ESDRAS 8:21 - Bibəl ta Sar̄

²¹ m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

Bible sar

²¹ m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

ESDRAS 8:21 Referans Kwoze

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

JOEL 1:14

Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.

IJAI 30:21

Ā ōō najə̄ ń toō gidií tə́: Róbə n toó, majə kadə̄ ún āwń dām̄ kə́ ko̰ó̰ tə́, aláa dām̄ kə́ geleé tə́!

1 SAMUEL 7:6

Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.

JONAS 3:5

De kə́ Ninibə gə̄ taān̄ kem najə̄ yā Nə́ɓā kə̄ ta jī tə́ noō. Nin̄-*ndin̄ ɓō tām̄ yā Nə́ɓā tə́. Ngé kənge yá̰a̰ gə̄ gə̄gē, ngé ndoō gə̄ gə̄gē, nin̄ o̰ō̰n̄ kūbə̄ kəhɔ ndoō.

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

LEBI GƏ̄ 23:29

Deē ń a ndi ɓō aĺ tām̄ yā Nə́ɓā tə́ ndɔ̄ ń noō tə́ ní, a ɔr̄nən̄ kɔ̄ɔ́ dan gír deē yān gə̄ tə́.

KƏLA RĀĀ 2:39

Tɔdɔ̄ Nə́ɓā ənī míndən i tām̄ yāsí tə́ ō, i tām̄ yā ngáńsí gə̄ tə́ ō, de gə̄ ń ndin̄ sa̰y ngá̰ý tə́ ní ō, de kə́ ngá̰ý gə̄ ń Kɔ́ɔ̄ɓē Nə́ɓā yājí a ɓāŕdə́ ní tə́ ō.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

PĀ GƏ̄ 5:8

Banī i ndūí ń ī-ra dɔ tə́ tām̄ yāḿ tə́ ní n ndḛḛ̄ kadə̄ mā m-údəń kújə yāí tə́ ní. M-ə̄sō kə̄ nang tə́ noí tə́ i kə ɓōló kemḿ tə́, kumḿ sɔɔ̄ loo kə́ táĺ yāí.

ESDRAS 8:15

m̄-kán̄ de gə̄ ń noō malang kadə ngōn̄ man̄ ń a nūgə́ kum kə̄ Ahaba tə́ ní, ba jə-ndi loo ń noō tə́ ndɔ̄ mətá. M-ə̄ndā ma̰ȳdə́ anī, m-á̰a̰ i de kə́ karī gə̄ ō, ngé tun̄ yá̰a̰ gə̄ ō, banī m-á̰a̰ ngōn̄ Lebi dandə́ tə́ alé.

JEREMI 10:23

Kɔ́ɔ̄ɓē, m̄-ger̄ kadə̄ deē ndul i kɔ́ɔ̄ róbə yān aĺ ō, m̄-ger̄ kadə̄ nge njə̄rā mbā asə njə̄rā dɔ róbə́ tə́ kə gōó alé.

IJAI 58:5

Ndi ɓō kə́ nelə̄m̄ to i tītə̄ ń noō a? Tél kə rɔ̄sí kə̄ nang tə́ kadə̄ sḭḭ̄ i de kə́ dūú gə̄ ní, Kəla dɔ kə̄ nang tə́ tītə̄ tītə̄ mu tə̄ɓā beé, kəla kūbə̄ kəhɔ ndoō rɔ̄ tə́, kəto kum bumbə́rú tə́, i yá̰á̰ ń noō n ā ī-ɓāríin̄ na i ndi ɓō ní a? I yá̰á̰ ń noō n ā ī-ɓāríin̄ na i ndɔ̄ kə́ nelə̄m̄ mā ní a?

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

Gōsə̄ najə̄ gə̄ 3:6

Tū yá̰a̰ rāāí gə̄ tə́ malang ní majə kadə̄ ī-gerə̄n, loo ń noō tə́ ni a ɔjiī loo rāā yá̰a̰.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

LEBI GƏ̄ 16:31

Ā ī-rāāī ndɔ̄ ń noō i ndɔ̄ sabat ń ā ī-*ndiī ɓō tām̄ yā Nə́ɓā tə́ ní. Nge ń noō i ndū najə̄ kə́ a to ngándáńg.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

PĀ GƏ̄ 8:2

Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

ESDRAS 8:31

Kə ndɔ̄ kə́ nge ko̰ kutə gidə i jōó yā nāā kə́ ta kəga dɔɔ́ anī, j-ḭḭ kadə man̄ kə́ Ahaba tə́ yā kaw̄ ta kaw̄ kə̄ Jerusalem. Dan ń jḭḭ i róbó ní, Nə́ɓā yājí əndā jīn dɔjí tə́ ngɔ̄m̄jí ta madə̄ ba̰ā̰jí gə̄ tə́ ō, ta ngé kum̄ róbə gə̄ tə́ ō.

TƏ́DA 14:31

Banī ngáńsí gə̄ ń ə́daī na madə̄ ba̰ā̰sí gə̄ na a əhɔn̄də́ ní, m-ā m-āw̄ sedə́ kadə̄ ugə̄n̄ dɔ nang ní tə́. Nin̄ a a̰a̰n̄ dɔ nang ń sḭḭ̄ ī-mbātíī ní kə kumdə́.

TƏ́DA 14:3

Kɔ́ɔ̄ɓē a aw̄ sejí kə̄ dɔ nang kə́ to beé tə́ kadə̄ aw̄ tɔ̄lə̄n̄jí tū tə́ kə kəyā kaskaraá ō, kadə̄ madə̄ ba̰ā̰jí gə̄ əhɔn̄ nə̄yá̰jí gə̄ kə ngáńjí gə̄ ɓəlo tə́ ō, i najə̄ rí tə́? Jə-tél j-awī gogə́ dɔ nang kə́ Ejiptə tə́ i só tə́ aĺ a?

JONAS 3:7

Gō tə́ anī, mban̄g nin̄ kə de kə́ bo yān gēé ədan̄ de gə̄ na: Ə́daī yá̰á̰ kə́ ndang kadə̄ yā rāā ń toō kə ndū mbērēé kem ɓēé: De gə̄ ō, dā̰ gə̄ ō, man̄g gə̄ ō, batə̄ gə̄ ō, bə̄yā̰ gə̄ ō ní, ɔgə̄n̄də́ kəsa yá̰a̰ ō, ka̰ȳ man̄ ō!

2 YÁ̰A̰ GƏ̄ 20:4

Juda gə̄ ḭḭn̄ kə̄ ɓē gə̄ tə́ malang reē kánə̄n̄ naā yā rāā Kɔ́ɔ̄ɓē ɓɔ́ kadə̄ Kɔ́ɔ̄ɓē rāā sedə́.

NEHEMI 9:1

Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán Israel gə̄ kánə̄n̄ naā yā ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

PĀ GƏ̄ 5:9

Kɔ́ɔ̄ɓē, ḭ̄ ń i Nə́ɓā kə́ nge rāā yá̰á̰ kə́ gōtə́ ní, ɔ́r noḿ najə̄ yā madə̄ ba̰ā̰ḿ gə̄ tə́. Ī-rāā róbə yāí noḿ tə́ ādə̄ dɔ asə naā.

PĀ GƏ̄ 137:1

Jə-ndi nang tə́ ta man̄ gə̄ kə́ Babilon tə́ jə-nōō, tɔdɔ̄ əga kemjí dɔ Siyo̰ tə́.

JEREMI 42:3

Ādə̄ Kɔ́ɔ̄ɓē Nə́ɓā yāí ɔjəjí róbə kə́ kadə̄ j-un ō, yá̰á̰ kə́ kadə̄ jə-rāā ō.

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.