ESDRAS 9:8 - Bibəl ta Sar̄

⁸ Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

Bible sar

⁸ Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ *táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

ESDRAS 9:8 Referans Kwoze

PĀ GƏ̄ 13:3

Kə m̄-ndi kə sōlōó ō, kə wurəḿ ɔləm̄ kə ndɔ̄ gə̄ ō i yā tɔ̄l̄ ta rá? Madə̄ ba̰ā̰ḿ a ndi dɔḿ tə́ i kə̄ non tə́ a?

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

PĀ GƏ̄ 85:6

Ā ī-rāā wōn̄g sejí i kə̄ noí tə́ a? Ā ī-rāā wōn̄g kə gír kaají kə taá malang kə dɔ ɓāl̄ gə̄ kə dɔ ɓāl̄ gə̄ a?

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

JAKARI 10:4

Ngār kə́ tayā tayā gə̄ a ḭḭn̄ Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

JAKARI 8:6

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: Tām̄ yā ngán Israel gə̄ ń teēn̄ ta yo tə́ ní, a to i tītə̄ yá̰á̰ kə́ deē asə rāā aĺ beē. Banī mā ń i Kɔ́ɔ̄ɓē kə́ bo kə́ tɔ́gən i ngá̰ý ní, kə m-á̰ā̰ tītə̄ kə́ i yá̰á̰ kə́ deē asə rāā aĺ beē a?

EJEKIEL 14:22

Ɓá tā ba de kə́rēý gə̄, adə̄ i dəngam gə̄ ō, dəyá̰ gə̄ ō a teēn̄ ta yo tə́. Nin̄ a teēn̄ kɔ̄ɔ́ Jerusalem ba a aw̄n̄ gōsí tə́ dɔ gúú tə́ yā kaw̄ kəngesí dɔ ɓē kə́ rang tə́. Dan ń ā á̰a̰ī háĺdə́ ō, yá̰a̰ rāādə́ gə̄ ō anī, kemsí a sɔl̄ najə̄ yá̰á̰ kə́ to kum kaȳ aĺ kə́ bo ngá̰ý gə̄ ń m-ādə̄ rāā ɓē ní.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

KOHELET 12:11

Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

PĀ GƏ̄ 138:7

Ré mā i dan wur kɔl tə́ anī, ī-rāā ādə̄ m̄-ndi kə kumḿ gogə́. Ī-ɓir̄ jīí ə́ndań kó̰ń ngé rɔ̄ɔ̄ḿ gə̄ ō, jī ko̰í rāā adə̄ m̄-tetə rɔ̄ɔ̄ ō.

PĀ GƏ̄ 34:5

M-ə́dá Kɔ́ɔ̄ɓē najə̄ anī ni tūrə̄m̄ tə́. Ni ɔrə̄m̄ kem yá̰á̰ kə́ to ka̰ȳ ndíl gə̄ tə́ kɔ̄ɔ́ malang.

Makətūbə̄ yā Job 33:30

yā teēń seneé kɔ̄ɔ́ bāá yo tə́, yā rāań kadə̄ loo kə́ unjə̄ kow yā ngé ndi kə kumdə́ gə̄ unjə̄ń dɔ deē tə́.

NEHEMI 9:31

Banī kumií o̰o̰ī ngá̰ý, adə̄ ə́ya̰də́ ādə̄ nujən̄ sedə́ kɔ̄ɔ́ malang aĺ ō, ə́yá̰də́ kɔ̄ɔ́ aĺ ō. Tɔdɔ̄ ḭ̄ i Nə́ɓā kə́ nge kem majə ō, kə́ kumií a o̰o̰ī adə̄ ā ī-mā̰ȳ rɔ̄í ō.

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

2 MBAN̄G 19:4

Majanī Kɔ́ɔ̄ɓē Nə́ɓā yāí a oō najə̄ gə̄ malang ń mban̄g kə́ Asiri əla ngol ngé kadə̄ yá̰a̰ ka̰ȳ gə̄ adə̄ tájəń Nə́ɓā kə́ ndi kə kumneé ní ō, majanī a əndan tām̄ najə̄ kɔrə̄n tə́ ō! Ba ḭ̄ ī-ndɔ̄ȳn tām̄ yā gotə deē yān gə̄ ń na̰yn̄ tə́ ní.

1 SAMUEL 14:29

Jonatan əda na: Bɔbə́ḿ reē i kə yá̰á̰ kə́ to rɔ̄ tō ndoó dɔ ɓē tə́. Tām̄ sḭḭ̄ kɔ́ gə̄ á̰a̰ī kadə̄ dan ń m-ɔ́də yibə̄ tejə ń toō taḿ tə́ sḛ́ý ní kumḿ a̰a̰ loo já̰já̰.

1 SAMUEL 14:27

Ba Jonatan ger̄ kadə̄ bɔbə̄n əndā gúu dɔ de gə̄ tə́ kadə̄ túbən̄ alé. Adə̄ ni-əla ta kāgə̄ ń jīn tə́ ní ɔdəń yibə̄ tejə aw̄ń tan tə́. Loo ń noō tə́ kumən a̰a̰ loo ráráńg.

Gōsə̄ najə̄ gə̄ 29:13

Nge rɔ̄ tō ndoō ō, nge rāā kum de gə̄ ndoō tə́ ō əngen̄ naā: I Kɔ́ɔ̄ɓē n i nge rāā kadə̄ kumdə́ nin̄ jōó mbak a̰a̰ loo ní.

IJAI 14:3

Israel, ndɔ̄ kógə̄ḿ tə́ anī, Kɔ́ɔ̄ɓē a adī kadə̄ ɔ̄r̄ koō gō ka̰a̰ tápə̄ yāí tə́, gō yá̰a̰ gə̄ ń nā̰ā̰īn̄ tə́ ní ō, gō kəhɔń əhɔīn̄ ɓəlo kə́ ngan̄g adə̄ ī-ger̄ tə́ ní ō.

PĀ GƏ̄ 13:4

Kɔ́ɔ̄ɓē Nə́ɓā yāḿ, ī-mbel á̰a̰m̄ ba ī-tūrə̄m̄ najə̄ tə́. Ādə̄ kumḿ teē yḛr sḛ́ý, na sōgə́ m̄-ɓīī ɓīī kə́ kanjə̄ ndól̄,

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.