ESDRAS 9:9 - Bibəl ta Sar̄

⁹ Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

Bible sar

⁹ Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ *Juda tə́ ō.

ESDRAS 9:9 Referans Kwoze

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

Makətūbə̄ yā Aje 1:9

Sḭḭ̄ ī-ngóōī kadə̄ ndɔr̄ yāsí gə̄ teēn̄ kōō ngá̰ý, banī ə́jaī kōō i sḛ́ý beē. Yá̰á̰ ń ə́ngeī á āwīneé ɓēé ní, m̄-tóo kɔ̄ɔ́, adə̄ yá̰á̰ ní gətóo kɔ̄ɔ́ malang. I tām̄ rí tə́? Kɔ́ɔ̄ɓē kə́ bo kə́ tɔ́gən i ngá̰ý dəjesí najə̄ ń noō. I tām̄ kújə́ kə́ bo yāḿ kə́ i kɔkərɔ gə̄ kə́ ra dɔ naā tə́ bing, dan ń sḭḭ̄ kógə̄ḿ kógə̄ḿ ə̄ndāī kumsí gíŕ kújə yāsí gə̄ tə́ ī-rāāī ādī majə ní.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

EJEKIEL 11:16

I beé ní, ngé gə̄ ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ naā tə́ seí ní, ā ə́dádə́ na: Najə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní n toó: M-ə́la sesí sa̰y, kə̄ loo gə̄ tə́ malang dan nápar de gə̄ tə́ ɓá tā, ba mā i dansí tə́ tītə̄ ń m̄-ndiń kem loo kə́ táĺ tə́ tə́.

IJAI 5:5

I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

IJAI 5:2

Ni ndɔr̄ dɔ nang ní ō, ró̰ȳ kɔkərɔ gə̄ kə́ tū tə́ kɔ̄ɔ́ ō, ba əhɔ kāgə̄ nduú kə́ majə gə̄ kem ndɔr̄ yān ní tə́. Ni-rāā kújə ngɔm̄ kə́ ngāl̄ kə̄ dɔɔ́ yā ngɔ̄məń ndɔr̄ ní ō, ndēr̄ loo kə́ yā mbə́rē kan̄ nduú tū tə́ ō. Ni-əndā kemən dɔ kənge kan̄ nduú kə́ majə tə́ kem ndɔr̄ kāgə̄ nduú yān ní tə́, banī kanə̄n ń ni-ənge ní, i kə́ masə̄.

ESDRAS 7:8

Esdras reē sedə́ ō. Nin̄ reē ugə̄n̄ i kem nāā kə́ nge ko̰ mí tə́.

ESDRAS 9:10

Ba ngɔlaā ní Nə́ɓā yājí, kə j-əda na i rí gō yá̰á̰ ń rāā yá̰á̰ tə́ ní? Tɔdɔ̄ ḭ̄ ī-tāājí kété ə́da na: Ɓē ń ā āwī kə̄ tū tə́ yā taā ní i ɓē kə́ yḛr, tɔdɔ̄ gír de gə̄ ń ndin̄ kemeé ní i gír de kə́ yḛr gə̄, adə̄ yá̰a̰ rāādə́ kə́ yḛr gə̄ taā kem ɓē ní əla gír bɔ̄gə̄ ɓē kə́rēý tə́ bátə́ bɔ̄gə̄n kə́ rang tə́.

PĀ GƏ̄ 109:12

Ādə̄ deē rāā kem majə seneé aĺ ō, ādə̄ deē a̰a̰ kum tō ndoō yā ngánən gə̄ ń aw̄n̄ hal gotən tə́ ní aĺ ō!

PĀ GƏ̄ 138:7

Ré mā i dan wur kɔl tə́ anī, ī-rāā ādə̄ m̄-ndi kə kumḿ gogə́. Ī-ɓir̄ jīí ə́ndań kó̰ń ngé rɔ̄ɔ̄ḿ gə̄ ō, jī ko̰í rāā adə̄ m̄-tetə rɔ̄ɔ̄ ō.

IJAI 14:3

Israel, ndɔ̄ kógə̄ḿ tə́ anī, Kɔ́ɔ̄ɓē a adī kadə̄ ɔ̄r̄ koō gō ka̰a̰ tápə̄ yāí tə́, gō yá̰a̰ gə̄ ń nā̰ā̰īn̄ tə́ ní ō, gō kəhɔń əhɔīn̄ ɓəlo kə́ ngan̄g adə̄ ī-ger̄ tə́ ní ō.

ESDRAS 2:68

Dan ń reē ugə̄n̄ Jerusalem ń i ɓē ń kújə yā Kɔ́ɔ̄ɓē i tū tə́ ní anī, ngār kə́rēý gə̄ kə́ dɔ gír kojə kə́rēý gə̄ tə́ adə̄n̄ kadə̄ karī nin̄ kɔ́ gə̄ adə̄n kə gō kem ndigə yādə́ tām̄ yā kújə yā Nə́ɓā tə́, kadə̄ tél rāān̄neé kújə yā Nə́ɓā gogə́ rang kə́ kété ní.

NEHEMI 2:17

Tā anī m-ə́dádə́ na: Á̰a̰ī yá̰á̰ kə́ to kum kaȳ aĺ ń jə-ndiīneé toō: Jerusalem i kə́ nujə sák sák kɔ̄ɔ́, bápə́ kə́ ta tə́ gə̄ i kə́ hor o̰o̰ kɔ̄ɔ́! J-aw̄ jə-rāāī ndogə̄ mbal̄ kə́ Jerusalem jə-tɔ̄līneé ta rɔ̄sɔl̄ ń toō kɔ̄ɔ́.

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

IJAI 61:4

Ndogə̄ mbal̄ kə́ kété gə̄ kə́ tétə̄n̄ nang tə́ kɔ̄ɔ́ ní, nin̄ a télən̄ yā kundə́ dɔɔ́ gogə́. Kújə́ kə́ tétə̄ nang tə́ jóó ngá̰ý gə̄ ní, nin̄ a télən̄ yā rāādə́ gogə́.