ESTER 1:1 - Bibəl ta Sar̄

¹ Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

Bible sar

¹ Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ *Etiopi tə́.

ESTER 1:1 Referans Kwoze

DANIEL 9:1

Əndān̄ Darius kə́ ngōn̄ Jerses kə́ gír kaa yā Medə gə̄ tə́ mban̄g dɔ ɓē kə́ Babilon tə́.

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

DANIEL 6:1

Darius ń ni i Medə ní o̰o̰ ɓē ō. Dan ń ənge ta róbə ko̰o̰ ɓē ní ɓālə̄n i kutə mehḛ́ gidə i jōó.

ESTER 9:30

Makətūbə̄ kə́ gō gogə́ laā ní əlan̄neé adə̄n̄ i Jipə gə̄ malang kə́ gō nang kə́ ɓú kə kutə jōó kə kalən kə́ sīrí yā mban̄g Jerses ní tə́. Najə̄ gə̄ ń ndangən̄ kemeé ní i najə̄ lápə́ya ō, ndi kanjə̄ sōl̄ yá̰á̰ kógə̄ḿ ō.

ESDRAS 4:6

Ɓāl̄ gə̄ ń Jerses əlań gír ko̰o̰ ɓē ngɔr ɓáý tə́ ní madə̄ ba̰ā̰ Jipə gə̄ ndangən̄ makətūbə̄ adə̄nən̄ sekə́n̄neé Juda gə̄ ō, de kə́ Jerusalem gə̄ ō.

IJAI 37:9

Banī mban̄g kə́ Asiri oō kadə̄ Tiraka mban̄g kə́ Kus na a reē na i kə̄ kənīn rɔ̄ɔ̄ tə́. Dan ń Senakerib oō najə̄ ń noō ní, ni-əla de gə̄ ɓáý to̰ rɔ̄ Ejekias,

IJAI 18:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē yā too bo gə̄ kə́ kūbə̄ yādə́ gə̄ i jōó jōó tə́, adə̄ i tām̄ yā ɓē ń to kə gō kadə bā gə̄ kə́ Etiopi ní!

ESTER 2:3

Ādə̄ mban̄g tə́ndā de gə̄ kem ɓē gə̄ kə́ gō nang yān tə́ malang, kadə̄ ɔyn̄ ngámandə kə́ ger̄ dəngam aĺ ɓáý gə̄ kə́ majən̄ ka̰ā̰ ngá̰ý gə̄ reēn̄ sedə́ kem kújə yā dəyá̰ gə̄ tə́ kem ɓē bo kə́ Sujə tə́. Ādə̄ Hege ń i áji mbang yā mban̄g kə́ nge ngɔ̄m̄ dəyá̰ gə̄ ní ndi dɔdə́ tə́ ō. Ādə̄ adə̄n̄də́ yibə̄ gə̄ kə́ a ndumən̄ anī rɔ̄də́ ndélē ō.

ESTER 10:1

Mban̄g Jerses gān̄g lambóo dɔ de gə̄ ń ndin̄ dɔ nang kə́ laa ngá̰ý tə́ ní ō, de gə̄ ń ndin̄ dɔ dor̄ loo gə̄ kə́ kum bā bo tə́ ní ō.

DANIEL 11:2

Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.