ESDRAS 9:1 - Bibəl ta Sar̄

¹ Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō Amor gə̄ ō.

Bible sar

¹ Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán *Israel gə̄ ō, *ngé tun̄ yá̰a̰ gə̄ ō, *ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō *Amor gə̄ ō.

ESDRAS 9:1 Referans Kwoze

NEHEMI 9:2

Nin̄ ɔrə̄n̄ rɔ̄də́ kɔ̄ɔ́ rɔ̄ tə̄rā gə̄ tə́ ba ndin̄ kə kérdə́ ō, ɔrə̄n̄ gír majaĺ yādə́ gə̄ ō, gíŕ yá̰á̰ kə́ gōtə́ aĺ gə̄ ń kaadə́ gə̄ rāān̄ ní ō.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

JEREMI 26:16

De kə́ bo gə̄ ō, de gə̄ malang kə́ kem ɓēé ō ədan̄ ngé tun̄ yá̰a̰ gə̄ ō, ngé koō ta gə̄ ō na: J-adī deē ń toō oy alé, tɔdɔ̄ ni-ɔr̄ najə̄ sejí i kə rī Kɔ́ɔ̄ɓē Nə́ɓā yājí.

JEREMI 26:10

Dan ń de kə́ bo kə́ Juda tə́ gə̄ oōn̄ kōō yá̰á̰ gə̄ ń noō ní anī, nin̄ ḭḭn̄ kem kújə yā mban̄g tə́ aw̄ ndin̄ ta róbə́ kújə kə́ kijə yā Kɔ́ɔ̄ɓē tə́.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

PĀ GƏ̄ 106:35

Tə́lan̄ rɔ̄də́ dan ngé rāā ɓesə̄ gə̄ tə́, ndóōn̄ yá̰a̰ rāādə́ gə̄.

NEHEMI 4:3

Tā anī jə-ndɔ̄ȳ Nə́ɓā yājí ba j-əndā de gə̄ kadə̄ ngɔ̄mə̄n̄ loo kadaá ō ndɔ̄ɔ́ ō najə̄ yādə́ tə́.

ESDRAS 10:8

Deē ń ngār gə̄ ō, de kə́ bo gə̄ ō, a adə̄nən̄ ndɔ̄ mətá yā reēń tá reē aĺ ní, a ɔyn̄ yá̰a̰ kənge yān gə̄ malang ō, a ɔr̄nən̄ kɔ̄ɔ́ dan ngé kán̄ naā gə̄ tə́ ō.

2 YÁ̰A̰ GƏ̄ 33:2

Ni rāā yá̰á̰ kə́ nel̄ Kɔ́ɔ̄ɓē alé, tɔdɔ̄ ndájə̄ yá̰a̰ kə́ to yḛr kum gə̄ malang yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ kem ɓēé ba əya̰ń loo adə̄ ngán Israel gə̄ ní.

1 MBAN̄G GƏ̄ 11:1

Mban̄g Salomo̰ ń taā ngōn̄ mban̄g kə́ Ejiptə ní, táā dəyá̰ tə̄rā, aké rang gə̄ i ngá̰ý ɓáý to̰. Ni-taā dəyá̰ Moab gə̄ ō, Amon gə̄ ō, Edom gə̄ ō, Sidon gə̄ ō, Het gə̄ ō.

NDŪ NAJƏ̄ 18:9

Ré ūgə̄ dɔ nang ń Kɔ́ɔ̄ɓē Nə́ɓā yāí adī tə́ ní anī, ā ī-ndájə̄ yá̰a̰ rāā kə́ to yḛr kum gə̄ yā nápar de gə̄ ń ndin̄ tū tə́ ní alé.

TƏ́DA 23:9

Ré m̄-ra ta tél mbal̄ gə̄ tə́ ba m-á̰a̰ dɔdə́ anī, ré m̄-ra dɔ ngán mbal̄ gə̄ tə́ dɔɔ́ ba m-ə̄ndā ma̰ȳdə́ anī, m-á̰a̰ i gír de gə̄ kə́ ndin̄ tayā ba əlan̄ rɔ̄də́ dan nápar de kə́ rang gə̄ tə́ alé.

LEBI GƏ̄ 18:3

Ī-ndájí yá̰a̰ rāā de gə̄ kə́ dɔ nang tə́ Ejiptə tə́ ń ī-ndiī tū tə́ ní aĺ ō, yá̰a̰ rāā de gə̄ kə́ dɔ nang kə́ Kanaan ń m-ā m-āw̄ sesí kə́ tū tə́ ní aĺ ō. Úniī gō ndū najə̄ yādə́ alé.

Teē Ngán Israel gə̄ 23:23

Ré deē yāḿ kə́ dɔ rā̰ tə́ ɔr nosí aw̄ sesí ɓē yā Amor gə̄ tə́ ō, Het gə̄ tə́ ō, Periji gə̄ tə́ ō, Kanaan gə̄ tə́ ō, Hibi gə̄ tə́ ō, Yebus gə̄ tə́ ō, adə̄ m̄-nujədə́ malang kɔ̄ɔ́ anī,

Teē Ngán Israel gə̄ 13:5

Loo ń Kɔ́ɔ̄ɓē aw̄ sesí adə̄ ūgī dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Hibi gə̄ tə́ ō, Yebus gə̄ tə́ ō anī, ā ī-rāāī nāā yā kadə̄ əgań kemsí dɔ yá̰á̰ ń rāā yá̰a̰ kem nāā ń toō tə́ ní kə dɔ ɓāl̄ gə̄. Dɔ nang ní i dɔ nang ń ni-ənī míndən dɔ tə́ adə̄ kaasí gə̄ yā kadə̄sí ní. I dɔ nang kə́ mba ō, yibə̄ tejə ō i ngá̰ý tū tə́.

TA KƏLA 15:16

Ngán kaaí gə̄ kə́ nge ko̰ sɔ́ a télən̄ yā reē loo ń toō tə́ laā, tām̄ majaĺ yā Amor gə̄ asə kadə̄ m̄-tə̄ɓańdə́ kɔ̄ɔ́ aĺ ɓáý, tɔdɔ̄ mān̄ dɔ loon alé.

NEHEMI 4:7

Anī m̄-tə́ndā ngé rɔ̄ɔ̄ gə̄ tū tə́ kə gō gír kaa yādə́ gēé. Yá̰a̰ rɔ̄ɔ̄ yādə́ gə̄ i kaskar ō nənga ō ga̰ gərā ō.

NEHEMI 13:23

I dan ngeé ń noō tə́ n m-á̰a̰ń Jipə gə̄ kə́ táān̄ dəyá̰ Asdod gə̄ ō Amon gə̄ ō, Moab gə̄ ō ní.

MALASI 2:11

De kə́ Juda gə̄ ran̄ dɔ míndə́də́ kə́ ənīn̄ tə́ alé. Nin̄ rāān̄ yá̰á̰ kə́ majaĺ ngá̰ý gə̄ kem ɓē kə́ Jerusalem tə́ ō, kem ɓēé kə taá malang ō. Tām̄ nin̄ kídə̄n̄ loo kə́ táĺ ń nel̄ Kɔ́ɔ̄ɓē ní. Nin̄ táān̄ dəyá̰ kə́ ngé rɔȳ nə́ɓā kə́ mbā gə̄.

TƏ́DA 25:6

Kum mbang ngeé ń noō tə́ Israel kógə̄ḿ teē tū tə́ noō kə dəyá̰ kə́ Madian reē ugə̄ń dan ngákó̰o̰n gə̄ tə́. Moijə nin̄ kə ngán Israel gə̄ ń kánə̄n̄ naā ta kújə kənge naā tə́ ba ndi a nōōn̄ ní a̰a̰n̄də́.

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

NDŪ NAJƏ̄ 23:8

Ā ī-kídə̄ Edom gə̄ alé, tɔdɔ̄ nin̄ i ngákó̰ó̰í gə̄. Ā ī-kídə̄ de kə́ Ejiptə gə̄ aĺ ō, tām̄ kété ní ḭ̄ i tə̄rā kə́ nge nam̄ dɔ nang yādə́ tə́.

JOJUE 23:12

Ré ī-tūrī gidəsí kɔ̄ɔ́ ta Kɔ́ɔ̄ɓē tə́ ba ī-ɓoī naā kə nápar de gə̄ ń ndin̄ rɔ̄sí tə́ nói ō, ī-táāī ngáńdə́ kə dəyá̰ gə̄ ō, āwī loodə́ ō, nin̄ reēn̄ loosí ō anī,

2 YÁ̰A̰ GƏ̄ 8:7

Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō ń nin̄ i Israel gə̄ aĺ ní, na̰yn̄ i ngá̰ý kem ɓēé ɓáý.

ESDRAS 10:2

Anī Sekania kə́ ngōn̄ Yehiel ń i de kə́ gír kaa yā Elam tə́ ní, əda Esdras na: Jə-rāā yá̰á̰ kə́ gōtə́ aĺ ngá̰ý kə Nə́ɓā yājí, tām̄ jə-táā dəyá̰ tə̄rā gə̄ dan de kə́ kem ɓēé gə̄ tə́. Banī kə́ ngɔr ń toō tə́ ɓáa yá̰á̰ kə́ kadə̄ Israel əndā kemən dɔ tə́ to noó: