē Ngán Israel gə̄ 32:19

Dan ń reē əndān̄ dɔ ɓē ngɔr anī, Moijə a̰a̰ ngōn̄ man̄g ní ō, a̰a̰ ngán Israel gə̄ loo ndām̄ naā tə́ ō. Wōn̄g rāān adə̄ tə́nī bar mbal̄ gə̄ kə́ jīn tə́ nja mbal̄ tə́ tə́nī tɔ̄ɔ̄ kɔ̄ɔ́,

TA KƏLA 3:16

Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

DANIEL 3:19

Loo ń noō tə́ wōn̄g rāā Nabukodonosor ngá̰ý, adə̄ kumən ilən kóróró dɔ Sadərak tə́ ō Mesak tə́ ō Abed Nego tə́ ō. Ni un najə̄ ɔr̄, əda kadə̄ rāān̄ hor kə́ o̰o̰ bəlim bəlim kə́ tənga ngá̰ý ní kadə̄ təngā tɔȳ kə́ kété nja sīrí.

ESTER 1:11

kadə̄ aw̄ əlan̄ jākā mbang dɔ nə̄yá̰n Basti tə́ ba kə reēn̄ seneé rɔ̄n tə́, kadə̄ de kə́ bo yān gə̄ ō, kósə de gə̄ ń ndin̄ noó ní ō, kə a̰a̰n̄ mandən. Tá nə̄yá̰n mandə ngá̰ý rɔ̄kum.

ESTER 1:13

Mban̄g dəje gír̄ kə kem ngé ger̄ ndū najə̄ gə̄ tə́ ō jī bēl̄ loo rāā yá̰a̰ gə̄ tə́ ō, tɔdɔ̄ aw̄n̄ kə najə̄ yān malang i nodə́ nin̄ tə́.

ESTER 7:7

Mban̄g ḭḭ kə wōngōó ta yá̰a̰ kəsa tə́ ba teē aw̄ kem ndɔr̄ kə́ kem ndogə̄ yān tə́. Haman ger̄ kadə̄ mban̄g gḛy i kadə̄ yá̰á̰ kə́ to kum kaȳ aĺ rāān. Adə̄ ni-ndi gotoó yā rāā Ester nə̄yá̰ mban̄g ɓɔ́ kadə̄ ajən.