ESDRAS 8:18 - Bibəl ta Sar̄

¹⁸ Dan ń jī Nə́ɓā yājí kə́ majə i dɔjí tə́ ní, nin̄ reēn̄ kə deē kógə̄ḿ kə́ nge kum kedə̄ adə̄n̄jí. Deē ní i de kə́ gír kaa yā Mali kə́ ngōn̄ Lebi kə́ ngōn̄ Jakob tə́. Rīn na i Serebia. Ngánən gə̄ ō, ngákó̰o̰n gə̄ ō ń reēn̄ seneé ní, nin̄ malang i deē 18.

Bible sar

¹⁸ Dan ń jī Nə́ɓā yājí kə́ majə i dɔjí tə́ ní, nin̄ reēn̄ kə deē kógə̄ḿ kə́ nge kum kedə̄ adə̄n̄jí. Deē ní i de kə́ gír kaa yā Mali kə́ ngōn̄ Lebi kə́ ngōn̄ Jakob tə́. Rīn na i Serebia. Ngánən gə̄ ō, ngákó̰o̰n gə̄ ō ń reēn̄ seneé ní, nin̄ malang i deē 18.

ESDRAS 8:18 Referans Kwoze

JEREMI 3:15

M-ā m-ādə̄sí ngé kulsí gə̄ kə́ kə gō kemḿ. Nin̄ a ulə̄n̄sí kə gōó ō, a əndān̄ kumdə́ gíŕsí tə́ majə ngá̰ý ō.

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

ESDRAS 7:28

Kɔ́ɔ̄ɓē ɔjə kem majə ń rāā seḿ ní kə̄ ndágá ta kum mban̄ g tə́ ō, ngé kadə̄ kɔjə̄ yān gə̄ tə́ ō, de kə́ bo yān gə̄ malang ń ndi gīrə̄n̄ gidən ní tə́ ō. Loo ń noō tə́ m-ə́nge tɔ́gə tɔdɔ̄ jī Kɔ́ɔ̄ɓē Nə́ɓā yāḿ i dɔḿ tə́, adə̄ m-ɔ́sə nja ngār kə́rēý gə̄ kə́ Israel tə́ kə naā tə́ kadə̄ aw̄n̄ seḿ.

DANIEL 1:20

Yá̰a̰ malang kə́ a dəje i kum kedə̄ ō, kəndā ma̰ȳ yá̰a̰ ō ń mban̄g dəjedə́ najə̄ kə́ dɔ tə́ ní, mban̄g a̰ā̰ kadə̄ nin̄ tɔȳn̄ mbōlí gə̄ malang ō, ngé tə̄ɓā ndíĺ kə́ majaĺ gə̄ ō, kə́ kem ɓē ko̰o̰ yān tə́.

ESDRAS 8:22

Rɔ̄sɔl̄ ɔgə̄m̄ dəje mban̄g kadə̄ adə̄jí ɓūtə̄ áskar gə̄ kə́ ngé kal̄ sə́nda gə̄ kadə̄ dānə̄n̄jí, kadə̄ ngɔ̄mə̄n̄jí róbó najə̄ yā madə̄ ba̰ā̰ gə̄ tə́. Tɔdɔ̄ j-əda mban̄g na: De gə̄ malang ń a sāān̄ Nə́ɓā yājí ní, jīn kə́ majə i dɔdə́ tə́. Banī de gə̄ malang ń əya̰nən̄ kɔ̄ɔ́ ní, wōn̄g rāān sedə́ ngá̰ý.

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

1 YÁ̰A̰ GƏ̄ 6:19

Elkana kə́ ngōn̄ Yeroam kə́ ngōn̄ Eliel kə́ ngōn̄ Toa kə́ ngōn̄

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

Gōsə̄ najə̄ gə̄ 24:3

Deē asə kun kum kedə̄ yā rāań kújə ō, kun gír̄ yá̰a̰ yā rāań kadə̄ kújə ra ngan̄g ō,

Gōsə̄ najə̄ gə̄ 3:6

Tū yá̰a̰ rāāí gə̄ tə́ malang ní majə kadə̄ ī-gerə̄n, loo ń noō tə́ ni a ɔjiī loo rāā yá̰a̰.

NEHEMI 12:24

Hasabia ō Serebia ō Yesua kə́ ngōn̄ Kadəmiel ō ń i ngār gə̄ kə́ dɔ ngán Lebi gə̄ tə́ ní, ré ta kəla i dɔdə́ tə́ anī nin̄ ran̄ kumdə́ sɔɔ̄ ta naā kə ngán Lebi kə́ rang gēé yā kənīń pā gə̄ kə́ yā ɓōkə́nń Kɔ́ɔ̄ɓē tɔ̄ȳ ō, kə́ yā ndadə̄nneé tām̄ yā kem majə yān tə́ ō, tītə̄ ń Dabid kə́ deē yā Nə́ɓā ədań kadə̄ yā rāā ní.

NEHEMI 10:12

Mika ō Rehob ō Hasabia ō

NEHEMI 8:7

Yesua ō Bani ō Serebia ō Yamin ō Akub ō Sabetai ō Hodia ō Maseya ō Kelita ō Ajaria ō Yojabad ō Hanan ō Pelaya ō ngán Lebi gə̄ ō ɔjən̄ de gə̄ kum ndū najə̄, ba de gə̄ ran̄ gotə kógə̄ḿ kə njadə́ kə̄ dɔɔ́ oōn̄neé.

ESDRAS 8:24

Gō tə́ anī m-ɔ̄r̄ ngé tun̄ yá̰á̰ kə́ bo bo gə̄ kutə gidə i jōó kə kéŕdə́. Serebia ō Hasabia ō ngákó̰ó̰də́ kə́ kutə gə̄ i sedə́ ō.

ESDRAS 8:16

Loo ń noō tə́ m-ə́la ngār gə̄ ń i Eliejer ō Ariel ō Semaya ō Elnatan ō Yarib ō Elnatan ō Natan ō Jakari ō Mesulam ō, ngé kɔjə de gə̄ ndū najə̄ gə̄ ń i Yoyarib nin̄ kə Elnatan ní ō,

TƏ́DA 3:20

Ngán Merari gə̄ kə gō gír kaadə́ gēé n toó: Mali ō, Musi ō. Gír kaa yā ngán Lebi gə̄ n tə́dan̄də́ kə gō gír kojədə́ gēé ní n noó.

2 YÁ̰A̰ GƏ̄ 30:22

Ngán Lebi gə̄ malang ń gerə̄n̄ yá̰a̰ yā Kɔ́ɔ̄ɓē majə ní, Ejekias ɔr̄ najə̄ sedə́ adə̄ńdə́ tɔ́gə. De gə̄ rāān̄ nāā ndɔ̄ sīrí, ndējə̄n̄ yá̰a̰ tun̄ gə̄ kə́ tām̄ yā kem kógə̄ḿ tə́ ō, ndadə̄ adə̄n̄ Kɔ́ɔ̄ɓē Nə́ɓā yā kaadə́ gə̄ ō.

ESDRAS 8:19

Reēn̄ kə Hasabia nin̄ kə Yesaya ń i de kə́ gír kaa yā Merari tə́ ní. Ngákó̰o̰n gə̄ ō, ngán ngákó̰o̰n gə̄ ō i seneé. Nin̄ malang i deē 20.

1 YÁ̰A̰ GƏ̄ 6:1

Rī ngán Lebi gə̄ na i Gersom ō, Kehat ō, Merari ō.

1 YÁ̰A̰ GƏ̄ 6:4

Rī ngán Merari gə̄ na i Mali ō, Musi ō. De gə̄ ń rīdə́ i dɔ gír kaa gə̄ yā Lebi tə́ ní n noó.

ESDRAS 7:9

Ni-əndā ndɔ̄ kɔŕdə́ dɔɔ́ Babilon i kə ndɔ̄ kə́ ta kəga dɔ yā nāā kə́ ta kəga dɔɔ́. Ba kə ndɔ̄ kə́ ta kəga dɔ yā nāā kə́ nge ko̰ mí anī ugə̄ Jerusalem. Tɔdɔ̄ Kɔ́ɔ̄ɓē Nə́ɓā yān ngɔ̄mən ta yá̰á̰ kə́ majaĺ gə̄ tə́.