ESDRAS 9:6 - Bibəl ta Sar̄

⁶ ba m-ə́dan na: Nə́ɓā yāḿ, rɔ̄ḿ sɔlə̄m̄ ngá̰ý ō, yá̰a̰ əla jīḿ mbāḿ tə́ ō, adə̄ m-ásə kɔr̄ dɔḿ dɔɔ́ ka̰a̰ń loo kum kə̄ rɔ̄í tə́ alé. Tɔdɔ̄ yá̰á̰ kə́ gōtə́ aĺ gə̄ ń jə-rāā ní i ngá̰ý al̄ naā adə̄ tɔȳ dɔjí ō, majaĺ yājí aw̄ bátə́ ugə̄ dɔ rā̰ tə́ ō.

Bible sar

⁶ ba m-ə́dan na: Nə́ɓā yāḿ, rɔ̄ḿ sɔlə̄m̄ ngá̰ý ō, yá̰a̰ əla jīḿ mbāḿ tə́ ō, adə̄ m-ásə kɔr̄ dɔḿ dɔɔ́ ka̰a̰ń loo kum kə̄ rɔ̄í tə́ alé. Tɔdɔ̄ yá̰á̰ kə́ gōtə́ aĺ gə̄ ń jə-rāā ní i ngá̰ý al̄ naā adə̄ tɔȳ dɔjí ō, majaĺ yājí aw̄ bátə́ ugə̄ dɔ rā̰ tə́ ō.

ESDRAS 9:6 Referans Kwoze

JEJU TEĒ KUM JA̰A̰ 18:5

Tɔdɔ̄ yá̰a̰ rāān kə́ majaĺ gə̄ ugə̄ dɔ rā̰ tə́ ō, əga kem Nə́ɓā dɔ yá̰a̰ rāān kə́ gōtə́ aĺ gə̄ tə́ ō.

PĀ GƏ̄ 38:4

Rɔ̄ḿ i do malang sɔɔ̄ń wōn̄g yāí. Kem kə̄ngāḿ i lápə́ya alé sɔɔ̄ń majaĺ yāḿ.

2 YÁ̰A̰ GƏ̄ 28:9

Nge koō ta yā Kɔ́ɔ̄ɓē kógə̄ḿ ndi Samari noó, rīn na i Oded. Ni teē tə́nī ta ngé rɔ̄ɔ̄ kə́ Israel tə́ gə̄ ń tél a reēn̄ kə̄ ɓēé ní ba ədadə́ na: Wōn̄g rāā Kɔ́ɔ̄ɓē Nə́ɓā yā kaasí gə̄ kə Juda gēé adə̄ əladə́ kem jīsí tə́. Banī wōn̄g ń rāāsí á ī-tɔ̄līineé de kə́rēý gə̄ dandə́ tə́ ní to ɓōĺ ngá̰ý adə̄ aw̄ bátə́ ugə̄ dɔ rā̰ tə́.

Najə̄ kə́ Majə yā Jeju ń Luk ndang ní 15:21

Loo ń noō tə́ ngōn̄ ní əda bɔbə̄n na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō. Adə̄ m̄-ndetə kadə̄ ā ī-ɓārə́m̄ ngōn̄ kemií to̰ alé.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

ESDRAS 9:15

Kɔ́ɔ̄ɓē, Nə́ɓā yā Israel, ḭ̄ i de kə́ sew, tɔdɔ̄ ɓōólaā jḭḭ i gotə de gə̄ kə́ teēn̄ ta yo tə́ gə̄. Jḭḭ ní n jə-ra ta kumií tə́ kə majaĺ yājí gēé toō. Tá ré i kə gō gēé ɓáa deē asə ra ta kumií tə́ kə majaĺ gēé dɔn tə́ alé.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

IJAI 59:12

A̰á̰ā̰, Kɔ́ɔ̄ɓē, jə-mbātə́ taí ngándáńg. Majaĺ yājí gə̄ sekə́n̄jí. Jə-gír̄ dɔ kəsō wōn̄g yājí gə̄ tə́ kanjə̄ dəba, yá̰a̰ rāājí kə́ gōtə́ aĺ gə̄ ní jə-ger̄ majə.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

Makətūbə̄ yā Job 40:4

Mā i yá̰á̰ kógə̄ḿ alé. I rí n kə m̄-tūr̄ kə m-ə́daī ní? M-ə̄ndā jīḿ taḿ tə́ kɔ̄ɔ́.

ESDRAS 9:13

Nə́ɓā yājí, yá̰á̰ kə́ tōr̄ gə̄ malang ń rāān̄jí ní, sɔɔ̄ń i kəla rāājí kə́ gōtə́ aĺ gə̄ ō, majaĺ yājí kə́ bo ngá̰ý ō, ɓá tā, ba ḭ̄ ə̄ndā njaí dɔ yá̰á̰ kə́ gōtə́ aĺ yājí kə́rēý gə̄ tə́. Adə̄ ndéý ń ə́ndájí ní asə g ō ndéý ń kadə̄ j-ənge tām̄ majaĺ yājí tə́ ní aĺ ō, ḭ̄ ī-ngɔ̄m̄jí jḭḭ núsə de kə́rēý gə̄ ń jə-teē ta yo tə́ ní adə̄ jḭḭ n toó ō.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

1 MBAN̄G GƏ̄ 8:47

ré ndin̄ kə̄ ɓē ɓəlo tə́ noō gírə̄n̄ yá̰a̰ ba ndə̄ngān̄ rɔ̄də́ ō, rāāīn̄ ɓɔ́ dɔ nang yā madə̄ ba̰ā̰də́ gə̄ tə́ ō, ədaīn̄ na nin̄ na i ngé rāā majaĺ gə̄, na n-rāān̄ yá̰a̰ gōtə́ alé, na najə̄ na i dɔdə́ tə́,

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

Teē Ngán Israel gə̄ 32:31

Adə̄ Moijə tél aw̄ gogə́ rɔ̄ Kɔ́ɔ̄ɓē tə́ ədan na kə́ rɔ̄kum gə̄ tə́ gír de gə̄ ń noō na rāān̄ majaĺ kə́ bo ngá̰ý, na rāān̄ nə́ɓā kə́ kə lɔ́rɔ́ tām̄ yādə́ tə́.

LEBI GƏ̄ 26:40

A ɔrə̄n̄ gír majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō. A ədan̄ na n rāān yá̰á̰ kə́ gōtə́ aĺ ngá̰ý gə̄ seḿ ō, na n mbātə́n̄ najə̄ taḿ tə́ ō,

NEHEMI 1:6

Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

PĀ GƏ̄ 38:5

Tɔdɔ̄ yá̰á̰ kə́ gōtə́ aĺ yāḿ gə̄ alə̄n̄ dɔḿ ngá̰ý. Ɔȳmə̄n̄ tītə̄ yá̰a̰ kətō kə́ ɔȳ ngá̰ý al̄ naā beé.

NŌŌ RƆ̄ 3:42

Jḭḭ̄ i ngé mbātə́ najə̄ gə̄ ō, ngé dɔ ngan̄g gə̄ ō, adə̄ ḭ̄ ī-mā̰ȳ rɔ̄í dɔjí tə́ alé.