ESDRAS 8:23 - Bibəl ta Sar̄

²³ Adə̄ jə-*ndi ɓō tām̄ yā Nə́ɓā tə́, jə-dəjeń Nə́ɓā yājí kadə̄ rāā kem majə sejí ba kə ngɔ̄m̄jí. Anī ni-rāā yá̰á̰ ń jə-dəjen ní.

Bible sar

²³ Adə̄ jə-*ndi ɓō tām̄ yā Nə́ɓā tə́, jə-dəjeń Nə́ɓā yājí kadə̄ rāā kem majə sejí ba kə ngɔ̄m̄jí. Anī ni-rāā yá̰á̰ ń jə-dəjen ní.

ESDRAS 8:23 Referans Kwoze

ESDRAS 8:31

Kə ndɔ̄ kə́ nge ko̰ kutə gidə i jōó yā nāā kə́ ta kəga dɔɔ́ anī, j-ḭḭ kadə man̄ kə́ Ahaba tə́ yā kaw̄ ta kaw̄ kə̄ Jerusalem. Dan ń jḭḭ i róbó ní, Nə́ɓā yājí əndā jīn dɔjí tə́ ngɔ̄m̄jí ta madə̄ ba̰ā̰jí gə̄ tə́ ō, ta ngé kum̄ róbə gə̄ tə́ ō.

NDŪ NAJƏ̄ 4:29

Loo ń noō tə́ ní ā ī-sāāī Kɔ́ɔ̄ɓē Nə́ɓā yāsí. Ré ī-sāāniī kə ngarā̰ kemsí mámák ō, kə rɔ̄sí malang ō anī, ā ə́ngeniī.

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

IJAI 19:22

Kɔ́ɔ̄ɓē a ənda de kə́ Ejiptə tə́ gə̄. Ni a əndadə́ ba a rāādə́ kadə̄ rɔ̄də́ a ngáā. Nin̄ a télən̄ kə̄ rɔ̄ Kɔ́ɔ̄ɓē tə́ ō, Kɔ́ɔ̄ɓē a oōdə́ najə̄ yá̰á̰ ń nin̄ dəjenən̄ tə́ ní ō, ni a rāādə́ kadə̄ rɔ̄də́ a ngáā ō.

KƏLA RĀĀ 10:30

Anī Kɔrney əda na: Asə ndɔ̄ mətá kɔ̄ɔ́ ɓōólaā tā, i kə mbang nəkɔ́ ń toō bang, adə̄ i kə mbang kə́ mətá kə́ loo sɔlí, m̄-ndi m-ā m̄-ndɔ̄ȳ i Nə́ɓā ɓēé looḿ, anī deē kógə̄ḿ o̰ō̰ kūbə̄ kə́ ndaa kə́ ndə́lē ngá̰ý teē rétə́ gēé reē ra noḿ tə́

Najə̄ kə́ Majə yā Jeju ń Luk ndang ní 2:37

Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

NEHEMI 9:1

Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán Israel gə̄ kánə̄n̄ naā yā ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

TA KƏLA 25:21

Isaak rāā Kɔ́ɔ̄ɓē ɓɔ́ tām̄ yā nə̄yá̰n tə́, tɔdɔ̄ nə̄yá̰n i dəyá̰ kə́ kujə. Anī Kɔ́ɔ̄ɓē a̰a̰ kum tō ndoō yān, adə̄ nə̄yá̰n Rebeka un mósə ngōn̄, ndān̄ i ndəngā gə̄.

2 MBAN̄G 13:4

Banī Joakajə rāā Kɔ́ɔ̄ɓē ɓɔ́ kadə̄ wōn̄g yān tetə. Kɔ́ɔ̄ɓē oō ndūn, tɔdɔ̄ a̰a̰ ko̰y ń mban̄g kə́ Aram ənda Israel gə̄ tū tə́ ní,

Gōsə̄ najə̄ gə̄ 3:5

Ə̄nī kemií mámák ādə̄ Kɔ́ɔ̄ɓē, ba ī-lōō kəndā kemií dɔ ger̄ yá̰a̰ yāí īkɔ́ tə́.