ESDRAS 8:28 - Bibəl ta Sar̄

²⁸ Gō tə́ anī m-ə́dádə́ na: Tītə̄ ń sḭḭ̄ i de gə̄ kə́ ɔrə̄n̄ kam̄sí tām̄ yā kəla yā Kɔ́ɔ̄ɓē tə́ ní, ɔrə̄n̄ kam̄ yá̰a̰ gə̄ ń toō tām̄ yā Kɔ́ɔ̄ɓē tə́ ō. Ba gində̄ arjā̰a̰ ō lɔ́r ō ní, i yá̰á̰ kə́ ndējə̄ Kɔ́ɔ̄ɓē Nə́ɓā yā kaasí gə̄ kə gō kem ndigií.

Bible sar

²⁸ Gō tə́ anī m-ə́dádə́ na: Tītə̄ ń sḭḭ̄ i de gə̄ kə́ ɔrə̄n̄ kam̄sí tām̄ yā kəla yā Kɔ́ɔ̄ɓē tə́ ní, ɔrə̄n̄ kam̄ yá̰a̰ gə̄ ń toō tām̄ yā Kɔ́ɔ̄ɓē tə́ ō. Ba gində̄ arjā̰a̰ ō lɔ́r ō ní, i yá̰á̰ kə́ ndējə̄ Kɔ́ɔ̄ɓē Nə́ɓā yā kaasí gə̄ kə gō kem ndigií.

ESDRAS 8:28 Referans Kwoze

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

2 YÁ̰A̰ GƏ̄ 24:14

Dan ń gír kəla gān̄g anī ngol ngé rāā kəla gə̄ reēn̄ kə gotə nar ní adə̄n̄ mban̄g nin̄ kə Yoyada. Ɔyn̄ gotə nar ní rāān̄neé yá̰a̰ rāā kəla gə̄ kə́ kem kújə yā Kɔ́ɔ̄ɓē tə́, adə̄ i yá̰a̰ rāā kəla yá̰a̰ ndējə̄ gə̄ ō, yá̰a̰ rāā kəla yá̰a̰ tun̄ kə́ kə taá malang gə̄ ō, bay gə̄ kə səmbē gə̄ kə́ rāān̄də́ kə lɔ́rɔ́ gə̄ ō, kə gində̄ arjā̰a̰á̰ gə̄ ō. Ndējə̄n̄ Kɔ́ɔ̄ɓē yá̰a̰ tun̄ kə́ róō horoó gə̄ kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń Yoyada ndiń kə kumneé ní.

1 YÁ̰A̰ GƏ̄ 23:28

I ngán Aaro̰ gə̄ n a ɔjən̄də́ kəla gə̄ kə́ kem kújə yā Kɔ́ɔ̄ɓē tə́ kə́ yā rāā gə̄ ní. Adə̄ i kəla kə́ ta ndágə loo kə́ gīr̄ gidə kújə yā Kɔ́ɔ̄ɓē tə́ gə̄ ō, kə́ kem kújə gə̄ kə́ kadə kújə yā Kɔ́ɔ̄ɓē tə́ ō, kəla tə́gó yá̰a̰ malang kə́ kɔr̄ kam̄ tām̄ yā Nə́ɓā tə́ kadə̄ unjə̄ ō, kəla kə́ tayā tayā gə̄ kə́ kem kújə yā Nə́ɓā tə́ ō.

NDŪ NAJƏ̄ 33:8

Yá̰á̰ ń Moijə əda dɔ Lebi tə́ ní n toó: Kɔ́ɔ̄ɓē, ngé kəla yāí kə́ ran̄ dɔ ndūdə́ tə́ gə̄ ń ī-nāādə́ Masa ō, ī-gān̄g sarya dɔdə́ tə́ tām̄ yā najə̄ kə́ Meriba tə́ ō ní, ī-ɓɔ̄də́ tumim yāí ō, urim yāí ō.

Teē Ngán Israel gə̄ 35:29

Ngán Israel gə̄ malang, dəyá̰ gē, dəngam gē, adə̄n̄ yá̰a̰ kə gō kem ndigə yādə́ yā rāań kəla ń Kɔ́ɔ̄ɓē ɔjə Moijə kadə̄ rāā ní i beé.

ESDRAS 8:27

səmbē kə́ rúu gə̄ kutə jōó kə́ rāān̄də́ kə lɔ́ŕ kə́ gātə̄də́ i sə́lē lɔ́r gə̄ dūbú ní ō, jóo gində̄ nə̄ngá kasə kə́ majə ngá̰ý gə̄ jōó, kə́ ndə́lē pipir gə̄, kə́ gātə̄də́ i ngá̰ý tītə̄ yā jóó lɔ́r gə̄ ní ō.

1 YÁ̰A̰ GƏ̄ 26:20

Adə̄n̄ ngán Lebi gə̄ kəla ngɔ̄m̄ yá̰a̰ kənge kə́ kem kújə yā Nə́ɓā tə́ ō, ngɔ̄m̄ yá̰á̰ kə́ yā ɓōĺ gidə gə̄ ō.