ESDRAS 9:5 - Bibəl ta Sar̄

⁵ Dan ń mbang ndējə̄ yá̰á̰ kə́ loo tíbí asə anī m-lōō gír rāā rɔ̄ḿ ndoō tə́, ba m-ḭ́ḭ kə kūbə̄ kə́ rə̄yā̰ gēé rɔ̄ḿ tə́ m̄-tétə̄ kejəḿ, nang tə́ ō, m-ɔ́y jīḿ kə̄ dɔɔ́ kum kə̄ rɔ̄ Kɔ́ɔ̄ɓē Nə́ɓā yāḿ tə́ ō,

Bible sar

⁵ Dan ń mbang ndējə̄ yá̰á̰ kə́ loo tíbí asə anī m-lōō gír rāā rɔ̄ḿ ndoō tə́, ba m-ḭ́ḭ kə kūbə̄ kə́ *rə̄yā̰ gēé rɔ̄ḿ tə́ m̄-tétə̄ kejəḿ, nang tə́ ō, m-ɔ́y jīḿ kə̄ dɔɔ́ kum kə̄ rɔ̄ Kɔ́ɔ̄ɓē Nə́ɓā yāḿ tə́ ō,

ESDRAS 9:5 Referans Kwoze

1 MBAN̄G GƏ̄ 8:54

Salomo̰ tetə i kejən nang tə́ ta loo tun̄ yá̰á̰ tə́ ō, ɔy jīn i kə̄ dɔɔ́ ō n a ndɔ̄yń Kɔ́ɔ̄ɓē ō, a rāān̄neé ɓɔ́ ō ní. Dan ń ni ndɔ̄ȳ Kɔ́ɔ̄ɓē oy anī, ɔsə nang ḭḭ dɔɔ́

1 MBAN̄G GƏ̄ 8:38

ré kem ngán Israel gə̄ ń i gír deē yāí gə̄ ní rāādə́ sarya dɔ yá̰á̰ ń rāā yá̰á̰ tə́ ní, ba rāāīn̄ ɓɔ́ ō, tūrə̄n̄ kumdə́ sɔɔ̄ kújə́ ń toō ō, ɔyn̄ jīdə́ kə̄ dɔɔ́ ndɔ̄ȳīn̄neé ō anī,

1 MBAN̄G GƏ̄ 8:22

Gō tə́ anī Salomo̰ aw̄ ra ta loo tun̄ yá̰a̰ yā Kɔ́ɔ̄ɓē tə́, ta kum ngán Israel gə̄ malang ń kánə̄n̄ naā tə́ ní, ɔy jīn kə̄ dɔɔ́

Teē Ngán Israel gə̄ 9:33

Moijə teē gō Parao̰ tə́ kɔ̄ɔ́ ba aw̄ gidə ɓē tə́. Aw̄ ɔy jīn kə̄ dɔɔ́ ndɔ̄yń Kɔ́ɔ̄ɓē. Anī kɔ̄sə̄ tə́sō to̰ aĺ ō, man̄ ndán̄g to̰ aĺ ō, edə to̰ aĺ ō.

Teē Ngán Israel gə̄ 9:29

Moijə tél ədan na: Dan ń m-ā m̄-teē gidə ɓē tə́ anī, m-ā m-ɔ́y jīḿ kə̄ dɔɔ́ yā ndɔ̄yń Kɔ́ɔ̄ɓē. Man̄ a ndang to̰ aĺ ō, kɔ̄sə̄ a tə́sō to̰ aĺ ō, kadə̄ ī-gerə̄ń na dɔ nang i yā Kɔ́ɔ̄ɓē.

EPEJƏ 3:14

I tām̄ najə̄ ń toō tə́ n m-ɔ́sə kejəḿ nang tə́ kə̄ no Nə́ɓā ń

PĀ GƏ̄ 143:6

M-ə́la jīḿ kə̄ rɔ̄í tə́ m̄-rāāīneé ɓɔ̄ɔ̄. Mā m̄-rā noí tə́ tītə̄ dɔ nang kə́ tutə kákə́rá kákə́rá beē.

PĀ GƏ̄ 141:2

Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́ tītə̄ sa hor kajaja beé ō, ādə̄ jīḿ ń m-ɔ́y kə̄ dɔɔ́ ní i tītə̄ yá̰a̰ ndējə̄ kə́ loo sɔlí beé ō.

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.

2 YÁ̰A̰ GƏ̄ 6:13

Kété ní Salomo̰ adə̄ rāān̄ yá̰á̰ kə́ yā kadə̄ deē ra dɔ tə́ kə gində̄ nə̄ngá kasaá əndān̄ ndágə looó danaá bang. Yá̰á̰ ní ngālən i kíl deē mí ō, laan i kíl deē mí ō, ngālən kə́ kə̄ dɔɔ́ i kíl deē mətá ō. Salomo̰ al̄ dɔ tə́ ba tétə̄ kejən nang tə́ ta kum ngán Israel gə̄ malang ń kánə̄n̄ naā tə́ ní. Ni ɔy jīn kə̄ dɔɔ́ ndɔ̄yń Nə́ɓā,

KƏLA RĀĀ 21:5

Ba dan ń ndɔ̄jí təgā á j-əsō róbó yā kaw̄ anī, nin̄ malang kə nə̄yá̰də́ gə̄ kə ngáńdə́ gə̄ əndān̄jí róbó bátə́ ugə̄n̄ sejí gidə ɓē tə́. J-ɔsə kejəjí nang tə́ ta bā bo tə́ ba jə-ndɔ̄ȳ Nə́ɓā kə̄ loo ń noō tə́.

Najə̄ kə́ Majə yā Jeju ń Luk ndang ní 22:41

Gō tə́ anī, ndɔ́tə̄ rɔ̄də́ tə́ kɔ̄ɔ́ kə̄ sa̰y sḛ́ý, adə̄ dɔ dáńdə́ asə kadə̄ deē ənī kɔkərɔ anī əsō tū tə́, ba tétə̄ kejən nang tə́ a ndɔ̄ȳ əda na:

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

DANIEL 10:2

Dan ngeé ń noō tə́ ní Daniel m-ə́hɔ ndoō dəmásə mətá,

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́