ESDRAS 9:14 - Bibəl ta Sar̄

¹⁴ Ní loo kadə̄ jə-tél jə-mbātə́ najə̄ taí tə́ gogə́ ɓáý kadə̄ taā naā ton̄ dɔ dáńjí tə́ ɓáý kə de kə́ ngé rāā yá̰á̰ kə́ yḛr gə̄ ń noō i ba̰ý? Wōn̄g a rāāī sejí ngá̰ý adə̄ ā ī-nujə sejí kɔ̄ɔ́ malang kanjə̄ kəya̰ deē kógə̄ḿ aĺ a?

Bible sar

¹⁴ Ní loo kadə̄ jə-tél jə-mbātə́ najə̄ taí tə́ gogə́ ɓáý kadə̄ taā naā ton̄ dɔ dáńjí tə́ ɓáý kə de kə́ ngé rāā yá̰á̰ kə́ yḛr gə̄ ń noō i ba̰ý? Wōn̄g a rāāī sejí ngá̰ý adə̄ ā ī-nujə sejí kɔ̄ɔ́ malang kanjə̄ kəya̰ deē kógə̄ḿ aĺ a?

ESDRAS 9:14 Referans Kwoze

NDŪ NAJƏ̄ 9:8

Sḭḭ̄ ī-rāāī Kɔ́ɔ̄ɓē adə̄ wōn̄g rāān ngá̰ý sesí mbal̄ kə́ Horeb tə́, adə̄ ni gḛy nujə sesí kɔ̄ɔ́ malang.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.

NDŪ NAJƏ̄ 9:14

Ə́ya̰m̄ ādə̄ m̄-nujə sedə́ kɔ̄ɔ́ malang. M-ā m̄-rāā kadə̄ dɔ de gə̄ ndígə̄nal dɔ rīdə́ tə́ kɔ̄ɔ́ dɔ nang tə́. Ba m-ā m̄-rāāī ḭ̄ kadə̄ ī-téĺ nápar de gə̄ kə́ tɔ́gə́də́ ō, kutədə́ ō i ngá̰ý tɔȳ yādə́.

Makətūbə̄ ń Pol ndang adə̄ Rom gə̄ ní 6:1

Kumən na i rí? I kadə̄ kə jə-ndiī dan rāā majaĺ tə́ yā kadə̄ rajə yā Nə́ɓā taāń loo a?

JA̰A̰ 5:14

Gō tə́ anī Jeju tél əngen kem kújə yā Kɔ́ɔ̄ɓē tə́, ba ədan na: Rɔ̄í ngáā kɔ̄ɔ́ tā, ba ī-lōō rāā yá̰á̰ kə́ majaĺ to̰, na sōgə́ yá̰á̰ kə́ tōr̄ ngá̰ý tɔȳ nge ń noō rāāī ɓáý to̰.

NGÉ SARYA 2:2

sḭḭ̄ ā ə́hɔī madə̄ naā kə de gə̄ kə́ dɔ nang ń toō tə́ aĺ ō, ā ī-nujiī loo tun̄ yá̰a̰ yādə́ gə̄ kɔ̄ɔ́ ō. Banī sḭḭ̄ ōōī taḿ alé, ní i rī n rāāī noó?

TƏ́DA 16:21

Ɔ́tiī kɔ̄ɔ́ rɔ̄ de gə̄ ń noō tə́, tɔdɔ̄ m-ā m̄-róōdə́ i gidə kógə̄ḿ.

Teē Ngán Israel gə̄ 32:10

Ní kə əya̰n kadə̄ wōn̄g yān kə rāān dɔdə́ tə́, na n-a n-nujədə́ kɔ̄ɔ́ malang ba n-a n-rāā kadə̄ Moijə tél gír de kə́ ngá̰ý gə̄.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

ESDRAS 9:8

Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

Teē Ngán Israel gə̄ 23:32

ā ə́hɔī madə̄ naā sedə́ aĺ ō, ā ə́hɔī madə̄ naā kə ɓesə̄ yādə́ gēé aĺ ō.

ESDRAS 10:10

Esdras nge tun̄ yá̰a̰ ḭḭ dɔɔ́ ba ədadə́ na: Sḭḭ̄ ī-rāāī yá̰a̰ gōtə́ aĺ bátə́ ō, dəyá̰ tə̄rā gə̄ ń ī-táaī ní rāān̄ adə̄ majaĺ yā Israel i ngá̰ý tɔȳ kə́ kété gə̄ ō.

NEHEMI 13:18

Kaasí gə̄ rāān̄ i tītə̄ ń noō ō aĺ a? I tām̄ najə̄ ń noō tə́ n Nə́ɓā yājí rāā adə̄ yá̰á̰ kə́ to kum kaȳ aĺ gə̄ malang ń toō reēn̄neé dɔjí tə́ ō, dɔ ɓē ń toō tə́ ō ní. Ba sḭḭ̄, ndɔ̄ sabat ń ī-rāāī i ndɔ̄ kə́ karī tə́ ní, ī-rāāī i kadə̄ wōn̄g tél rāā Nə́ɓā kə ngán Israel gēé gogə́ ɓáý to̰!

JEREMI 44:9

Dɔsí ndígə̄nal yá̰á̰ kə́ majaĺ gə̄ ń kó̰ó̰sí gə̄ ō, mban̄g kə́ Juda tə́ gə̄ ō, nə̄yá̰də́ gə̄ ō, sḭḭ̄ kɔ́ gə̄ ō, nə̄yá̰sí gə̄ ō, ī-rāāī kem ɓē kə́ Juda tə́ ō, dɔ kə̄lá róbə gə̄ kə́ Jerusalem tə́ ní ō kɔ̄ɔ́ a?