ESTER 1:10 - Bibəl ta Sar̄

¹⁰ Kə ndɔ̄ kə́ nge ko̰ sīrí anī mban̄g a̰ȳ kasə adə̄ rɔ̄n nelə̄n. Ta anī ni-əda Mehuman ō, Bijta ō, Harbona ō, Bigta ō, Abagta ō Jetar ō, Karkas ō ń nin̄ i áji mbang yān kə́ sīrí gə̄ ní,

Bible sar

¹⁰ Kə ndɔ̄ kə́ nge ko̰ sīrí anī mban̄g a̰ȳ kasə adə̄ rɔ̄n nelə̄n. Ta anī ni-əda Mehuman ō, Bijta ō, Harbona ō, Bigta ō, Abagta ō Jetar ō, Karkas ō ń nin̄ i *áji mbang yān kə́ sīrí gə̄ ní,

ESTER 1:10 Referans Kwoze

ESTER 7:9

Anī áji mbang kógə̄ḿ kə́ dan madə̄ gə̄ tə́ ń rīn na i Harbona ní əda ta kum mban̄g tə́ na: Ee, kāgə̄ tɔ̄l̄ deē ń Haman nəkɔ́ rāā tām̄ yā Mardose ń najə̄ kə́ tan tə́ ajə mban̄g ní n noó. Kāgə̄ ní ra i ta kújə yā Haman tə́. Ngālən kə́ kə̄ dɔɔ́ i métər kutə jōó gidə i mí. Anī mban̄g əda na: Ə̄nīī kəlā míndən tə́ ba ī-do̰ō̰niī tū tə́!

NGÉ SARYA 16:25

Dan ń rɔ̄ de gə̄ nel̄də́ tā ní dəjen̄ kadə̄ Samso̰ kə reē kə rāā yá̰á̰ kə́ to kəgō gə̄ nodə́ tə́ kadə̄ kə n-əgōnəń naā. Loo ń noō tə́ aw̄n̄ gō Samso̰ tə́ kújə dəngáyá reēn̄ seneé. Ni-rāā yá̰á̰ kə́ to kəgō gə̄ nodə́ tə́ adə̄ əgōnəń naā. Ba gō tə́ anī aw̄ əndānən̄ dɔ dán bir̄ nja kújə gə̄ tə́ adə̄ ndi.

Gōsə̄ najə̄ gə̄ 20:1

Kasə nduú i yá̰á̰ kə́ a mbóo kə deé, kutə̄ mbī ō, yá̰á̰ kə́ a̰a̰ gō naā aĺ ō i tū kasə kə́ ngan̄g tə́. Deē ń a̰ȳ adə̄ mān̄ dɔ loon ní i de kə́ nge kum kedə̄ alé.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

TA KƏLA 43:34

Jəjep adə̄ aw̄n̄ kə yá̰a̰ kəsa gə̄ ń ndin̄ non tə́ ní adə̄n̄də́, ba Benjamḛ tá ənge tɔȳ madə̄n gə̄ nja mí. A̰ȳn̄ kasə nduú naā tə́ kə Jəjepé ō, rɔ̄də́ nel̄də́ mbak ō.

KOHELET 10:19

De kə́ bo gə̄ rāān̄ yá̰a̰ kəsa yā rāań rɔ̄nel̄. Kasə nduú rāādə́ adə̄ rɔ̄də́ nel̄də́ ō, nar adə̄də́ yá̰a̰ malang ō.

NGÉ SARYA 19:6

Loo ń noō tə́ nin̄ jōó mbak tél ndin̄ nang tə́ ba əsan̄ yá̰a̰ ō a̰ȳn̄ ō. Gō tə́ anī bɔbə̄ dəyá̰ əda umən na: m̄-sāā kadə̄ ī-ɓīī laā ɓáý kadə̄ rɔ̄í nelē ní. m̄-rāāī ɓɔ́ ba ī-ndigə gōḿ tə́.

RUTƏ 3:7

Boj əsa yá̰a̰ ō, a̰ȳ yá̰a̰ ō, adə̄ rɔ̄n nelə̄n. Gō tə́ anī aw̄ to ta kōō yān kə́ kán̄ dɔ naā tə́ tə́. Rutə aw̄ rɔ̄n tə́ jəke, un kūbə̄ kə́ dɔ njan tə́ kə̄ gogə́ ba to nang tə́.

ESTER 1:9

Basti ń i nə̄yá̰ mban̄g ní rāā yá̰a̰ kəsa kə́ ngá̰ý tām̄ yā dəyá̰ gə̄ tə́ ō. Ni-rāā yá̰a̰ kəsa ní i kem kújə kə́ majə ngá̰ý yā mban̄g Jerses tə́.

ESTER 3:15

Ngámbang kəla gə̄ aw̄n̄ láẃ tītə̄ ń mban̄g ədań ní ō, ənīn̄ mbēr dɔ tə́ kem ɓē bo kə́ Sujə tə́ ō. Mban̄g nin̄ kə Haman ndi a a̰ȳn̄ yá̰a̰, banī de kə́ kem ɓē bo kə́ Sujə tə́ gə̄ tá a̰a̰n̄ oy oy.

Gōsə̄ najə̄ gə̄ 31:4

Lemuel, kasə nduú majə tām̄ yā mban̄g gə̄ tə́ aĺ ō, kasə kə́ ndḛḛ̄ kə́ ngan̄g majə tām̄ yā ngār gə̄ tə́ aĺ ō.